Juan 6:9 - Sinia' Jlamtis 1994

⁹ —Poyeta siu'nie kia'le itiun'ni 'niwa woyejes ijwienjli sikio' itij'we ti tajle pa jlesiki mak, times 'neje niwa si'yus. ¿Jot'e ka ijnojli napo i'nio' ti je jlase'?

Juan 6:9 Iomraidhean Croise

Mateo 14:17

Iyoyis'ne 'ate ti isiujlie: —'Niwakata wek woyejes jilis, ijwienjli sikio' itijwe niwa yi'ne, times 'neje niwa si'yus jilis.

Mateo 16:9

¿Mamt'i wat ka 'najanayi? Astaj p'an je wujwak'i, ti awenk'i japo i'nio' cinco mil siukiwa ijwienjli sikio' itij'we woyejes. ¿Tepa nojwaja'm kiwa tenajats'i jijwa'al ti 'wanjle'e tipoyijk'i kiwa jijwa'al ti jikinieyik'i'ni?

Marcos 6:38

Jesús iyone'ne 'ate ti i'yasa'm japo t'eyasajnas: —¿Tepa nojwaja'm puwa woyejes jilis yi'ase? Maj ka 'yenayi. 'Yina i'winis'ne pa nojwaja'm puwa woyejes, sekyi'i ti yama'nijne ti ijwilisi, yiyisi ti iyonayisi 'ate: —¡Ijwienjli sikio' itij'we jiwek 'niwa woyejes, times 'neje jiwek 'niwa si'yus jilis!

Marcos 8:19

Siukia ti awe'nase'm japo ti ayijnies 'najli cinco mil ja nojwaja'm kiwak ijwienjli sikio' itij'we woyejes. ¿Tepa nojwaja'm kiwa jijwosajia'm kiwa jijwa'l 'wanjle'e ti jikiniets'i'ni? Iyo'ate ti isiujlie: —¡Itijwa'm niwa sikioye times tom'niji!

Lucas 9:13

'Yina Jesús isiujlie'ne ti iyo'ate: —Wenajia'm asa'am paka intowis. Isiujlisie ti iyo'ate: —Ijwienjli sikio' itij'we wek 'niwa woyejes yits'e, times 'neje wek 'niwa si'yus. ¿Jijwelp'anta ka iyokijyi'n k'iye paka jlaka k'iye siu'napo i'nio', ti je pini'?

Juan 11:21

Marta iyo'ne 'ate ti isiutieyi ja Jesús: —'Yaka'niona, ka 'nak a'yi ta'a je 'yalta'ne siukia 'yini.

Juan 11:32

María yiyi wekie'e ja Jesús, takosjlete'l jitiyeyiji'n kiajwe, ti iyo'ate: —'Yaka'niona, siuka 'nak a'yi, jlam je 'yalta'ne ki 'yini masa.

Juan 21:10

Jesús i'yas'ne ilia'm ti iyo'ate: —Toniemit puwa 'nak janojwaja'm siupuwa jilianajyi'n.

Juan 21:13

Jesús ijliasayi, sekyi'i isimayi jlaja woye, iwinak'i; kiak iyonjliyi ja si'yus.

Juan 21:9

Ti tisiojmayeyisk'iji'n, i'winayisi jitieyiji ja jwat ti 'nisa'a, si'yus siu'neje jlaja woye ti pajk'i ta'a ti tena ape'e.

Juan 6:11

Sekyi'i ja Jesús isimi'ne jawa woyejes, iyoye t'ajlayeja' ape'e ti t'ajle pi Sinia', itime ti ijliuyeyi ka tiwenak'i japo siojopo yik'iji'n. Kiak iyonjliyi kiwa si'yus, itime ti iwinak'iji japo pi k'ie'e pi iyo kantowis.

Juan 6:7

Felipe iyo'ne 'ate ti isiujlie: —'Wanjlit'itieje ka doscientos denáriojos ka tenaja puwa ka woyejesa', 'wanjliyi ka jwamjla'ajamk'i'ni 'yina ja ke ijnojli.

2 Corintios 8:9

Jlam'ne 'najanayi pi jiwonayi pa Saka'niona Jesús ti Sijwajieti siunie kiak iniwone, ti iniwojwa'n 'ate siunie p'ijliusie, jlam'ne ki iyoyetaja ti jwajla'a je isitia'n. Lapakawo ti ijiateje ti kasp'elisijne'n, 'nakayi ti ja'nesieyi siuti kiak iniwone astepe'e ti iniwojwa'n p'ijliusieja', jawoye pet 'ate siunapo ti ijiate ti jwajla'a je isitia'n.

Apocalipsis 6:6

'Yina jikiowe'e jawak ijniujlits'i pini' Sinia' jilisajna' jitiete itijwk'i ape'yayeyi pa jla'lap pa ti iyo'ate: —Ijwienjlik'i wek pi jikiojieti ijniujli siunie ipiatatiok t'ejes 'wanjle'e, ni'ne ka najapejak'i wek pi jikiojieti ijniujli siunie jlesiki' jimak, jikaja ni i'nio' inkijmayewo ti jloma ijwienjli. 'Esiji ka je akajyi'n ni impe' siu'neje ni at'es.