Juan 8:48 - Sinia' Jlamtis 1994

⁴⁸ Siojopo Judíojos ipi'yayis jiwek ja Jesús ti kia'iyo, sekyi'i iyonayisi 'ate: —Ijiate siunie awona'a ti ajwela ti am Samaria jlele'a'am, ti imosik yi' awa'm.

Juan 8:48 Iomraidhean Croise

Mateo 10:25

Siunie i'nio' ti 'neyasanik ja inikanit'ni kajeyepa ti jle' jawo'ate ka pajata iyo siunie 'yiyasa'n. Kiak jawo'ojyi pet siunie inkawo, ti ja tena'a siunie jle' iyo ni jika anechiyas. 'Yina ti kiak tiwonaja'ni ni siunie tijna'yi jana 'wuk 'ate Beelzebú, imose'l jika anechiyas, jijwel ka 'wena iwo napo siunapo ji'wet jlele ni siunie ja tamitaja'a'ni.

Mateo 10:5

Japoka'ne siojopo itijwa'm niwa sikioye times tom'niji ti Jesús ijliu', ti 'yiyasane siupa janwoyisi ti iyone 'ate: —Ká ajoyeyi siunapo i'nio' je Judíojos, ka kiak inwona'a ka ajoyeyi siuniwa isi'il yiji jana Samaria,

Mateo 11:18

“Kajeyepa ti 'nesa ja Juan, ti i'winis ti je ti'yekiu'n jla'yi ti je i'ya i'niati, iyoye 'ate napo, ¡Je 'es pa ka iwoyi, jitiej je 'es!

Mateo 12:24

Siojopo Fariséojos ti ipi'yaye japo i'nio' ti kia'iyo, sekyi'i iyoyis'ne pet 'ate: —Beelzebú, siupa jika anechiyas pet napo imose'l, pak iyo jijweyeja' ti iniujwank'i kisie'e.

Mateo 12:31

“It'imina ti kiak awo ti ajwe'lase'm ti Sinia' janetiajnat jiwek k'iye wikie'eyi napoka naka siunie je 'es, jike' ti iyoyisi, siu'neje niwa jlamtis ti yi'ne ni Sinia' ti wuj ti je isis. Jlampet siunapo ti yi'ne ni ji'lij ti je 'es janaka Sinia' jikimet ti 'es, napok ja ke imp'elisijne'n.

Mateo 15:7

¡Ijnoski'lanajyin wata'a! Jlamt'i je iyopi pa Sinia' jijwejlanik jiwo Isaías, siuniwa jlamtis ti injwela ti iyo'ate:

Juan 1:19

Siunapo anechiyasas Judíojos yiji jana Jerusalén ijliuyet'ipi napo pa'yijis siu'neje napo jla'yis Levítajas ti ijioyisi ja Juan ti i'yasisi'n ti iyo'ate: —¿Te'na'm?

Juan 10:20

'Loj japo iyo'ate: —¿Yot'iyi'ni ti jik'iuyeyi, ti imosik yiji, jitiej je 'es?

Juan 13:13

Siuti asa'am as'lej je lienayijk'i'm ti jiwoye'ate “Ika'neyasajnawo”, siu'neje ti jiwoye 'ate “Ika'niona”. Ijiate jlam je woyeyi, kajeyepa ijiatk'i siunie jiwoyeyi.

Juan 4:9

Kajeyepa ti siunapo Judíojos je 'esi wita'm napo Samaria jlele, it'imina ti ji'lij kiak iyone ti isiujlie, ti iyo'ate: —¿Yot'iyi'n ti jit'iejlijk'i'm ni i'niat, ti a'm Judío'a'm, 'yina ti yam Samaria jlelikik'i'm pet?

Juan 7:20

Iyo'ne 'ate japo i'nio' ti isiujlie: —¡Ataj je 'es! ¿Tempa iyotaja ka inla'an?

Juan 8:22

Siojopo Judíojos iyo'ne 'ate ti yinisi kiowe'e: —¿Ent'a iyo ka inila'an, it'imina ti kia'iyo ti iyo'ate, “Siunie jajiojwi je 'najanayi paka awonayi ka ajoyeyi”?

Juan 8:52

Iyo'ate japo Judíojos ti isiujlie: —¡Ijiate ti awok'ija 'ate ti ajwela ti imosik yi' awa'm! Jlam'ne siupapo injwejlanawos t'ipi pajk'i ti 'yajle'n, Abraham kia'iyojliyi, ti jiwo'ate ti jlamti, “I'nio' ni janwo niwa yamtis ja ke inetia'n.”

Romanos 15:3

Janiwone 'ate siunie iniwont'iyijipi pa Sijwajieti ti je iyojyi'n siupa ka 'esieyi ti jla'am, 'wenajlit'iyijpe ti jla'am ti it'imina ti 'yakajak'iyi siuniwa Sinia' jlamtis ti iyo'ate, “'Yaka'niona, siuniwa jikalakijnieye napoka i'nio' atajiejwas ti inlaki, yi' itipe'e.”

Hebreos 13:13

Siuti sa'am 'yiniye ka kiak iyoki, ti awaki japak isi', sekyi'i ka inaja'ni ti atajlaja'm japaka ti ajoki pa Jesús. 'Yina wuj ti anilayitieje siunie ti tiwet'ianats'e tiwonat'iyijipi pet.

Santiago 2:19

Ka jla'm awo wat ti jijwel pa Sinia' ti ijwienjli. Siuniwa imose'l kia'iyo 'yijene pi iyone, it'imina ti je 'yakakiuyis. 'Yina ti je ijwiyisie, kititiyeyik'iji'n.