Juan 6:70 - Sinia' Jlamtis 1994

⁷⁰ Jesús iyo'ne 'ate: —Yam ti aki'mase'm siunie inojwajia'm, ti itijwa'm sik'ioye times to'm'niji. 'Yina ijwienjli'ne siunie imosik.

Juan 6:70 Iomraidhean Croise

Juan 13:18

“'Yejne'n, je ajwe'el ka inwikie'eyeyi, je sit'iayiji'n siunapo aki'mik'i, lapajawo ti janeyi siojona jloma ti siuniwa inamtis t'ipi siunie iyo, ti iyo'ate, “Siu'nie i'nio' akijwane, nak teje ijyilia'm”.

Juan 13:2

Jlampa itimayi pi imosik ja Judas Iscariote ti iwijna'm pi jlosik je 'es, ti iyo ka inla'an ja Jesús. Jesús 'yijene ti tal Siniayi, siu'neje ti janapili pi Sinia', siu'neje ti Jinia' pajk'i ti jijweye yikiajle. Jlajmiliet, siuti ti'yekiujni'n, Jesús iliejni'ni ja ji'wu' tomi pijia'm, isimayi siojo intokio' tilijiki'i'ni, ti its'ijwane jlajap.

Juan 13:21

Jlampa yiyeyik'i ti tamti, sekyi'i ja Jesús iyoyeyi siukia iyo ti iliate siukia iyo ti wuj ti jijliak'ali po', sekyi'i ti yinayi ape'e ti 'yakajanitiek'iyi, ti iyo'ate: —Ijiatk'i siunie jayo, ti ijwienjli ni siunie ti asa'am ja siwe'en.

Juan 13:27

Siukia ti Judas isima ilia'm ja woye ti tiwenaja'm, jakayi ti imosik ijioyeja'm pi jikiowe. Sekyi'i Jesús iyone'ne 'ate: —Jlam woni'ni 'ate, siupi jawoyi.

Juan 15:16

Je 'nej 'ninta ka asama ka akimak'i'm, ya'am ijiate ti aki'mase'm. Sekyi'i awo'ne ka ijliuye ka akinie'ni, ka je piniye siupuwa ka asaye ka intajla aswa'm ja ke int'eki. Ja'nakayeyi pet ni Inia' ja k'iejliyeyi siupi jisitiana' ti ja 'ajlayi, janwe'nase'm kajeyepa ti jasetina.

Juan 15:19

Siut'itie ka atajlayi ni ajnat jla'm ijiataja ka i'nama'ase pet siunapo i'nio' yi' ape'e 'ni ajnat, ka kiak inwonata'ase pit iyone siunapo ti iyojonk'iye. 'Yina ya'am ti akima'yase'm ti atajle kiowe'e siunapo yiji ni ajnat, jak je iyoyiji'ni ka je ine'wa'ase'm siunapo yiji ni ajnat, lapakawo ti 'wena'ase'm.

Juan 17:12

Ti je ataljlijiap kiu'ujwe, wuj ti a'yena jla'yi ti anoyeje, 'yina ka lajak'i ni ajweye ti tajle ni e'e, siunie ine'e ti jlekialk'i. 'Yina ti jlamis lajk'ipa ka injwanjli ka netiane ijwienjliye jla'm siunie ti pajk'i ta'a ni jawo ti janetia'n, iyo niwa inamtis t'ipi.

Juan 2:2

Jesús jla'yis japo t'eyasajnas sek yiyits'i kajeyepa ti ti'yasaja kajnoyi siojokia inlakijnieye ilisane siojo tijwa'yi.

Juan 20:24

Tomás, ti Jesús t'eyasanik kiecha, ti tiwonaja'ni 'neje 'ate Timesi, je yiji japo ijia ti Jesús inikajanitieja'm.

Juan 6:64

'Yina ya'am awo'ate, 'lojjli'ijyi ti asama ti jikakiunieyi. Jesús iyo ti itiant'ieje ta'a ti 'nelanjie'e isijme'n siojopo je its'iuyeje, siu'neje ja janekial.

Juan 6:67

Jesús i'yasam'ne siojopo itijwa'm sikioye times tom'niji t'eyasajnas ti iyo'ate: —¿Tepi jiwoyeyi pet ti asa'am? ¿Ma jaleye ijyik'i?

Juan 6:71

Jesús iyo ti ja Judas, siojo Simón Iscariote jlas, jakayeta ti tajla'm siojopo itijwa'm sik'ioye times to'm'niji t'eyasajnas, jla'am siojo janekial.

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

Hechos 13:10

ti iyone'ate: —Ijiate wata'a 'na jiwoyi ti wuj ti je 'nes. Ijnoski'la'n ti jiliaki 'napo, jitieye ilia'm ni 'es. ¡Lapakawo ti imosik jlajts'a'm! ¿Yot'iyi'n ti je liyi, ti jiwo ka akajyi'n ni Sinia' ji'niayi ti tijnajyi jla'am?

1 Timoteo 3:11

Kia'iyojliyi napo asejnia ti iniuyeje pi Sinia' ni jikijmaye ja ke jiwekie'eja jana i'nioki. Janapokaye napo ti je yimi'n siuniwa ye'laja jiniliaja, je nesi'li'yi pa k'iejliyi, 'wenajliyi ti i'ye'en. Je tak'emiyeje wek siupi k'iejliyi ti iyo ka woyi.

Tito 2:3

Jlampet siunapo asejnia ti kia'iyo isijlijyi'n kiak jawonjliyi ti jajloye, ka wonayipe 'ate, “Ni'wenki'n siuti jinilesaniji jitieyi'i pa Sinia', 'esiji ka ataj je ajotiej napo as'lejwas. At'es ja ke wokiye. Woyeyi ni 'es, 'nakayi ti kiak jawo pet siunapo in'yena jawoyi ni 'es.

1 Jn 3:8

Jlampet ni i'nio' ni iyo ni jike', kia'iyojliyi je int'ayiji'n ti naka tajle pet ni imosik. 'Najanayi, siunie imosik tajlap'e ta'a ti 'nelanjie'e ti iyo ni jike'. Naka ti it'imina ti 'nes ajnat'e siunie Sinia' jlas, ti initiajnate'n siunie jikijmaye iyo ni imosik.