Juan 6:46 - Sinia' Jlamtis 1994

⁴⁶ “Ka net'i'yi pa kan'we'en pi Inia'. Ijwienjli jla'am siunie ti tajle pi Sinia', najata jla'am ti i'wi'in.

Juan 6:46 Iomraidhean Croise

Mateo 11:27

Yiyik'i ti kia'iyo, sekyi'i iyo'ne 'ate: —Inia' yikialk'i wikie'eyi niwak wask'i'nelaja. Lajk'ipa ka nets'e ka ijiatayiji ka intant'ieje ni Jlas, ijwienjli jla'am ni Jinia' ti 'yijene pi iyone. Jla'yi ti lajk'ipa ka intant'ieje ni Jinia', najataja jla'am ni Jlas ti itiant'ieje, siu'neje napo iyo ni Jlas ka intant'iejeniti.

Lucas 10:22

Yiyik'i ti kiak iyoyi sekyi'i iyo'ne 'ate: —Inia' yikialk'i wikie'eyi niwa wask'i'nelaja. Lajk'ipa ka 'najane paka wone siunie jlas, ijwienjli jla'am siunie Jinia' ti 'yijene pi iyone. Siunie Jinia' kia'iyojliyi, lajk'ipa ka 'najane paka iwone, ijwienjli jla'am ni jlas ti 'yijene pi iyone, siu'neje napo iyo ni jlas ka intant'ieje.

Juan 1:18

Lajk'ipa ka in'we'en pi Sinia'. Ijwienjli jla'am ti i'wi'in siunie Jlas ijwienjli, ti jla'am ti Sinia', ti ijwienjli yiyi'i pi Sinia'. Jla'am ti i'winkints'e'm, it'imina ti kastant'ieje.

Juan 14:7

Siuti ja intant'iejak'i, kiak jawo ja intant'iejayi'iji ni Inia'. Ijiatjliyi 'naka 'ni siu'nie intant'iejayi, jla'yi ti ji'wena'.

Juan 15:24

Lajtak'iyi pa ka jitis iwo, ka lajak'iyi pet pa ka ilisane jikiowe'e ti jlamis, ki iyo siunie a'wenki'n, ti lajk'i pa ka kia'iwo, ni awoyi. 'Yina i'winisieta niwaka, yamjliyi ki iyo ti ne'wajask'i'm, jla'yi ti ne'wajasi ni Inia'.

Juan 5:37

“Siunie i'nio' ti sijliu' kiak iyojliyi pet sijwe'el. 'Yina ka kia'iwo ka ape'yaye pi jla'lap, ni'ne ka 'wena,

Juan 7:29

Sitiant'ieje ya'am kajeyepa ti atajle, jla'yi ti jla'am ti sijliu'.

Juan 8:19

Sekyi'i japo Fariséojos i'yasayisi'n ti iyo'ate: —¿Tepa yi'i pi ana'? Jesús isiujlie ti iyo'ate: —Asa'am je intant'iejak'i, siunie Inia' kiak iyojliyi je intant'iejayi. Siuka intant'iejak'i intant'iejtaja ni Inia'.

Juan 8:55

'Yina je intant'iejayi. Jlampet ti ya'am sitiant'ieje. Siuka ijwi'il ka iyo'ate, “Je sitiant'ieje”, wuj ti jayo sintiye, ka iyoyena'a 'ateye jiwoyeyi. Ti ya'am jlam je awo ti sitiant'ieje, jla'yi ti awoyi niwa jlamtis, ti iyo ka iyo.

Colosenses 1:15

Siupa Sinia' ti je ti'wena, pak jipe'el pi Sijwajieti, Sinia' jlas ti iniajnat ti lajlik'iji puwa wikie'eyi niwa wask'i'nelaja ti jilisajna' jla'am.

1 Timoteo 6:16

Ijwienjli jla'am ti je paj ka'na'al, ji'wet pet janak kates siojona ti je ti'wena paka ijnoyi. Lajk'ipa kan'we'en kajeyepa ti lajk'ipa ka'najane paka wone kan'we'en. ¡Ja ke paja ka int'ekiye siunie iyo ti tonitie, siu'neje ni jijweye jajnok'i'ni! Amén.

1 Jn 4:12

Sinia' je ti'wenajata ka paja. Lapajawo siuti janinemina, Sinia' yi siwa'm, 'yakaj siunie jlemijnaye ti yi siwa'm.