Juan 8:39 - Sinia' Jlamtis 1994

³⁹ Ipi'yayis'ne ti kia'iyo, iyoyis'ne 'ate: —¡Abraham, pak sinia'! Jesús isiujlie'ne pet ti iyo'ate: —Siuka ijiatayiji ka jilisa'ase'm pi Abraham t'ipi, ka in'wenayeta ka woyeyi niwa iyot'iyi pi jla'am.

Juan 8:39 Iomraidhean Croise

Mateo 3:9

Ataj ká awomayi siuti jiwoye 'ate, “Sa'am Abraham jilists'e'm atomaja pijia'm.” 'Yejne'n siuniwa sisajas je jwelta ka Sinia' je 'najane pa ka wone ka kiak iwone ka wone Abraham jilisa'.

Mateo 5:45

'Yina siuti jawoyeyi niwaka, siunie Asna' ti yi' poliyi inwoyeyijna'a jilisa'ase'm. Jlam ti i'nisati ni kilie', jlam 'neje ti ijliu' ni pejla ka 'esieyi napo i'nio' 'wanjli ka kia'iwo ka je inses, siu'neje napo isis kia'iyojliyi 'esi.

Juan 8:33

Iyoyis'ne 'ate ti isiujlieyisi pet: — ¿Yot'iyi'ni ti kiak jiwo, ti jiwo 'ate, “Ja ke kipijnasa'asem'ne paka ne'yi paka i'nioye”? Jlam'ne atajlaja'm pi Abraham t'ipi, lajk'ipa ka i'nioye ka jikipijnasats'e'm.

Juan 8:37

Ijiate ti jinijwelayi pi Abraham ti asnaye, 'yina ti je kima'yi ilia'm niwa jlamtis, it'imina'ne ti jiwoyeyi ka siliana.

Juan 8:43

¿Yot'iyi'ni ti kiak iyo ti je woyeyi ka intant'iejayi siukia awo? 'Nakayi jla'am ti je woyeyi ka ak'iuyeyi niwa yamtis.

Juan 8:56

Abraham siupi jitiajlajia'm, ipini'yi ti iyo'ate, “Je ijiat ke i'wi'in siojona jloma ti ja'nes 'ne ajnat'e pi Saka'niona.” 'Yina ijiatjliyi kia'iyo ti i'wi'in, wuj ti ipini'yi.

Romanos 4:12

Jlampet siunapo i'nio' ti yiji siupa tiwonat'iyipi pi Abraham, siu'neje ti iyoyi siupa iyot'iyipi jla'am ti je 'yakakiu pi Sinia', ti je kiak tiwonajliyi'ijyi ka t'isie'n jiwa tejwak'i, 'yina napoka 'neje jilis pa Abraham.

Romanos 4:16

'Yina kiakt'i iyopi, jak je iyoyiji siupa Sinia' iyont'iyijipi pa Abraham ti ijwijla'm, je tak'emisie'n jiwekie'e kajeyepa ti pak it'imina ti je 'yakakiu. 'Yina kiaka'ne pet ti 'yakajanitk'i ti tajle nak jikap'ijliuskiye ni Sinia' ka 'esieyi wikie'eyi siunapo jilis pa Abraham, siu'neje papo tomik'i pijia'm, ka iyot'e jla'mate, je napokata siunapo iyoyi ni inka'neyasajnaye ka 'esieyi, 'yina siunapo ti je 'yakakiu pa Sinia' kia'iyo 'esi pet, siunapo ti iyo'ate pak Abraham ti je 'yakakiu. Ijiatjliyi kia'iyo'ni, Abraham pak sinia' ti kaswikie'eyi,

Romanos 9:7

'Yina je wikie'eyi 'neje siupapo Abraham jilis ti tomik'i pijia'm ka papok ijiatayiji ka jilisa', kajeyepa ti Sinia' kiakt'i iyonipi pa Abraham ti iyo'ate, “Siunapo alesayi nak jantajle na Isaac.”

Gálatas 3:29

Jak je iyoyiji, siuti nak jitiajlayi ni Sijwajieti, je kast'ayiji'n pet ti asa'am ti jitiajlajia'm siupapo Abraham jilis t'ipi, asa'am ti tijna'yase'm siunie Sinia' ijwi'il.

Gálatas 3:7

Jak je iyoyiji 'esiji ka 'najanayi paka wonayi ti siunapo ijiate jla'am ti Abraham jilis napoka ti je 'yakakiu pa Saka'niona.