Juan 7:1 - Sinia' Jlamtis 1994

¹ Jesús ti paja'ni wat ape'e yamaja, iniuyits'i siojowa isi'il yiji jlaja Galilea. 'Yina je iyo'ni ka ijno 'niji yi'i jlaja Judea, lapakawo siojopo Judíojos iyotaja ka inlanis.

Juan 7:1 Iomraidhean Croise

Mateo 10:23

Jane'yipe japa isi' siunapo yiji ti ja ke inena'yi 'ate, ka akinieye'nijpe ti ja'yiltanayi japa isi' kiecha. Jlam je awo ijiatk'i siunie jayoyi ti, siuti ja ke atejwa'yi ka ajoyeyits'i niwak isi'il siunapo Israel jlele yijits'i japakayeyi ti ja'nes ni I'nio' Jlas.

Mateo 21:38

“I'winat'iyispe ilia'm, 'yina iyoyis'ne 'ate, 'Yaka 'nakayet'e siu'nie ja tekiajla'a siu'nie ajnat. ¡'Yena'yi ilia'm, jaliana, 'nakayeyijna'a ka sikimita 'ni ajnat!

Marcos 11:18

Siupapo pa'yijis jika anechiyasas siu'neje papo jiwos pet pak Moisés jika'neyasajnaye, ti t'ijieyeyisi pa iyo ti tamti, 'yina iyoyeyisijyi'n paka ji'niayija' ka inlanis. Lapakawo ti je ijwiyisie, 'yaka ti'niejmaki pa t'eyasajnaye iyo.

Juan 1:19

Siunapo anechiyasas Judíojos yiji jana Jerusalén ijliuyet'ipi napo pa'yijis siu'neje napo jla'yis Levítajas ti ijioyisi ja Juan ti i'yasisi'n ti iyo'ate: —¿Te'na'm?

Juan 4:3

Jesús t'ijiek'i'ne pet kiaka, sekyi'i yam'ne ti tajla'm jlaja Judea yapilie 'niji yi'i jlaja Galilea;

Juan 4:54

'Yina kiakayik'i'ne ti timiesieyiji ja Jesús ti iyo, ti i'winki'n siojo ti yisi'liet japo i'nio', ti ijio 'niji Galiléaja ti tal Judéaja.

Juan 6:1

Itimeje ja Jesús siukia iyo, yama'aja ti iwiets'ila ji'wechaja siujlieja tewuk iliyi Galilea, tiwonaja'ni 'neje 'ate Tiberias.

Juan 7:11

Siojopo jika anechiyasas japo Judíojos iyoyisijyin'ni. Iyoyis'ni 'ate ti ti'yasanisi'ni: —¿Tepa t'e yi'i?

Juan 7:13

Lapakawo ti je ijwiyisie japo jika anechiyasas, it'imina'ne ti inijwekisi ti jitiej ijiutisie.

Juan 7:19

“¿Je pak Moisés ti iwi'nase'm ni jika'neyasajnaye? 'Yina tiwet'ianaja ka injwanjli wata'a paka ink'iuye. ¿Yot'iyi'ni ti jiwoye'ijyi ka siliana?”

Juan 7:25

Sekyi'i siojopo sek ji'wet'e, siujlieja ajnat Jerusalén, po' japo iyo'ate ti ini'yasis: —¿Je 'naka 'ni tiwoktajyin'ni ka tiliana?

Juan 7:35

Sekyi'i'ne japo jika anechiyasas japo Judíojos iyoyis'ne 'ate ti ini'yasis: —¿Tepat'e jajnojwi, ti ijwi'il ja ke i'wina? ¿Ent'a napok jajnoyi si'lijwas 'neje yajme'n ape'e 'ni ajnat ti je 'wet, ni'ne ka napokaye siunapo je 'esijiyi, je iliyi ni jike', ti ja'neyasajne'n?

Juan 8:37

Ijiate ti jinijwelayi pi Abraham ti asnaye, 'yina ti je kima'yi ilia'm niwa jlamtis, it'imina'ne ti jiwoyeyi ka siliana.

Juan 8:40

'Wenajliyi ti jiwoyeyi ka siliana' ti ajwelta'ase'm siunie ijiatk'i ti Sinia' ts'eyasane. ¡Abraham je kiak iniwone siunie jiwoyeyi!

Hechos 10:38

Ajwe'el ja Jesús Nazaret jlele, jla'am ti Sinia' jikimet ti 'es tipoyiji jla'yi pi jijweye. Ti t'iskiunieje'n ape'e 'ni ajnat, ti iyo ni 'es, ijwiejiete papo i'nio' siupa imosik iyone, wuj ti inilayiti siupa jiwet'ia iyo, lapakawo ti Sinia' jlam ti yijap, it'imina ti 'yakajli ti iyo niwaka.