Juan 8:31 - Sinia' Jlamtis 1994

³¹ Jesús iyonayi'iji 'ate siojopo Judíojos je 'yakakiuyis: —Siuti ja ke aleyeyi siunie iyo niwa yamtis, asa'am ti ja ijiatayi ti 'yiyasajna'yase'm.

Juan 8:31 Iomraidhean Croise

Mateo 24:13

Ja jlama pet siunie i'nio' ti ja ke k'asa'a, siunie iyo ti je sakakiu, 'nak janjwa'.

Juan 1:47

Jesús iyo'ne 'ate ti i'wina ilia'm ja Natanael: —Siunie 'la'n ilia'm, nak Israel jika kia'le ti lajk'i paka t'oniye ka je 'esie.

Juan 2:2

Jesús jla'yis japo t'eyasajnas sek yiyits'i kajeyepa ti ti'yasaja kajnoyi siojokia inlakijnieye ilisane siojo tijwa'yi.

Juan 6:55

Siunie 'yajwes nak jlam ijiate jla'am ti inak ti ijiatk'i. Siunie i'yoyis kia'iyojliyi nak inat ti ijiatk'i.

Juan 8:36

Siuti kia'iyo ni Sinia' Jlas, ti iniuyeje pa ti kiak iyo, 'yina kiak janwo'nase pet jlam ja ijiatayijna'a ti janlanajyits'i.

Hechos 13:43

Ti pajlatat'ik'ipe kisie'e siupapo i'nio' nak nojwaja'm papo Judíojos, siu'neje pa jike' iyonisi papo Judíojos, yamisk'i ja Pablo siu'neje ja Bernabé. Sekyi'i japo Pablo iyonisi'ne 'ate ti ijliuyisie'ni: —Ká akakiunieyi siunie Sinia' jikap'ijliuskiye ti yi'nase'm. Ni'netie, ataj ká alana'yi ti jiwoyeyi.

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

Hechos 26:22

Ka lajak'i jlam pa Sinia' ti yamjliyi'iji ti i'yenk'i'm, siu'nie jloma ti a 'ne, ti ayetaja napo i'nio' ti anechiyasas, siu'neje napo i'nio' lajk'iyi pet paka iwo, ti amtiyi k'iye niwa Sinia' jlamtis. 'Yina je aka'm ape'e ki iyo siuniwa injwejlanawos t'ipi siu'neje pa Moisés iyot'iyipi ti ijwil siupuwa ja 'nakaj ts'iji.

Romanos 11:22

Ijiate a'wena ti wuj ti takap'ijliuski, jla'yi ti a'tiek'i siunie iyoyi. 'Yina 'nesieyi siunie jikap'ijliuskiye iyoyi ti yi'nase'm, jlampet siunapo ti yamk'i isia'm ti t'opits'i isia'm, nak a'tiek'i pet siunie iyone. 'Yina awo'ate, ja ke paja ka atajli ni siunie jikap'ijliuski iyo, 'lojwinie'e ka inlana ilia'm siojona a'la' ti ijiate ti olivok jana jitisiuk.

Romanos 2:7

Sek jane'yi siojona ji'wasankiye ti laj jlaja, napok janwejna'm pet siunapo iyojyi'n, jla'yi ti yamjliyi pet ti iyoyi ni siunie ti 'es, jla'yi ti iyoyisijyi'n siunie inwunitieye ti tajle ni Sinia'.

Colosenses 1:23

Jak je iyoyiji je 'esiji ka leyeyi siunie astankiujnieye ti 'es; ká anitajlina', nit'onitie pijia'm, ká alanayi wita'm siojona asnejejwiye ti tajle pak Sinia' jika'niye ti pajk'i ti jipe'yaye. 'Yina siunie inka'niye itij'w ape'e 'ni ajnat ti tijwela, siuti ya'am ti Pablok'i'm, ya'am ti Sinia' jikawok'i'm.

1 Timoteo 2:15

Siojona asejnia ti jlam ti inet, siuti ja ke inleyi ni siunie jitienkiujnieye ti 'es ti iyoyi, jla'yi ni jlemijnaye, jla'yi ti janilesaniji jitieyi'i pi Sinia', janak janjwa'.

1 Timoteo 4:16

'Esiji ka wujwa ka in'ye'en, siu'neje ni 'eyasajnaye jiwoneje. Katate siunie jiwoyi. Siuti kiak janiwoneje janijwajiet jiwek a'm, siu'neje napo ti its'iu'wa'm.

2 Timoteo 3:14

Wikie'eyi siuniwa jini'neyasanejpe niwaka ti ja ke paja ka leyi ti ja aki, siunie ti ijiate ti je jikakiuni, jla'yi ti intant'ieje, 'yina 'najane pi jiwone siupapo 'neyasant'iyijpe.

Hebreos 3:14

'Esiji ka ani'netie pijia'm siunie iyo ni astankiujnieye ti 'es, jatiajlataja ki iyo ti 'nelanjie'e paj ka iwiekieyina'a 'niji jlaja, japakayeyi ti jawiekiap pa Sijwajieti.

Hebreos 8:9

'Yina ja ke iwo'ate siunie awone kiapo jika kijilas mases ti akijmi kio'yi ti atajlaja'm jana Egipto ti aki'ni. 'Yina ti je its'iuyisk'i'm ki iyo kiwa yamtis. Jak je iyoyijipi ka je iliyi'ni,” iyo ni Saka'niona.

Santiago 1:25

Jlampet siunie wuj ti i'ye'en niwa Sinia' jlamtis, jla'yi ti je ilijape, je isiwaliyi'i ti iyoyi, niwaka pet ti jantajleje ni jinikanitieyi. Tepa jawo ka kiak je iwo ti jijweye po' niwa Sinia' jlamtis, 'yijene pi iyone ka t'aka inlajnits'i napo i'nio'.

1 Jn 2:19

Ti talts'e'm japok i'nio', sekyi'i'ne ti 'yakajayi ti je wikie'eyi ka intal siwa'm. Jlam'ne ka ijiatayi ka intal siwa'm, je kia'iyotaja'ni ka intal'ne saka kiowe'e jakayi.

1 Jn 2:24

Lesana siunie inamtik ti 'es, siunie ti 'nelanjie'e jipe'yaye. Siuti kiak jawoyeyi siunie Sinia' jla'yi ni jlas kiak janwo'ijyi pet ja injwanjliyeyik'i.

2 Juan 1:9

I'nio' ni iyo ka inkajmat ape'e siunie iyo ni Sijwajieti t'eyasajnaye, Sinia' je yijap. Jlampet siunie i'nio' ilisa'n nak inamtik ti 'es, siunie Sinia' jla'yi ni jlas yijap.