Juan 6:51 - Sinia' Jlamtis 1994

⁵¹ Ya'am janaka siojona woye ti iyo i'wasankiyeja' ti tal poliyi. I'nio' ni jantojw janak woye, nak ja ke paja ka inetia'n, jajnok'i'ni puwa jlomas. Siojona woye ti jawijna'm ni i'nio', je 'wena pa ka ijwi'il, naka 'yajwes, ja'nakayeyijna'a ti ja ji'wasankiye japoye napo i'nio' yi' ape'e 'ni ajnat.”

Juan 6:51 Iomraidhean Croise

Mateo 20:28

'Yina kiak iyoyi ni I'nio' Jlas ti 'nes, je iyo jikawosa', 'wenajliyi jla'am ti iniwojwa'n inkawoye, jla'yi ti iwi'in jakia ji'wasankiye ti iyoyi lajaye ti ijwiejiete'n napo i'nio' ti je pini'.

Lucas 22:19

Isimat'iyi'ijyi japa woye, iyoye'eje jinikanitieyija' ti iwine pa Jinia', sekyi'i ti its'isajaja. Iwijna'm japo t'eyasajnas ti iyone'ate: —'Nak 'isie'n ti tekiajla astepe'e ka insisieyi, ti janetia'n. Kiak janiwonayipi, tankiuniepe ijyik'i.

Juan 1:14

Siunie inamtik ti iniwojwa'n i'nioye, yisajap. Je jlase' ki iyo ni jlemijnaye ti po'o, jla'yi ki iyo ni ijiatk'i ti yiyi. A'wena ki iyo ni jla'al ti wuj ti 'es, jla'yi ni jle' ti wuj, ti jlamkata ti tekiajlaja, 'yina kajeyepa ti jlam ti Jlas ijwienjli pi Sinia'.

Juan 1:29

Siukia ti jlomaye'eje, jakayi'ne ja Juan ti i'wi'n ilia'm ja Jesús ti ijioyi. Iyo'ne 'ate ja Juan: —¡'Yena'yi ilia'm siunie naka Sinia' jiliajwa 'wolepo 'woma, ti initiajnat ni jloski'la napo i'nio', ti Sinia' ijliu' ajnat'e!

Juan 11:26

I'nio' ni 'wasanjli'ijyi ape'e 'ni ajnat siuti ja ke sakakiu, je pajna'a ka 'na'al. ¿Ma je sakakiuyeyi?

Juan 3:13

“Lajk'ipa ka i'nioye ajnat'e ka ijnojwa'm ni poli, ijwienjli jla'am siunie tajla'm ta'a ti 'nelanjie'e nama ajnat'e, naka I'nio' Jlas.

Juan 3:14

Iyoye'ate pi Moisés t'ipi ti yin pijia'm pi injla yi'i pi ajnat laj i'nioye'e, kiak janwo'ni pet ni I'nio' Jlas siunie ja tiwonaja ti ja tena pijia'm.

Juan 3:16

Lapakawo ti Sinia' wuj ti yimijne'n napo i'nio' yi' ape'e 'ni ajnat, it'imina'ne ti yikial siunie Jlas ti ijwienjli, ja'nakayeyijpe siunie i'nio' ja ke inkakiu ja ke inetia'n, 'wenajliyi jla'am ti japoye siojona in'wasankiye ti laj jlaja.

Juan 3:36

Siunie i'nio' ja ke inkakiu naka Sinia' Jlas nak siojona in'wasankiye ti laj jlaja japoye pet. Jlam pet ni i'nio' ti 'yakakiu ja ke in'we'en janak in'wasankiye 'wenajliyijna'a pet siunie ja tiwonaja ti Sinia' jiwak jane'ne.

Juan 5:24

“Ijiate, ijiatk'i siunie jayo ti jajwi'lase'm, ti siunie i'nio' ti its'iuye siunie ajwe'el, jla'yi ti je 'yakakiu siunie sijliu', itiej jana ji'wasankiye ti laj jlaja. Nak ja ke tisiejek'i lapakawo ti tijwajyi ni jota jiliayeja', yiyeja'm pet jana in'wasankiye.

Juan 6:33

Siojona woye ti Sinia' je yi'n janaka siunie I'nio' ti tal poliyi, ti iwijnamk'i jana in'wasankiye napo i'nio' yi'i ape'e 'ni ajnat.

Juan 6:35

Jesús iyo'ne 'ate: —Yam woyek'i'm ti iyo in'wasankiyeja'. I'nio' ni jajnok'i, nak ja ke pajana'a ka inel'lia, jla'yi ni i'nio' ni ja ke sakakiu, kiak iyojliyi ja ke pajana'a ka inki'im.

Juan 6:41

Sekyi'i'ne japo Judíojos ti ipi'yayis ti iyo'ate, “Yam woyek'i'm siojona ti tal poliyi”, tamtiyek'ijin'ni,

Juan 6:47

Jlam je awo ti awo'ate, siunie i'nio' ti jitienkiujnieye po', nak itiej jana ji'wasankiye ti laj jlaja.

Juan 6:48

Yam woyek'i'm siojona ti iyo i'wasankiyeja'.

Juan 6:50

Siojona ajwel'ni janaka woye ti tal poliyi, i'nio' ni jantojw janaka woye, ja ke i'na'al.

Juan 7:38

Siunie iyo niwa inamtis ti tip'esina t'ipi ti iyo'ate, “Siunie i'nio' ti ja ke sakakiu, siuniwa tewukis ti tajle ni i'niat ti iyo in'wasankiyeja' intajlajamna'a ni jitiowe.”

2 Corintios 5:19

Ka iyo'ate ti pak it'imina ti Sinia' kiak iyone napo i'nio', ajwel pa Sijwajieti ti jlam jla'am pa Sinia' ti itione, ti ini'nopijieteje wita'm. 'Yina jitiej je yiji'ni 'ate, siunie iyo ni jloski'la iyo napo i'nio'. Sekyi'i iwints'e'm siunie sikijmaye, ti ja 'nakayeyi ti jantant'ieje napo i'nio' naka.

2 Corintios 5:21

Sijwajieti je iyoyi paka k'iejliyeyi paka jikeye, 'yina Sinia' iyojwa'n inkeye' ti sit'iminik. Sekyi'i ti kasjnajietajats'i, siuti awakiap ni Sijwajieti.

Efesios 5:2

Woyeyi ni asemijnaye, 'wena ká aniwonayi iyot'iyipi pa Sijwajieti ti kia'iyo wuj ti 'nama, it'imina'ne ti iniwe'n sitipe'e. Ti iniwojwa'n Sinia' ji'wajieta', iyoye'ate ni k'iejlitieje ti tiliana ti tiwunitieta pi Sinia', sekyi'i siu'nie jini ti yame pi Sinia' ti 'yakanit'ni pet.

Efesios 5:25

Jlampet ti asa'am ti kiak jiwoyeyi asjwa'yis po', 'esiji ka i'namaja jana ak'iemjla, iyoye pet 'ate pi Sijwajieti ti wuj ti 'namaja napo iyoyi ni inamtik, it'imina ti iniwe'n ape'e.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

1 Pedro 2:4

Ká atonitiejyi'n ni Sijwajieti, ti jla'am siojona sisaj ti iyo'ate ni i'nio' ti ji'wasankiye po'. Siojona sisaj ti tiwet'ianaja, jlam'ne ki iyo Sinia' jlam ti isi'me, lapakawo ti i'wi'in ti wuj ni laja.

1 Jn 2:2

Jla'am ti iniwe'n sitipe'e, ti 'ya'al, 'nakayi ti Sinia' janetiajnat niwa sakeyis, sekyi'i jiwak nojwi'ni. Je samkata, wikie'eyi 'neje napo yi' ape'e 'ni ajnat.

1 Jn 4:10

Nak jitis ni siunie inemijnaye: 'yina je sam'ne ka inianaja pi Sinia' ka yimina, jla'am ti iniane ti kassemijne'n. It'imina'ne ti ijliu' pi jlas ka iniwen sitipe'e ti 'ya'al, 'nakayi ti Sinia' janetiajnat niwa sakeyis, sekyi'i jiwak nojwi'ni.

1 Jn 4:14

Sampe ti a'wena ti Sinia' ijliuye ni jlas ti iyoyeyi ka injwajiete'n napo i'nio'. 'Naka'ne ti awoki samtikie'ase.