Juan 7:31 - Sinia' Jlamtis 1994

³¹ Je pini'ne japo ti je 'yakakiuyis, iyoyis'ne 'ate: —Siuka 'nest'inie'e pi Injwajieti ti Sinia' jijliujwanik, ¿jot'e ka kia'iwo, ni'ne ka inkamna'a ape'e siunie iyo niwa i'winki'n?

Juan 7:31 Iomraidhean Croise

Mateo 12:23

Yisi'liet japo i'nio', sekyi'i ti kiak iyoyeyisi 'ate: —Je 'yu'we ka je 'nakaye 'ni Injwajieti ti Sinia' jijliujwanik, ni David jlas.

Lucas 8:13

Siupuwa inseliaki ijniuj'li siupa ajnat sisajas ji'wet pet, napoka pet siunapo i'nio' iyoyi ni inamtik, wuj ti yimi'n, 'es ti iyoyisi, 'yina lapakawo ti iyot'i 'ate ti jijwetise'l je tosits'i. Je pajta'aja ti iyoyi, yiyi jana jloma ti inkajejlasaye yiyetaja, mom iliyeyisi.

Juan 11:45

Siojopo Judíojos ti ijioyisi jlaja María ti yapisi, ti i'winis siukia Jesús iyo it'imina'ne ti 'loj siojopo je 'yakakiuyisie.

Juan 12:11

Kajeyepa ti jla'am ti it'imina japo Judíojos ti iliyi ti its'iuye japok i'nio', ti je ikakiuyisi ja Jesús.

Juan 12:42

'Wanjliyi, siojopo Judíojos je pini' japo its'iuye ti jla'am, kia'iyojliyi japo i'nio' anechiyasas, yameje ti je 'yakakiuyis ja Jesús. 'Yina je iyo'ni ka intanisi'ni ti kia'iyo, lapawo ti je ijwiye japo Fariséojos kajeyepa ka 'nijieyisi sek intajlata'a ka totiek'i kisie'e yi'i jawa 'najla'wetis.

Juan 2:11

Jakayi ti Jesús yi 'ne Canaja, ti yiji jlaja Galilea. Naka ti 'nelanjie'e iyoyeyi ka in'wenki'n siunie iyo ni jijweye. 'Yina ti i'wina siojopo t'eyasajnas, je 'yakakiuyis.

Juan 3:2

Jakajimpe ti ijioyi ja Jesús ti ajnaj. Sekyi'i iyone'ne 'ate: —Inka'neyasajnawo, je kast'ayiji'n ti am ti inka'neyasajnawo'wa'm ti jitiajle pi Sinia'. Ijiate lajk'ipa ka inkajli ka inlesane iyo siuniwa ji'wenki'n siuti ja Sinia' ja ke inejiap.

Juan 4:29

—Joniemet ja'yenaja ja i'nio' ti 'yakajanitk'i ape'e wikie'eyi siuniwa 'yakeyis ti awot'iyi. ¿Ent'a 'naka ni Sinia' jijliujwanik ti Injwajieti?

Juan 4:39

Siojopo sek ji'wet'e jlajak ajnat Samaria, ti ipi'yayis siujlieja i'nioki, siukia ji'lij ti iyo'ate, “'Yakajanitk'i ape'e wikie'eyi siuniwa 'yakeyis ti awot'iyi”, sekyi'i ti je 'yakakiuyeyis.

Juan 6:2

Je pini' japo i'nio' yamk'i, lapakawo ti i'winis siukia iyo ti i'winki'n ti ijwiejete'n japo je isis.

Juan 7:26

Siusie, 'nak p'an yi'i takamtijniene napo i'nio', entip'an ti lajk'ipa ka in'yikisane. ¿Ent'a 'yijenayi pi iyone napo anechiyasas ti jlam ti Injwajieti ti Sinia' jijliujwanik?

Juan 9:16

Siojopo ijia Fariséojos iyoyis'ne 'ate: —Yaka jet'i intal Siniaye siupi i'nio' 'yina siuti je ilisa'n siujlie'e jloma ti 'es, i'nio 'wanjlijyi'n. Jla'am iyojli 'ate japo ijia: —¿Yot'iyi'ni ka kia'iwo puwa kan'wenki'n ka kassesi'liet, siuka inke' jilianikie? Sekyi'i'ne ti inik'isaja japoka.

Hechos 8:13

Kia'iyojliyi pet siupa aye'wu ininekial, sekyi'i tiniejiena'ne. Sekyi'i yamak'ijin'ni ja Felipe, jlam jnots'iniji'ni ti i'winata siupuwa k'iejliyi ti Felipe iyo ti i'wink'i'n ti a'tisk'iji'n.

Santiago 2:26

Iyoye pet 'ate ni t'ajwes ni i'nio' ti jisiak'al tajli, 'ya'al kajeyepa, 'yina kia'iyo 'ya'al ni jitienkiujnieye ni i'nio' ti je 'yupijieteje ni jikijmaye ti 'es kawoyi.