Juan 8:11 - Sinia' Jlamtis 1994

¹¹ Iyo'ne 'ate jlajak i'nioki ti isiujlie: —Lajk'ipa, 'ni Ika'niona. 'Yina Jesús iyone'ne 'ate: —Kia'awo je asa'am. 'Yejne'n, maj, ke ekiajle'ena'a ka awo ni ake'.]

Juan 8:11 Iomraidhean Croise

Lucas 13:3

Ya'am awo'ate, ¡Jeyi! Jet'i 'wanjliyi siuti ja ke awoye asosikis ink'iejyisa', kiak jawoyeyi janojwa'yi.

Lucas 13:5

Awo'ate, ¡Jeyi! Jet'i 'wanjliyi siuti ja ke awoye asosikis ink'iejyisa' ka apilieyi pi Sinia', kiak jawo'ojyi janojwa'yi.

Lucas 15:10

Jesús kiak t'ipa iyoyeyi'ijyi: —Jajwi'lase'm ti kia'iyoyeyi pet napo Sinia' jijliujwajnas poli jlele ti potie pa i'nio' k'iejli iyo jlosik ink'ieye.

Lucas 15:32

'Nakayi ti awok siliakijnieyeja' 'yu'we kajeyepa ti kaskask'i wita'm. Siunie a'yini ti 'yalta'ne, 'nakayi 'wasa'n. Netian'ne, 'nakayi a'wena”.”

Lucas 15:7

Sekyi'i Jesús iyo'ne 'ate: —Jajwi'lase'm ti kiak iyoyi siunie i'nio' ti je tajli ni jike' ti ininekiajlata. Ni inkanitiejeye wuj yi' poliyi 'yaka'm ape'e siunie inkanitiejeye tena'a siunapo noventa y nueve i'nio' ti ijwil kanses, ti je iyo ka inwo jlosikis ink'iejyisa'.

Lucas 5:32

Je napok ka iniame siunapo isis, jla'm ijiate siunapo inke' jiliajnis napok aname, ja'nakayeyi ti jawo jlosikis ink'iejyisa'.

Lucas 9:56

Sekyi'i ti yamat'iyis'nijpe ti ijioyis 'niji yi'i puwa ji'wetis t'ipi papo i'nio'.

Juan 18:36

Jesús isiujlie ti iyo'ate: —Siunie tijnak'i'm ti awo anechiyasa' je tal 'ne ajnat'e. Siut'itie ka intal 'ne ajnat'e, jlam potie'ne papo ka ijnotiji'n ijyik'i ka je siwenis, je kia'iyotaja'ni ka sekiajlaja napo Judíojos. Siunie tijnak'i'm ti awo anechiyasa' je tal 'ne ajnat'e.

Juan 3:17

Sinia' je ijliuye pa Jlas ka insa'a napo i'nio' yi' ape'e 'ni ajnat ti ijliuye t'ipi, 'wenajliyi ti ijliuye ka injwajiete'n.

Juan 5:14

Paj ti i'wina jla'am ja Jesús yi'i jlaja 'najla'wet jak i'nio', iyone'ne 'ate ti ijliuye: —Ke ekiajle'ena'a ka awo ni akeye, 'lojwinie'e ka ijiatayiji paka awo.

Juan 8:15

Siunie jiwoyeyi, jitis iyo pi i'nio' ti ji'yena', jiwoyeyi siupi jijwela' ka ijnewiteje ni i'nio'. Ya'am je'ne ka yama ka'ye'en ni jitis iyo ni i'nio'.

Romanos 2:4

¿Ent'a ijiate ti je wo lajaye ni siunie Sinia' jikap'ijliuskiye iyo ti je jlase', ti imp'elisi'n, ti wuj ti inilayiti ti its'iuta'ajap? ¿Ni'ne ka je 'najane paka wone ti jla'am ti tajle ni siunie jikap'ijliuskiye ti yinta'm, ka 'nakayeyi ka awo ajosik ink'ieye?

1 Corintios 5:12

'Yina je ya'am ka'ye'en siupa kawoyi siunapo ti Sinia' je lis, jan'wenayi jla'am pa Sinia' ti jan'ye'en siupa iyo. Siuti asa'am kiak jiwonayi siunapo yi' aska kiowe'e ti ji'yena' siunie iyoyisi, 'esiji. Kajeyepa ti siuniwa Sinia' jlamtis yiji ni ji'wet iyo'ate, “Siuti po' ni i'nio' yi' aska kiowe'e kiak iyo ti iyoyi ni siunie je 'esk'i, tajlana aska kiowe'e, lenkinayi siupa jikijmaye iyo”.

2 Pedro 3:15

'Esiji ka ataj 'enayi 'ate siunie iyo ni Saka'niona ti inilayiti ti its'iujwsajap ka k'iejliyeyi paka iyoki ka sosik itiejenitie, kajeyepa ti iyota ka ijwieye. 'Yina sikiecha Pablo ti kasts'amaja kia'iyo niwaka pajk'i ti ijwilts'e'm, tajle siojona 'najankijnieye ti Sinia' iwijna'm.