Juan 8:20 - Sinia' Jlamtis 1994

²⁰ Jesús yits'e yi'i jlaja 'najla'wet ti kia'iyo, iyo niwa jlamtis, yi'i siojowa tiwoki'ni ji'wajieta' pi Sinia' siojowa ti titietajak'i'ni. Siuti je yijliyi'iji siojopa jika jloma, it'imina'ne ti lajk'ipa ka inki'me.

Juan 8:20 Iomraidhean Croise

Mateo 26:55

Sekyi'i ti kiak iyonayi japo i'nio': —¿Yot'iyi'ni ti jiwoye astesajnatisie', jla'yi ti jiwoye ask'iulisie', ti jiniamak'i, siwonayeyi 'ate ni i'nio' kajlajnata? Jlam'ne wikie'eyi kiwa jlomas ti si'wenayeta'ni ka jakayetaja ka akimak'i'm.

Mateo 27:6

'Yina siojopo pa'yijis jika anechiyasas it'iayek'i'ni kiwak wikijniest'ejes, sekyi'i iyoyis'ne 'ate: —Siujlie'e wikiniet'aj, je 'es ka yinaja janak jiwe, niwa totie'ni wita'm ti tekiajlaja pa Sinia', kajeyepa ti laja ni 'woyis.

Marcos 12:41

Ti je taljli'ijyi ts'e yi'i jlaja 'najla'wet wuj, Jesús teje'yi siojopa titietajak'i'ni isia'm puwa wikijniest'ejes tiwoki in'wajietiye ti tekiajlaja pa Sinia', ti i'ye'en papo ijioyi ti itietik'i'ni isia'm, jlam'ne siupa i'nio' jwajla'a i'wi'in wuj jla'am japa itietek'i isia'm.

Marcos 12:43

Jesús tanat'iyi'nijpe japo t'eyasajnas, sekyi'i ti iyonayi 'ate: —'Yenak'i siojokia ask'ilieki, p'ijliusie. Ijiatk'i siunie awo ti siojokia jika wikiniet'aj jlase' ti itietek'i isia'm siojona tena'a'ni, 'yina 'yaka'm ape'e siojopa itietek'i isia'm siojopo i'nio' ti ijiate jla'am ti jwajla'a i'wi'in.

Lucas 20:19

Siupapo pa'yijis ti kia'iyo jijweye po', siu'neje papo taka'neyasane pa Moisés jika'neyasajnaye, iyoyisiet'itiejepi ka inkimits'i, kajeyepa ti itijnisieyisi pa Jesús ji'lij 'yijejnap'ni, ti yijnapeje papok inkijmayewos t'ipi. 'Yina papoka jla'am papo i'nio' ti je ijwiyisie.

Lucas 21:1

Jesús i'yen'ni papo i'nio' inkasi' ti itietijisi'ni siupuwa jijwa'al jla'am puwa tiwoki 'wajieta' pa Sinia' yi'i japa 'najla'wet.

Juan 10:39

Ti ipi'yayis ti kia'iyo ja Jesús, iyoyetajasijyi ka inkimits'i, jlampa yama ti i'yilta'n.

Juan 2:4

Jesús iyo'ne 'ate ti isiujlie jlaja jlet: —Jla i'nioki, ¿yot'iyi'ni ti kiak jiwonk'i?, ti je yijliyi'ijyi siojona 'yaka jlomaye.

Juan 7:14

Jikiowe'eyi jakia inlakijnieye ti Jesús ijioye kiajwe japa 'najla'wet, ti taka'neyasa'n.

Juan 7:30

Siojopo i'nio' ti ipi'yayisie, iyoyetajasi ka inkimits'i, 'yina 'yaka je yijliyi'ijyi siupa jlaj yi'i, it'imina'ne ti lajk'ipa ka jikiowe int'onitie ka poye pa ka k'iejliyeyi paka inwone.

Juan 7:44

Po' japo iyotaja ka inkimits'i ja Jesús ka i'notists'e a'laja'm, 'yina lajk'i'ne japo ti paja ka inkimits'i.

Juan 7:8

Maye'ni jiwekie'e asa'am, ja ke iyik 'yaka je yijliyi'ijyi siojona 'yaka jloma.

Juan 8:2

Siukia ti jlomaye'eje ti k'iejli mot, yapilieyi'ijyi jlaja 'najla'wet. I'nio' 'yakapajlayisi, sekyi'i yiyeje'n ti 'yiyasajne'n japok i'nio'.

Juan 8:59

Sekyi'i ti isimayisk'i'ni kiwa sisajas ti iyotaja ka intatisiji'n. Jlampa yama ti inijwekia'm, ti tal kiajwe jlaja 'najla'wet.