Juan 6:57 - Sinia' Jlamtis 1994

⁵⁷ Siunie Inia' ti sijliu' ji'wasankiye po', it'imina pet ti i'wiesankiye po'. Tempi it'imina siunie i'nio' ti sitiujw, nak ji'wasankiye poye'eje.

Juan 6:57 Iomraidhean Croise

Mateo 16:16

Simón Pedro isiujlie'ne ti iyo'ate: —A'am siunie Sinia' jijliujwanik ti Injwajieti, Sinia' ti je netia'n ka paja Jlajts'a'm.

Juan 14:19

Je pi itioyeyi'i niwa jlomas, siunapo yi'i ni ajnat ja ke si'we'en, 'yina jlam pet ti asa'm ja si'wena'. Ja i'wasanajyi'n kajeyepa ti ja si'wasa'n.

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Juan 17:21

'Ajlajap'a Inia' ka ijiatayiji ka iniwo'om, sekjane'yi ti ja kasjwanjli ti janiwomaja pet, janwoyena'a 'ate pet ti a'am jle' ijiap, jlam pet ti ya'am a'yajap. Siupi jitienkiujnieye jla'yi siupi janwoyisi janjwanjli, ja'nakayeyijna'a siunapo i'nio' yi' ape'e 'ni ajnat ja ke sakakiu ti ijiate, ti am ti sijliu'.

Juan 3:17

Sinia' je ijliuye pa Jlas ka insa'a napo i'nio' yi' ape'e 'ni ajnat ti ijliuye t'ipi, 'wenajliyi ti ijliuye ka injwajiete'n.

Juan 5:26

Iyoye pet 'ate ni Jinia' ti tajle jana in'wasankiye, kiak iyo'ni pet ni Jlas ti pajk'i ti yikiajle ni jijweye ka inwejna'm napo i'nio' jana ji'wasankiye.

Juan 6:29

Jesús iyo'ate ti isiujlie: —Siunie iyotaja ka awoyeyi, ka je akakiuye siunie jla'am ti ijliu'.

Juan 6:38

kajeyepa ti siuti anama ti atal poliyi, je ana'am ka iyoyi siupi ka intalk'i, 'wenajliyi jla'am siunie iyo ni i'nio' ti sijliu'.

1 Corintios 15:22

Iyoye pet 'ate pa Adán t'ipi ti wikie'eyi napo i'nio' jiliaye iniuyi wita'm ti jla'am ti tajle, 'yina kiak iyo pit ni Sijwajieti ti wikie'eyi napo i'nio' siunapo its'iuye ji'niayi janjwanjli ti jantajas jana ji'wasankiye ti t'o'n.

1 Corintios 15:45

Siuniwa Sinia' jlamtis ti yi'i ni ji'wet iyo'ate, “Siupa i'nio' ti 'nelanjie'ajat'ipi, pi Adán, pak inlesanik ti ji'wasankiye po'”. Jlampet siupa Adán siupa 'wanjli isia'm, pak tajle pet siojopa Sinia' jikimet, ti iyo in'wasankiyeja'.

2 Corintios 13:4

Ijiate, siuti tik'iejwata'a jakia cruz iyoye 'ate siuti ijiateje ti laj jijweyeja' pa, 'yina siuti 'wasa'n je 'wena pet paka 'esieyi naka Sinia' jijweye. 'Yina nak kiak iyoyi, 'wena je ajok'i siuti jla'am ti kiak iyoyi ti 'yaka ijiatayi ka jijweyejayi, 'yina siupet ti kia'iyo ti ani'nopijietaja nak ja kasts'esi pet ni jijweye ni Sinia', ti jayi' aska kiowe'e ti jayoyi niwa jlamtis.

Gálatas 2:20

'yina je'ne ka yama ka si'wasa'n, 'wenajliyi ti jla'am pi Sijwajieti ti yi' iwia'am ti si'wasankit. Siunie awo ti si'wasa'n, 'nakayi si'wasa'n kajeyepa ti itienkiujnieye yiyi ni Sinia' jlas, 'yina ti je akakiu ti jla'am ti semi'n, jla'yi ti ininekial itipe'e ka tiliana, ti iyo ka sijwajiet.

1 Tesalonicenses 1:9

Siukia awoniji'ni ti pajk'i ti 'yijene pi iyone, jitiej iyunitisk'i'ni ti ajo'wasepi ijwi'il ti ijiate ti 'es ti jiki'm selia'm, siu'neje ni ijwilis ti jiliyeyi kiwa aska topa ti jiwunitie. Naka 'neje jla'am ti jik'iuyi pi Sinia' ti je jikakiuye ti ijiate jla'm ti Sinia' ti ji'wasankiye po', jla'yi ki jiwoyeyi ti jlonitie jla'am.

Hebreos 9:14

'Yina jlampet siunie Sijwajieti ji'woyis ti kia'iyo ti tisa'ni jla'm ijiatayi jla'am ti 'yaka'm ape'e niwaka ni jijweye iyo. 'Yina Sijwajieti siunie t'oniye ti 'es po'o siunie ti jla'am ti ininekiajle pi Sinia', ka lajak'i pet ki iyo janaka Sinia' jikimet ti 'es, ti je paj ka netia'n. Siunie Sijwajieti ji'woyis kia'iyo initiajnat sik'ioye siuniwa sitienkiujnieyejes ti je isis siu'neje ti ijialts'e siuniwa je isis ti kastone jana ts'ajlati ti ja kasnetia'n. Sek jane'yi ka 'yakajlajanie'e ka iniukieje naka Sinia' ti je paj ka inetia'n.

1 Jn 4:9

Sinia' 'yakajanit ni jlemijnaye ti yints'e'm, pakat'iyijpe ti ijliu' pi jlas 'ne ajnat'e ti iyo ka si'wasankiye poye.