Juan 8:12 - Sinia' Jlamtis 1994

¹² Jesús iyonayi'iji 'ate japo i'nio': —Ya'am ti jika katesk'i'm napo i'nio' yi' ape'e 'ni ajnat. I'nio' ni jana'am ijyik'i ja ke int'iskiuniejejyinna'a ni ajnatiok, siojona kates in'wasankiye tajle janejyi.

Juan 8:12 Iomraidhean Croise

Mateo 5:14

“Asa'am ti jika katets'ase'm siunapo i'nio' yi' ape'e 'ni ajnat. Siojona isi' yi' ape'e jana tikijnaki ti toj pijia'm je istieyi kajeyepa ti toj pijia'm.

Lucas 2:32

kates ti janata'n ape'e siunapo i'nio' je Judíojos, janakaye jiwunitieyeja' napo aka kia'lis ti tajla'm ni Israel.”

Juan 12:35

Jesús iyone'ne 'ate japo: —Je taljlitie'eje aska kiowe'e siojona kates, 'yina ja ke pajayi ka intajlanna'a aska kiowe'e. Katatayi ka askiuniek'iji'n alenjlipa ti 'yaka ask'ioye 'ni jloyeyi. Ja 'nakayeyijna'a siunie ajnatiok ja ke inesi'lietana'a ka netie'asenie'e. Ijiatjliyi siunie i'nio' yikiajli'ni nak ajnatiok, je 'yijene siupa jantajyi.

Juan 12:36

Ká akakiuye janak kates, ti je taljli'ijyi aska kiowe'e, ja 'nakayeyijna'a ti ja jloma jleleye'ase'm pet. Yiyik'i ti yama ja Jesús, inijwek'ni k'iye japo i'nio'.

Juan 12:46

Yam katesk'i'm, yam ana'm ajnat'e jat'imina napo i'nio' siunapo je sakakiu ja ke inejyi ni ajnatiok.

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Juan 3:19

Wikie'eyi siunapo kakiujnietas 'yakaj ta'a ti ja tisiejek'i'yi, 'yaka iyo siuniwa je isis. Je yiminis siojona kates ti nama ajnat'e, 'wenajliyi ni ajnatiok ti 'namajasi.

Juan 7:17

Siuti ja poye siunie janwo ni Inia' yi poliyi iyotaja ka inwo, sek jantaj'le ni i'nio' ti ja 'najane pa janwone, siuti ja ijiatayi ti jantalk'i, ni'ne ka intal Siniayi.

Juan 9:5

'Esijyi ti ajli'ijyi 'ne ajnat'e, ti ya'am ti akajanit'i ape'e napo yi' ape'e 'ni ajnat.

Hechos 13:47

Lapakawo ti kia'iyo siunie iyo ka iyoki ni Saka'niona, ti jla'am ti iyo'ate: “Awojwa'n jika katesa' napo i'nio' siunapo je Judíojos, ka i'nechia ti ja jijwajietiye'a'm, ti ja akiji napo i'nio' siunapo ji'wet tose.”

Hechos 26:23

Siupa ti iyot'ipi 'ate, “Siunie Injwajieti ti Sinia' jijliujwanik ja wujwa ni jawo ti janilayiti, ts'ijiye ti ja tiliana, 'yina ja jlama ti janan kisie'e ti jano kisie'e ti jantajli pa a'no', naka'ne na jankajwejlane napo Judíojos, siu'neje napo i'nio 'wenayi, ti janjwele siojona jika jloma jana injwajieti ti ja'nakajanit'i ape'e”.”

2 Pedro 2:17

Siunapo inka'neyasajnawos, niwak 'yiniye niwa tokiyis ti yimata'ak'i, siu'neje niwa polis ti jlajwu itiete'ni 'niji pi ijiojwi pi jlajwu. 'Yina Sinia' pajk'i ti iwiakajlanit k'iye siunie ja ji'weta, naka ni ajnatiok ti ja laja jlaja.

2 Pedro 2:4

Siupapo injlojwajnas poli jlele ti kia'iyo siupi je 'es, Sinia' je najwi'yite. Itieteje siupi imosik ji'wet pet ti wikijnies ilie'niti yi'i pa ajnatiok, ti itiejiete siojopa jloma ka Sinia' i'yenta napo i'nio' ni jitis iyo.

1 Jn 1:6

Siuti ajwela ka kasjwanjliyik'i, jlam'ne mawat je atajlaje siunie ajnatiok, awok sintijyisa', ki iyo niwa samtis yame'e ni sikijmaye ti je 'es.

Judas 1:13

Niwak iyo'ate siuniwa ji'wukijlimpejes ti tiwakits'i pijia'm yi' ni i'niat lajlik'i, jlampet siuniwa ti je isis ti iyoyi, nak 'yiniye pet siunie ti iyo siepa' ti yi' ape'e ti ijiut'ni jikiusi. Iyo'ate siuniwa katese'l ti 'yakamk'iji'n, 'yina Sinia' 'yotat pet k'iye siunie ji'wet, jikiowe'e ni siunie ajnatiok, jajnok'i'ni pet ti sek jane'yi.

Judas 1:6

Pojon'nejepe papo injlojwajnas poli jlele ti ijliasate'n siupa Sinia', iyontaja ti yinta'ak'i siupa jikijmaye iyone, je 'esiji jla'm ti taj'lik'i siupuwa ji'wetis. Papoka ti Sinia' ilie'niti puwa wikijnies ti jajnok'i'ni ti ja inkipijnasa', sekyi'i itiete jikiowe'e ni ajnatiok jajnok'i'ni paj ka ineyeyinie'e siojona jloma ti ja ke jwajla'aja, janaka siojona ja tenajaja ti ja ti'yena napo i'nio' pi jitis iyo.

Apocalipsis 21:24

'Yina wikie'eyi siunapo i'nio' ti tajlits'i niwa ajnatis jat'iskiunieyisijyinna'a ni jla'al ni Sinia' ti yiji jlajaka isi'. Siunapo i'nio' anechiyasas ja intonieyisinie'e siuniwa i'wi'in jikijmatis ti janekiajle jlajak isi'.