Juan 6:40 - Sinia' Jlamtis 1994

⁴⁰ Siunie iyo ni Inia', i'niope na jan'yejne'n ni Sinia' Jlas, nak in'wenape jana ji'wasankiye ti laj jlaja, siunapo je 'yakakiu. Sek jane'yi ka yamape pet ka iniujwank'i kisie'e ti jantajli niwa a'no'ol siojona jloma yi' jlaja.

Juan 6:40 Iomraidhean Croise

Mateo 10:15

Ijiatk'i siunie jajwi'lase'm ti janeyi janak jloma ti Sinia' jan'ye'en napo i'nio' ni jitis iyo, siunie jawo ti ja tisiejek'i'yi papok i'nio' yiji japak isi', janka'm ape'e siupi jiwet'ia iyot'iyipi papok i'nio' yiji japa Sodoma siu'neje Gomorra ti tisiejek'i.,

Mateo 25:46

Jesús iyo'ate ti yinayi'iji ape'e ti tamti: —Napoka siunapo i'nio' jajnoyi naka inlaye ti laj jlaja, jlampet siunapo isis jajnoyi pet nak in'wasankiye ti kia'iyo laj jlaja.

Marcos 16:16

Siupa ja ke inkakiu'n paka ja tiniejienajape, pak janjwayepe, jlam pet siupa ti jankakiu'n, jitis japoye pet.

Lucas 2:30

'Esiji, a'we'en 'ni Injwajieti ti k'iejli yiji'n,

Juan 1:14

Siunie inamtik ti iniwojwa'n i'nioye, yisajap. Je jlase' ki iyo ni jlemijnaye ti po'o, jla'yi ki iyo ni ijiatk'i ti yiyi. A'wena ki iyo ni jla'al ti wuj ti 'es, jla'yi ni jle' ti wuj, ti jlamkata ti tekiajlaja, 'yina kajeyepa ti jlam ti Jlas ijwienjli pi Sinia'.

Juan 10:28

Siojona ji'wasankiye ti laj jlaja ajwankitamk'i, ja ke paja ka netia'n. Ja ke talak'i ka paja.

Juan 11:24

Marta iyo'ne pet 'ate: —Ijiate nak ts'ajane pi awone ti siukia 'yini janapi pijia'm ka netiejenie'e siojopa jloma ti ja wikie'eyeyi napo 'yajle'n janapits'i pijia'm, ka netiena'a jlaja niwa jlomas.

Juan 11:25

Jesús sekyi'i iyone'ne 'ate ti ipi'yaye ti kia'iyo: —Ya'am siunie ti yapilietak'i pijia'm napok 'yajle'n, siu'neje ti ya'am in'wasankiyek'i'm. Siunie je sakakiu, 'wanjliyi ka 'na'al, 'yina ja'wasana.

Juan 12:45

I'nio' ni si'we'en jla'yi ti je yamkata ka si'we'en, 'yina kia'iyo i'wi'in ni I'nio' sijliu'.

Juan 12:50

'Yina siunie jika'neyasajnaye ni Inia', ts'ajane pi awone ti tejeyi jana in'wasankiye ti laj jlaja. Ijiatjliyi siuniwa amtiyi, je int'ayiji'n ti jla'am ti ijliuyijk'i'm.”

Juan 14:19

Je pi itioyeyi'i niwa jlomas, siunapo yi'i ni ajnat ja ke si'we'en, 'yina jlam pet ti asa'm ja si'wena'. Ja i'wasanajyi'n kajeyepa ti ja si'wasa'n.

Juan 17:2

Lapakawo ti a'm ti pajk'i ti jijweye jiwejna'm, ape'e wikie'eyi napo i'nio', ja'nakayeyi siunapo ti jlekiajle pet janwejna'm siojona ji'wasankiye ti laj jlaja.

Juan 3:36

Siunie i'nio' ja ke inkakiu naka Sinia' Jlas nak siojona in'wasankiye ti laj jlaja japoye pet. Jlam pet ni i'nio' ti 'yakakiu ja ke in'we'en janak in'wasankiye 'wenajliyijna'a pet siunie ja tiwonaja ti Sinia' jiwak jane'ne.

Juan 4:14

I'nio' pet ti jan'yaje siunie i'niat ti jawijna'm, ja ke pajana'a ka nekiajle'e ka inki'im. Kajeyepa ti siunie i'nio' ti jawijna'm 'nak i'niat janwoyeyinie'e siunie janwo ti ja jlomasiek'i ti ja ke inejets'i ilia'm siunie i'niat ti jantajla'm ti janwo 'wasankiyeja'.

Juan 5:24

“Ijiate, ijiatk'i siunie jayo ti jajwi'lase'm, ti siunie i'nio' ti its'iuye siunie ajwe'el, jla'yi ti je 'yakakiu siunie sijliu', itiej jana ji'wasankiye ti laj jlaja. Nak ja ke tisiejek'i lapakawo ti tijwajyi ni jota jiliayeja', yiyeja'm pet jana in'wasankiye.

Juan 6:27

Ke injwesiejayiji'n ka akimajyi'n ape'e siunie asak ti je t'o'n, jlam ijiate jla'am siunie je netia'n ka paja, siu'neje ti iwi'nase'm jana a'wasankiye ti laj jlaja. Nak siunie inak ti I'nio' Jlas janwe'nase'm, lapakawo ti Sinia' jlam ti ijniejiet'e.

Juan 6:39

Siunie iyo ni i'nio' ti sijliu', je iyotaja ka netiana'a paka ne'yi siunapo yikialk'i, 'najata ta jla'am ka iniujwank'i kisie'e ka intajli niwa a'no'ol siojona jloma yi' jlaja.

Juan 6:44

Lajk'ipa i'nioye ka 'najane paka inwone ka ijnok'i, siuti ja ke jlama ni Inia' ka inamijk'i ka ne'yi pa. Sekjane'yi ka yamana'a pet ka iniujwank'i kisie'e siojona jloma yi' jlaja, ti jantajli niwa a'no'ol.

Juan 6:54

I'nio' ni itiujw ni 'yajwes, jla'yi ni i'yaje ni i'yoyis, nak jla'm ijiate ti jantaj jana ji'wasankiye ti laj jlaja. Sekjane'yi ka iniujwatana'a kisie'e ti jatiajlaja'm niwa a'no'ol, ts'ijiye siojona jloma ti yi' jlaja.

Juan 8:56

Abraham siupi jitiajlajia'm, ipini'yi ti iyo'ate, “Je ijiat ke i'wi'in siojona jloma ti ja'nes 'ne ajnat'e pi Saka'niona.” 'Yina ijiatjliyi kia'iyo ti i'wi'in, wuj ti ipini'yi.

Romanos 5:21

Iyoyi pet 'ate siunie je 'es ti yi' ape'e napo ti ijioyiji jana 'najlati, 'yina kiak iyoyiyi pet siunie Sinia' jikap'ijliuskiye ti yi' ape'e pet napo i'nio', jla'yi ti ijioyi ni siunie ti tilisanaja'n, 'nakayi ti ja kassoyija'm janak si'wasankiye ti laj jlaja, ka lajak'i pet ni Saka'niona Jesús ti Sijwajieti ti kasts'esi.

Romanos 6:23

Jlampet siunie ji'yaka'n ti jiwoyeyi ni aske', janaka pet jana 'najlati. Jlampet siunie Sinia' iyo si'wajieta', janaka pet jana si'wasankiye ti laj jlaja, ti ani'nopijietaja pi Sijwajieti Jesús ti Saka'niona.

2 Corintios 4:6

'Yina je 'wena siunie Sinia' ti iyot'ipi 'ate, “'Esiji ka nak intajla'm ni jloma ni siunie ajnatiok”, naka 'neje ti jloma yijnits'i niwa sosikis, 'nakayi ti ja jatiant'iekiejeniti ni siunie k'iejliyi ni jijweye ti ijiate ti 'es, ti jla'al itie'e ni Sijwajieti jitiokio'.

Hebreos 11:1

Siunie ti ijiate ti titienkiunie, janaka ti tinijijwikink'iye ti ja ti'wena siunie jane inkiojyi. Jak je iyoyiji siuniwa je ti'wena tiwokie 'ate, “Ijiatk'i.”

Hebreos 11:27

Siupa Moisés ti je 'yakakiu pa Sinia' it'imint'iyijpe ti ya'am ti taj'le japa ajnat Egipto, ti je jnots'ina pa anechiyas ti ijiat ti jwesie. 'Yina jla'am ini'netjli ape'e siupa ijialas ka woyi, lapakawo ti 'yiniye ka 'wene siupa Sinia' ti je ti'wena pa k'iejliyi.

1 Pedro 1:8

Ijiate je 'wenayeta pi Sijwajieti Jesús t'ipi, 'yina je woyejliyi ti i'namajayi; siu'niwa jlomas kia'iyojliyi, je 'wena pi k'iejliyi, 'yina jikiniejliyi jiwekie'e ti jitienkiunieyi. It'iminayi ti wuj ti inkasajyi'n, lajk'ipa ka k'ieyeyi ni asnikanitieyi iyo, ti je ti'niejenaja paka tiwonaja ka tijwelajak'iji'n.

1 Jn 2:25

Janaka'ne siojona Sijwajieti Jesús ijwilts'e'm, jana in'wasankiye ti t'o'n.

Judas 1:21

Ká atajlajyi' siunie jlemijnaye ni Sinia' yi'nase'm, 'yina weyejyi siunie ti janejejwiye k'iye siojona jloma ti Saka'niona Jesús ti Sijwajieti jikap'ijliuskiye ti ja kassejni siojona si'wasankiye ti t'o'n.