Juan 8:34 - Sinia' Jlamtis 1994

³⁴ Jesús iyone'ne 'ate japoka: —Ijiate, ijiatk'i siunie jayo, ti siunie i'nio' iyoyi ni jloski'la, nak siunie jikipinik ni inke'.

Juan 8:34 Iomraidhean Croise

Mateo 5:18

Ijiatk'i siu'nie jayo, siuti je netianjli'ijyi ni poli siu'neje 'ni ajnat, kia'iyo ja ke inetia'n nak Moisés jika'neyasajnaye tiwet'ianaja ka janajata jana inkajwukis, siu'neje niwa sajmelaja'n ka netia'n, paj ka ineyeyinie'e siojona jloma ti ja 'nakaj siuniwa iyo ti ijwi'il.

Juan 3:3

Jesús iyo'ate ti isiujlie: —Ijiate, ijiatk'i siunie jayo, lajk'ipa kan'we'en pi k'iejliyi pi Sinia' jika anechijiayas ijiatjliyi jla'am ni i'nio' ti yikiajle'e ti k'iejli yiji'n, nak jantant'ieje.

Hechos 8:23

Kajeyepa ti a'we'en siunie je 'es ti inla'nit, it'imina ti je inkaj'ni.

Romanos 6:12

Naka ti je 'es ka aninenayi 'ate ka awaye kiajwe siunie inke', 'nakayeyi ka woyeyi siunie iyo niwa 'assienis ti je t'o'n ti 'yijijie'nase'm ka woyeyi.

Romanos 6:16

Jlam'ne 'najanayi ti siuti jininekiajlayi pa yi'i pa, 'yina jiwoyeyi siupa iyo ka woyeyi, kajeyepa ti jikipinik'ia'm, 'yina ti jik'iuye siupa ijliuye'a'm. 'Yina kiak iyoyiyi pet siu'nie ti jik'iuye naka inke' ijnoyeyiji jana 'najlati, jlam'ne pet ka k'iuyeyi ni Sinia' siunie iyo ka woyi nakata pet ka ijnajietajyi.

Romanos 6:6

Kasts'ajane pa awonaja ti siojokia si'wasankiye ti inia'an ti paj jiliaye iniuyi pet wita'm pi Sijwajieti ti tik'iejwata'a japa cruz, 'nakayi pet siuniwa ti kasteliaja ka iyoki ti talts'e ja lajana'a jijweyeja' pet, sek jane'yi ka siunie inke' ja ke iwoyeyijna'a jikipijnasats'e'm.

Romanos 7:14

'Yina jlam'ne kasts'ajane ti siunie Moisés jika'neyasajnaye Sinia' ti jlamtis niwaka. Siuti ya'am ti i'niok'i'm, 'yina jikijmaye iyo pit ni 'isie'n, 'yina 'naka'ne pet ti siwe'en ti sekiajla ni inke' iyone jikipinikiek'i'm.

Romanos 7:25

¡Sinia' nakata jla'am ti ja sijwajiet je lajk'i pa iyo pa Saka'niona Jesús ti Sijwajieti ti kia'iyo! Ts'ijiye jlaja awo'ate: a'we'en ti ijiate ti je 'es ka je iyoyi niwaka niwa iyo ka tiwoki siuniwa Sinia' jlamtis, jlampet ti i'niok'i'm, awoyi ni siunie jikijmaye pet ni inke'.

Romanos 8:21

Japakayeyi ti Sinia' janlanits'i puwa t'aka, siu'neje ti janjwajiete siupa jota iwo ti jota inetiajnate'n. Ti kiak jawo pit janejyi siupa t'oniye jawo ti ijiate ti 'es, papok Sinia' jilis ti kiak janwone.

Efesios 2:2

kajeyepa ti jiniuyek'i siunie iyo pet ni je 'es. Jikinieyi ni jikijmaye iyo ni ajnat, jiwoyeyi siunie 'yijie'nase'm ka woyeyi ni iyo ni i'nio' imosik, ti jla'am ti iniwojwa'n anechiyasa', siu'nie 'neje ti yiji na jloma, 'yina naka ti iniajne'n k'iye siunapo i'nio' je iyo kank'iuye niwa Sinia' jlamtis.

Tito 3:3

Ti pajk'i kassoski'lajne'n, je awoki kats'iukie niwa Sinia' jlamtis, akamak'iji'n. 'Yina ti 'loj siuniwa kasteliaja, sakeyis ti ijwienjli je k'iejliyik'i, niwaka'ne ti iyo jikipijnasats'e'm 'yina ti awak kiajwe. Wuj ti je 'es ki awoki; awoki ni solsijnieye; kasse'waja napo si'lijwas, kia'iyojliyisi pet ti ne'wats'e'm.

2 Pedro 2:19

Ijwijla'm napo ijia ti iyo'ate, “Mawat jikio' je ilie'nase'm ni je 'es je jwaye, 'yina sa'm ijiate wek ti kasts'ajane pi awonaja ti ajwajieta pa ti kiak iyoyi.” ¡Ijiate ti jla'm iyoyiyi siunie ijwil ka woyisi, jlam'ne jla'am ti inijwelis ti je t'ekiyisiyi siunie iyoyi ti wuj ti je 'es, ijiate jla'am ti inkipijna', je tijwayisi! Kajeyepa ti siunie inke' ti 'yakajli ni i'nio', 'nakaye'eje pet ti 'yiniye ti ilie'nit.