Juan 8:37 - Sinia' Jlamtis 1994

³⁷ Ijiate ti jinijwelayi pi Abraham ti asnaye, 'yina ti je kima'yi ilia'm niwa jlamtis, it'imina'ne ti jiwoyeyi ka siliana.

Juan 8:37 Iomraidhean Croise

Mateo 13:15

Siunapo i'nio' t'o'n ni jlosik iyo, t'ojyits'i niwa jik'iote tiojwa'l, je 'alk'i ape'e niwa jitiete. Kajeyepa ti je iyo kank'iuyisie, jla'yi ti je iyo kan'wenis ka 'najanisi, 'nakayeyijna'a ti ja ke iwo jlosikis ink'iejyisa', ka napilisk'i ka ijwiejiete'n.”

Mateo 3:9

Ataj ká awomayi siuti jiwoye 'ate, “Sa'am Abraham jilists'e'm atomaja pijia'm.” 'Yejne'n siuniwa sisajas je jwelta ka Sinia' je 'najane pa ka wone ka kiak iwone ka wone Abraham jilisa'.

Juan 10:31

Siojopo Judíojos ti ipi'yayeyis ja Jesús ti kia'iyo, yikiajlayisi'iji ti isimisie jawa sisajas ti iyotajas ka intatisiji'n.

Juan 11:53

Jakayi'ne ti tiwokieyi ka tiliana, iyoyis'ne 'ate, “'Esiji ka tiliana 'ni Jesús.”

Juan 5:44

¿Tepa t'e jawo ka je sakakiuye siunie ajwe'el, ti asama'yasa'm ti jininekiajlayi ti jiniwunitie, jlam'ne ka woyejyi'n jla'am ka ijnonitie' pi Sinia' ti pakata?

Juan 7:1

Jesús ti paja'ni wat ape'e yamaja, iniuyits'i siojowa isi'il yiji jlaja Galilea. 'Yina je iyo'ni ka ijno 'niji yi'i jlaja Judea, lapakawo siojopo Judíojos iyotaja ka inlanis.

Juan 7:19

“¿Je pak Moisés ti iwi'nase'm ni jika'neyasajnaye? 'Yina tiwet'ianaja ka injwanjli wata'a paka ink'iuye. ¿Yot'iyi'ni ti jiwoye'ijyi ka siliana?”

Juan 7:25

Sekyi'i siojopo sek ji'wet'e, siujlieja ajnat Jerusalén, po' japo iyo'ate ti ini'yasis: —¿Je 'naka 'ni tiwoktajyin'ni ka tiliana?

Juan 8:33

Iyoyis'ne 'ate ti isiujlieyisi pet: — ¿Yot'iyi'ni ti kiak jiwo, ti jiwo 'ate, “Ja ke kipijnasa'asem'ne paka ne'yi paka i'nioye”? Jlam'ne atajlaja'm pi Abraham t'ipi, lajk'ipa ka i'nioye ka jikipijnasats'e'm.

Juan 8:43

¿Yot'iyi'ni ti kiak iyo ti je woyeyi ka intant'iejayi siukia awo? 'Nakayi jla'am ti je woyeyi ka ak'iuyeyi niwa yamtis.

Juan 8:56

Abraham siupi jitiajlajia'm, ipini'yi ti iyo'ate, “Je ijiat ke i'wi'in siojona jloma ti ja'nes 'ne ajnat'e pi Saka'niona.” 'Yina ijiatjliyi kia'iyo ti i'wi'in, wuj ti ipini'yi.

Juan 8:59

Sekyi'i ti isimayisk'i'ni kiwa sisajas ti iyotaja ka intatisiji'n. Jlampa yama ti inijwekia'm, ti tal kiajwe jlaja 'najla'wet.

Juan 8:6

Lapakawo ti kiak iyotaja ka intajlatisie, it'imina ti kiak iyoyisi ti i'yasisi'n, jla'yi ti ijyijlitis. 'Yuye isia'm, sekyi'i ti ip'isina ni ajnat ti jijwuki isiene.

Hechos 13:26

“I'lijwas ti Abraham jilists'ase'm, siu'neje japo je iliyi ti iyunitis pa Sinia', k'iuyeyi siu'niwa Sinia' jlamtis ti ijwil japa Injwajieti, sa'am ti ijliuts'e.

Romanos 9:7

'Yina je wikie'eyi 'neje siupapo Abraham jilis ti tomik'i pijia'm ka papok ijiatayiji ka jilisa', kajeyepa ti Sinia' kiakt'i iyonipi pa Abraham ti iyo'ate, “Siunapo alesayi nak jantajle na Isaac.”

1 Corintios 2:14

Jlampet siunapo i'nio' janaka jana Sinia' jikimet ti je yiji, kajeyepa ti je isimits'i ilia'm, je itiant'iejesi. Sekyi'i iyoyets'i 'ate, “Je 'es. Laj lajaye.” Je itijnisisk'i siunie iyoyi, jak je iyoyiji ti ijwi'il kan'yenis, je 'yijenisi paka inwonisi ka injwelis ka inka'yejnajne'n.

1 Jn 2:14

Ijiatjliyi 'napo ilis, atate'ase ti pajk'i ti intant'iejayi pi Sinia'. Asa'am ti inkijliyejyi'n, kia'iyojliyi ti pajk'i ti intant'iejayi siunie i'nio' po'o ta'a ti 'nelanjie'e, je wakaljli'ijyi niwa wask'i'nelaja yi' ape'e 'ni ajnat. I'lij atate'ase asa'am ti jwemik'iase'm, ti ast'oni poye jla'yi ti siuniwa Sinia' jlamtis iyo 'wetaja ni asosik, siu'neje ti siunie imosik ti je inkajlajyi'n.