Juan 6:52 - Sinia' Jlamtis 1994

⁵² Siojopo Judíojos, ti ipi'yayis ti kia'iyo, yapiliek'i wita'm ti iniewit. Iyoyis'ne 'ate: —¿Tepa t'e janiwone ti ijwi'il, janwents'e'm ni t'ajwes ka tiuwa?

Juan 6:52 Iomraidhean Croise

Juan 1:19

Siunapo anechiyasas Judíojos yiji jana Jerusalén ijliuyet'ipi napo pa'yijis siu'neje napo jla'yis Levítajas ti ijioyisi ja Juan ti i'yasisi'n ti iyo'ate: —¿Te'na'm?

Juan 10:19

Siojopo Judíojos ti ipi'yayisie ti kia'iyo, yikiajlayi'iji ti jlampa iyots'i'ni, 'yaka je ijniujlits'i.

Juan 3:4

Nicodemo ti ipi'yaye ja Jesús ti kia'iyo iyo'ne 'ate: —¿'Est'iyiji ka inekiajle'e ka k'iejli inejyi'n ni i'nio' ti kiji'il? ¿Jot'e ka 'najane paka iniwone ka inapi jitiowaja'm jana jlet, ka nekiajlayi'iji ka k'iejli inejyi'n?

Juan 3:9

Nicodemo yikiajlayi'iji ti i'yase'n ti iyo'ate: —¿Tepi t'i iyo ti kia'iyo?

Juan 4:11

Iyo'ne 'ate siujlieja asejnia: —Lajk'ipa ka akiene ka asayi, ji'wenie'e ti tojwi. ¿Tepa t'e jatajle'e siupi i'niat ti in'wasankiye siupi jijwelk'im'ni?

Juan 6:41

Sekyi'i'ne japo Judíojos ti ipi'yayis ti iyo'ate, “Yam woyek'i'm siojona ti tal poliyi”, tamtiyek'ijin'ni,

Juan 6:60

'Loj japo i'nio' siojopo yamk'i ja Jesús, ti ipi'yayeyis siukia iyo ti taka'neyasa'n. Iyoyis'ne 'ate: —Atejnistieje ka insta' niwaka. ¿Tempa jank'iuye?

Juan 9:16

Siojopo ijia Fariséojos iyoyis'ne 'ate: —Yaka jet'i intal Siniaye siupi i'nio' 'yina siuti je ilisa'n siujlie'e jloma ti 'es, i'nio 'wanjlijyi'n. Jla'am iyojli 'ate japo ijia: —¿Yot'iyi'ni ka kia'iwo puwa kan'wenki'n ka kassesi'liet, siuka inke' jilianikie? Sekyi'i'ne ti inik'isaja japoka.

Hechos 17:32

Ti tipe'yakie ti yiyiji ki iyo na i'nio' ti janapi pijia'm, sekyi'i ti iliakiyeyis'ni. Ijia papo iyo'ate: —'Esiji, je ijiat ka je ipi'yakna'aja ka ekialtaja'ana'aja ka netie'e pa jlomaye.

1 Corintios 2:14

Jlampet siunapo i'nio' janaka jana Sinia' jikimet ti je yiji, kajeyepa ti je isimits'i ilia'm, je itiant'iejesi. Sekyi'i iyoyets'i 'ate, “Je 'es. Laj lajaye.” Je itijnisisk'i siunie iyoyi, jak je iyoyiji ti ijwi'il kan'yenis, je 'yijenisi paka inwonisi ka injwelis ka inka'yejnajne'n.