Juan 8:56 - Sinia' Jlamtis 1994

⁵⁶ Abraham siupi jitiajlajia'm, ipini'yi ti iyo'ate, “Je ijiat ke i'wi'in siojona jloma ti ja'nes 'ne ajnat'e pi Saka'niona.” 'Yina ijiatjliyi kia'iyo ti i'wi'in, wuj ti ipini'yi.

Juan 8:56 Iomraidhean Croise

Mateo 13:17

Ijiatk'i siunie awo ti po' papo Sinia' jijwejlanawos t'ipi, siu'neje papo i'nio' isis t'ipi, ti ijialasista kan'wenis siuniwa ji'wena, 'yina je i'winis: ijialasista ka impe'ya ki iyo ni jipe'yaye, 'yina ka pakayet'iyijpe ka impe'yayis.

Lucas 10:24

Jajwi'lase'm, 'lojjimpe papo injwejlanawos, siu'neje papo anechiyasas, ijialasista kan'wenis siuniwa iyo niwa ji'wena 'nakayi, 'yina je i'winis. Iyoyetajas ka impe'yayis, kia'iyojliyi je ipi'yayis.

Juan 10:25

Isiujlie japo ti iyo'ate: —Pajatak'i ti anijwe'lase'm, 'yina sakakiuye. Ka lajak'i niwa Inia' jlamtis, niwak 'yakajanit itipe'e ti ya'am, siuniwa wask'i'nelaja alesane.

Juan 8:37

Ijiate ti jinijwelayi pi Abraham ti asnaye, 'yina ti je kima'yi ilia'm niwa jlamtis, it'imina'ne ti jiwoyeyi ka siliana.

Juan 8:39

Ipi'yayis'ne ti kia'iyo, iyoyis'ne 'ate: —¡Abraham, pak sinia'! Jesús isiujlie'ne pet ti iyo'ate: —Siuka ijiatayiji ka jilisa'ase'm pi Abraham t'ipi, ka in'wenayeta ka woyeyi niwa iyot'iyi pi jla'am.

Hebreos 11:13

Pi k'iet'iyik'i'nipe siupa Abraham, siu'neje pa Isaac, siu'neje pa Jacob, nojwat'ipi ajnata'm. 'Yina 'wanjliyi ape'e siunie ti je 'yakakiu pa Sinia', ejlo wek ti je yamik'i siupa Sinia' ijwijla'm. 'Yina 'yiniye ka jitiej iname wek pi 'lajni, sekyi'i iyoyits'i 'ate, “Seka'a siusie 'yakaja.” Ka kia'iwo ka 'najwelis jitipe'e ti je 'wet'ise', sekyi'i iyoyits'i 'ate, “Je ijiat ka i'wita' siu'nie ajnat, ja ke sipa'a ka itiajla'ana'a.”

Hebreos 11:39

'Yina wikie'eyi papoka ti ijiatt'iyijpe ti itienkiunisi pa Sinia' ti je 'yakakiuyis, 'yina 'yejne'n siunie jayoyi ti, 'wanjliyi Sinia' ijiatataja ti itime siupa ti je 'yakakiuyis, 'yina yot'iyi'ni ti kia'iyo ti Sinia' je yin jikiojyi siupa pajk'i ti ijwijla'm.