Juan 8:46 - Sinia' Jlamtis 1994

⁴⁶ “¿Tepa jane'yi pa ti asa'am, ka inkajanit itipe'e ti po' pa awoyi 'yake'? Siuti ijiatk'i siunie ajwe'el, ¿yot'iyi'ni ti sakakiuye?

Juan 8:46 Iomraidhean Croise

Marcos 11:31

Sekyi'i ti iniajnatayis kiu' ti inijlok'ijin'ni ape'e kiaka ti ini'yasists'i ape'e, ti iyoyists'i 'ate: —¿Tepat'e jayoki ti jasiujlieje? Siut'itie ka iyok'iate, “Sinia' tajle”, jawoyena'a 'ate ti jankiults'e'm, “Kiak p'an iyoyetaja, jakajliete ¿yot'iyi'ni jiat'eje ti jikakiuye?”

Juan 14:30

“Laj i'witayi ka 'yakamtijnie'nase, 'yina je toj ilia'm siunie isie'e pet 'ni ajnat. 'Yina je akiajwe ti jla'am,

Juan 15:10

Siuti jawoyeyi siuniwa yamtis, ja ke ineyi ts'iji ka leyeyi siunie yimijnaye ka woyeyi, ka awoyena 'ate awo ti ak'iuye niwa jlamtis ni Inia' jla'yi ti ja ke ineyi ts'ijiye ka iliyi ni jlemijnaye.

Juan 16:8

Siuka 'nesta janaka Sinia' jikimet ti 'es, ka 'nakajanitiena'ape napo i'nio' siunie iyo niwa jikeyis, jla'yi ti po' siunie 'nayi tejeyi ts'iji ti i'nio' iyo ka 'esie, jla'yi 'neje ti Sinia' je ijiat ka je i'ye'en ni jitis iyo ni i'nio', niwak ja'nakajaniti ape'e.

Juan 18:37

Siuti Pilato ipi'ya, iyo'ne 'ate: —Ijiatp'ane 'yakaj ti anechiyasts'a'm. Jesús isiujlie ti iyo'ate: —Ijiate siunie jiwo ti sijwe'el ti anechiyask'i'm. Ya'am anam'ne ajnat'e, jla'yi ti a'yiji'n, 'nakayi ti jayamtiyi siunie ijiatk'i. Wikie'eyi siunapo yiji siunie ijiatk'i its'iuk'i'm.

Juan 8:47

Siunie ti Sinia' jlas its'iuye ki iyo niwa jlamtis ni Sinia', 'yina siuti je lijts'ase'm, ¿tepa jawo ka k'iuyeyi?”

Juan 8:7

'Yina ti i'yasis'ni, e'tieje'ne ti tijna pijia'm, sekyi'i iyo'ne 'ate: —Siunie ti asa'am jane'yi pa ja laja jikeye, nak inanayijna'a ka sisajas intateje'n.

2 Corintios 5:21

Sijwajieti je iyoyi paka k'iejliyeyi paka jikeye, 'yina Sinia' iyojwa'n inkeye' ti sit'iminik. Sekyi'i ti kasjnajietajats'i, siuti awakiap ni Sijwajieti.

Hebreos 4:15

Jlajmiliet, siunie saka pa'yijis jika anechiyas wuj, je naka ni siunie ti je 'yijene paka iwone ka kasp'elisijne'n ni iyo siuniwa sijliak'ali. 'Yina siuniwa inkajejlasayejes yits'e kia'iyo niwak yiyi, ijwienjliyi jla'am siunie ti 'wena t'asap'e naka ti je iyoyi ni jike'.

Hebreos 7:26

'Yina pa'yi jika anechiyas wuj siunie kia'iyo, naka ti awoktajan pet k'iye. Jla'am ti 'es ti laj jikeye, 'yina lajk'ipa ka k'iejliyeyi ka je 'esie ka iwoyi. Sinia' je jnanjliyi siunie ijioyi'i ti itionitiape'n napo i'nio' ti inkeyis jiliajnis, ti 'yaka'm ape'e ni poli.

1 Pedro 2:22

Siupi Sijwajieti je iyo jikeye ka paja, jla'yi ti je ti'wena ka inkelit'ni paka ne'yi paka i'nioye.