Juan 7:4 - Sinia' Jlamtis 1994

⁴ I'niojie'e ni ti iyojonk'iye ka ti'wena, je inijweki siunie iyo kanwo. Jlam 'esiji ka wikie'eyeyi ka a'wenkijna'm siunapo yi' ape'e 'ni ajnat, entipa jiwoyeyi.

Juan 7:4 Iomraidhean Croise

Mateo 23:5

“K'iejliyi'iji pi iyo kawoyisi je iyojonk'iye ka i'nio' je in'we'en. Ka kia'iwo ka jilisa' siuniwa its'ijwanaja'm jana jletik ti isesk'iji'n, yiji niwa Sinia' jlamtis, jla'yi puwa its'ijwanis jikio'yi. Siuniwa ji'wuye isesamk'i niwa jijwukis.

Mateo 4:6

ijliuye'ne ti iyo'ate: —Siuti ja ijiatayi ka Ina'a jlasa'a'm, sojmakiejen kiu', ká anikiwit. Ina'a jlamtis iyo'ate, “Sinia' janjlo'wa napo jijliujwajnas poli jlele kan 'ye'na'm. Ka ayejyina'a niwa jikioye ja'nakayeyijna'a ka je ijnoj'li ape'e japa sisaja', 'yina ja laja awet'iaye.”

Mateo 6:16

Siuti jininel'liajanitie ti jiwoyeyi ni asts'ajlaye, ká aniwonaye 'ate napoka napo sintijyis ti initoniti'n. Inikajanit ti je inkase'n, iniwone 'ate siunapo ti jijliak'ali po', ti iyojonk'iye ka ti'wena ti ininel'lianiti'n. Ijiate siunie jajwi'lase'm, nak it'imina ti 'yakajli, siunie ti tonitieje ni iyoyisi.

Mateo 6:5

“Siuti jiwoye asts'ajlayeja', ká aniwonayi 'ate napok siunapo sintijyis. 'Neliaja ti takasitk'i ti iyoyis t'ajlayeja' yi'i niwa 'najla'wetis, siu'neje yi'i niwa jikatoki'l niwa jika'wulis, ti iyo ka ti'wena. Ijiate sekyi'i 'yakajlaja'ijyi naka ti tonitieje ni iyoyisi.

Lucas 6:45

Kia'iyo siunie i'nio' ti 'es, jlamtis je niliaja pet, kajeyepa siunie 'es yiji ni jlosik. Jlampet ni i'nio' ni je 'es, jlamtis je isis pet, kajeyepa je 'es na jlosik. Siunie tipoyiji ni jlosik ni i'nio', niwaka'aja ti tamtiyeta ni i'nio' ti talk'i ni jikiwet.

Juan 18:20

Jesús isiujlie ti iyo'ate: —Siuti amti je anijweki, eni'ni jitieyi'i wikie'eyi napo i'nio', jla'yi ti aka'neyasanata eni'ni kiajwe siuniwa 'najla'wetis je wus, siu'neje jana wuj, siu'neje niwa yi'i 'ni napo Judíojos ti initotietak'i wita'm. 'Yina lajk'ipa ka yi'i ka inijwek ti amtiyeta.

Juan 7:3

ji'yijnis iyonisi'ne 'ate: —'Nak ká a'yi'nina'a, majna'a 'niji yi'i jana Judea, ja'nakayeyijna'a ti ja'we'en pet siunapo ya'm ajak'i siunie jiwo.

Juan 7:5

Ji'yijnis iyone ja Jesús ti, lapakawo ti kia'iyo 'yakakiuyis.