Juan 7:26 - Sinia' Jlamtis 1994

²⁶ Siusie, 'nak p'an yi'i takamtijniene napo i'nio', entip'an ti lajk'ipa ka in'yikisane. ¿Ent'a 'yijenayi pi iyone napo anechiyasas ti jlam ti Injwajieti ti Sinia' jijliujwanik?

Juan 7:26 Iomraidhean Croise

Mateo 22:16

Sekyi'i ti ijliuye japo t'eyasajnas pet, siu'neje japo 'yuyisk'i pet japo Herodes, ti ijioyisi ja Jesús. Yiyisi ti kiak iyonayisi 'ate: —Inka'neyasajnawo, kasts'ajane ti a'am je niliak paka a'leja', jla'yi ti ijiatk'i siunie jiwo ti jika'neyasa'n ti jijwe'el pa Sinia' ji'niayi. Siunie iyo napo i'nio' je injlan'ni, kajeyepa ti je ji'yene paka ne'yi pa ka t'oniye iwo.

Lucas 23:13

Pilato tanat'iyits'ipi papo pa'yijis jika anechiyasas ti initotk'i wita'm, siu'neje papo anechiyasas t'ipi 'neje, wikie'eyi 'neje papo i'nio'.

Lucas 7:30

Siojopo Fariséojos, siu'neje japo taka'neyasane siukia Moisés jika'neyasajnaye, je iyoyisink'iye siunie Sinia' iyotaja ka iwone ti jota inoyeje, it'imina ti je iyo ka ininajiejne'n pet, ka Juan inajiejne'n.

Juan 12:42

'Wanjliyi, siojopo Judíojos je pini' japo its'iuye ti jla'am, kia'iyojliyi japo i'nio' anechiyasas, yameje ti je 'yakakiuyis ja Jesús. 'Yina je iyo'ni ka intanisi'ni ti kia'iyo, lapawo ti je ijwiye japo Fariséojos kajeyepa ka 'nijieyisi sek intajlata'a ka totiek'i kisie'e yi'i jawa 'najla'wetis.

Juan 18:20

Jesús isiujlie ti iyo'ate: —Siuti amti je anijweki, eni'ni jitieyi'i wikie'eyi napo i'nio', jla'yi ti aka'neyasanata eni'ni kiajwe siuniwa 'najla'wetis je wus, siu'neje jana wuj, siu'neje niwa yi'i 'ni napo Judíojos ti initotietak'i wita'm. 'Yina lajk'ipa ka yi'i ka inijwek ti amtiyeta.

Juan 3:1

Pope ja i'nio' Fariseo jle' iyo'ate Nicodemo, jika anechiyas jlam japo Judíojos.

Juan 4:29

—Joniemet ja'yenaja ja i'nio' ti 'yakajanitk'i ape'e wikie'eyi siuniwa 'yakeyis ti awot'iyi. ¿Ent'a 'naka ni Sinia' jijliujwanik ti Injwajieti?

Juan 7:25

Sekyi'i siojopo sek ji'wet'e, siujlieja ajnat Jerusalén, po' japo iyo'ate ti ini'yasis: —¿Je 'naka 'ni tiwoktajyin'ni ka tiliana?

Juan 7:31

Je pini'ne japo ti je 'yakakiuyis, iyoyis'ne 'ate: —Siuka 'nest'inie'e pi Injwajieti ti Sinia' jijliujwanik, ¿jot'e ka kia'iwo, ni'ne ka inkamna'a ape'e siunie iyo niwa i'winki'n?

Juan 7:48

¿Pot'e jiat'eje napo saka anechiyasas ti je 'yakakiu, ni'ne ka napokaye napo Fariséojos?

Juan 9:22

Siuti ji'lij kiak iyone japok jiniewot jak i'nio' lapakawo ti je ijwiye japo Judíojos, kajeyepa ti pajk'i ti inipe'yayis ti iyoyits'i 'ate, “I'nio' ni janwo'ate Jesús nak Injwajietiwo ti Sinia' jijliujwanik, nak ja tijliukiepe”.

Hechos 4:13

Siupapo anechiyasas ti i'wi'in japo Pedro ti t'otale t'o'n ti tamtits'iji'n, 'yina je jlase' pi iyo ti 'yakelit kajeyepa ti itiant'iejesi ti jwajla'a je 'yijene japo i'nio'. Sekyi'i ti itijnisieyisi ti japok Jesús jla'yis.

Filipenses 1:14

Je pini' napo si'lijwas, ti 'yijenayi pi iyone ti ajyi jla'a insat jiwe, 'yina kat'ajayi ti ini'netits'i niwa Sinia' jlamtis ti iyoyi. Lajk'ipa ka k'iejliyeyi paka je injweyits'i ape'e, 'wenajliyi ti t'otale t'onisi ti ijwilis.