Juan 6:68 - Sinia' Jlamtis 1994

⁶⁸ Simón Pedro iyo'ate ti isiujlie: —'Yaka'niona, ¿ten jiat'eje siupa janajk'iji'ni? Jlajmiliet siuniwa amtis niwaka inamtis ti iyo 'wasankiyeja' pa, ti laj jlaja.

Juan 6:68 Iomraidhean Croise

Mateo 16:16

Simón Pedro isiujlie'ne ti iyo'ate: —A'am siunie Sinia' jijliujwanik ti Injwajieti, Sinia' ti je netia'n ka paja Jlajts'a'm.

Marcos 8:29

'Yina Jesús iyo'ne 'ate ti i'yase'n japo t'eyasajnas: —¿Tepi jiwoyeyi pet ti asa'am, siupa jijwela' ka yama? Pedro isiujlieyi jla'am ti iyo'ate: —A'm ti Injwajieti'a'm siunie Sinia' jijliujwanik.

Lucas 9:20

'Yina iyo'ate: —¿Tepi jiwoyeyi pet ti asa'am? ¿Ten pet pi jijwela' ka yama? Pedro isiujlie'ne jla'am ti iyo'ate: —A'am ti Injwajieti'a'm siunie Sinia' jijliujwanik.

Juan 12:49

Lapawo ti je yam ka intalk'i siu'nie awo, 'wenajliyi jla'am ni Inia' siunie sijliu', nak ijliuyijk'i'm siunie awo ka ijwi'il, jla'yi ni siunie aka'neyasane.

Juan 12:50

'Yina siunie jika'neyasajnaye ni Inia', ts'ajane pi awone ti tejeyi jana in'wasankiye ti laj jlaja. Ijiatjliyi siuniwa amtiyi, je int'ayiji'n ti jla'am ti ijliuyijk'i'm.”

Juan 17:8

kajeyepa ti ateme ti ajwele siunie inka'niye ti taj'la, 'yina je 'yumajas ilia'm, kajeyepa ti 'yijene pi iyone ti a'm ti ataj'la, jla'yi ti je takakiunisi siunie ti a'm ti sijliu'.

Juan 5:24

“Ijiate, ijiatk'i siunie jayo ti jajwi'lase'm, ti siunie i'nio' ti its'iuye siunie ajwe'el, jla'yi ti je 'yakakiu siunie sijliu', itiej jana ji'wasankiye ti laj jlaja. Nak ja ke tisiejek'i lapakawo ti tijwajyi ni jota jiliayeja', yiyeja'm pet jana in'wasankiye.

Juan 6:40

Siunie iyo ni Inia', i'niope na jan'yejne'n ni Sinia' Jlas, nak in'wenape jana ji'wasankiye ti laj jlaja, siunapo je 'yakakiu. Sek jane'yi ka yamape pet ka iniujwank'i kisie'e ti jantajli niwa a'no'ol siojona jloma yi' jlaja.

Juan 6:63

'Yejne'n, siojona Sinia' jikimet ti 'es, janak iyo 'wasankiyeja' napo i'nio', je'ne ka nakaye t'isie'n ka 'esieyi. Siuniwa yamtis ti ajwe'lase'm, niwak itio'nase jana Sinia' jikimet ti iyoye as'wasankiyeja'.

Hechos 13:26

“I'lijwas ti Abraham jilists'ase'm, siu'neje japo je iliyi ti iyunitis pa Sinia', k'iuyeyi siu'niwa Sinia' jlamtis ti ijwil japa Injwajieti, sa'am ti ijliuts'e.

Hechos 4:12

'yina naka ti kasts'isisi, kajeyepa ti lajk'ipa ape'e 'ni ajnat ka jikiechaye ka ineye paka Sinia' injlots'e ka pakaye ka kasjwajiete'n.

Hechos 5:20

—Maye'ni, joyeyi jana Sinia' ji'wuk. Kasitieyijna'a ka ajwela' ape'e napo i'nio' siunie iyo jana in'wasankiye ink'ie' ti tajle ni Sijwajieti Jesús.

Hechos 7:38

“Siu'neje ti yiji siupapo nojwisiji, yi'i pa ajnat laj i'nioye'e, ijiok'i'ni ti yijap papo sitiselt'ipi, siu'neje ti injlojwanik poli jlele tane yi'i japa tikijnaki Sinaí. Jla'am 'neje ti isimt'ipi ilia'm siuniwa inamtis ti in'wasankiye, sekyi'i ti ijliasatats'i pet 'nakayi.