Juan 7:7 - Sinia' Jlamtis 1994

⁷ Siunapo tajle ni ajnat je ne'wa'ase'm, kajeyepa ti lajk'ipa ka intajlat'ase'm, yo'otie ti ya'am akajanit'i ape'e siunie je 'es iyoyisi, it'imina ti ne'wajask'i'm.

Juan 7:7 Iomraidhean Croise

Lucas 6:26

“¡Ja imp'elisisa' wata'a, asa'am ti ijnonitieja. Aswet'ia japoye, 'yina kiakji'n iyoyipi papo jitise'l t'ipi papo i'nio', ti ijiunitis siupapo je ijiat ka injwejlanawosa'!

Juan 17:14

Pajk'i ti ajwejla'm siunie iyo niwa amtis, 'yina siunapo yi'i 'ni ajnat ne'wajasi, 'yaka je 'wet 'ni ajnat, iyoye'ate awo ti ya'am ti je i'wit 'ni ajnat.

Juan 3:19

Wikie'eyi siunapo kakiujnietas 'yakaj ta'a ti ja tisiejek'i'yi, 'yaka iyo siuniwa je isis. Je yiminis siojona kates ti nama ajnat'e, 'wenajliyi ni ajnatiok ti 'namajasi.

Romanos 8:7

Jlampet siunapo ti i'nialkitk'i siunie ti itiliajask'i ka woyisi, napoka napo ti teje'yi ilia'm ni Sinia', kajeyepa ti tiwet'ianaja ka iwoyisi, jla'yi ti je its'iuyisie ki iyo nak Sinia' jika'neyasajnaye.

Gálatas 4:16

'Nakayi, ¿astajiejwak'i'm, kajeyepat'e ti amtiyi ask'ioye siunie ijiatk'i?

Santiago 4:4

¡Ijiate wat ti asa'am ti je insisiek'iye ni Sinia'! ¿Jet'i 'najanayi ti siunie itiliaja niwak wask'i'nelaja yi'i 'ni ajnat teje'yi ilia'm ni Sinia'? Siuti po' ni iyo ka t'ajajnajwaye 'ni ajnat nak iyo pet ka inta'yi ilia'm pi Sinia'.

1 Jn 4:5

Ijiate ti jlamis ti taj'le ni ajnat, it'imina napo yi'i pet ni ajnat ti inka'a pet ti its'iuyisie.