Juan 6:39 - Sinia' Jlamtis 1994

³⁹ Siunie iyo ni i'nio' ti sijliu', je iyotaja ka netiana'a paka ne'yi siunapo yikialk'i, 'najata ta jla'am ka iniujwank'i kisie'e ka intajli niwa a'no'ol siojona jloma yi' jlaja.

Juan 6:39 Iomraidhean Croise

Mateo 10:15

Ijiatk'i siunie jajwi'lase'm ti janeyi janak jloma ti Sinia' jan'ye'en napo i'nio' ni jitis iyo, siunie jawo ti ja tisiejek'i'yi papok i'nio' yiji japak isi', janka'm ape'e siupi jiwet'ia iyot'iyipi papok i'nio' yiji japa Sodoma siu'neje Gomorra ti tisiejek'i.,

Mateo 18:14

'Yina kia'iyo ni Asna' ti yi' poliyi, ti je iyojonk'iye ka injwanjli paka inetia'n siunapo kia'lis ti je sakakiuyis.

Lucas 12:32

“Nijweyitie, asa'am ti iliajwasts'ase'm siuniwa 'wolepo' ti je in'lojwa, siunie Asna' wuj ti ipini'yase'm janwojwana anechiyasisa' ka awayetiejenie'e ni jika anechijiayas pet.

Juan 12:48

I'nio' ni je isi'm ijyilia'm, jla'yi ti je its'iuye niwa yamtis, po' pet ni siunie ti tijna'yi ti jansa'a. Siuniwa inamtis ti amtits'iji'n, niwak jansa'a ts'iji jlaja niwa jlomas.

Juan 17:12

Ti je ataljlijiap kiu'ujwe, wuj ti a'yena jla'yi ti anoyeje, 'yina ka lajak'i ni ajweye ti tajle ni e'e, siunie ine'e ti jlekialk'i. 'Yina ti jlamis lajk'ipa ka injwanjli ka netiane ijwienjliye jla'm siunie ti pajk'i ta'a ni jawo ti janetia'n, iyo niwa inamtis t'ipi.

Juan 17:2

Lapakawo ti a'm ti pajk'i ti jijweye jiwejna'm, ape'e wikie'eyi napo i'nio', ja'nakayeyi siunapo ti jlekiajle pet janwejna'm siojona ji'wasankiye ti laj jlaja.

Juan 17:24

“Inia', am a'am ti jiwenk'i'm, awojonk'iye pet ka neyis ijiap, ts'ijiye siunie jayi'i, ja'nakayeyi ti jan'wenis pet siunie ijwiye iyo ti jlekialk'i, kajeyepa ti semi'n ta'a jitiajlap'e ti je wakaljli'ijyi 'ni ajnat.

Juan 17:6

“Siunapo ti 'wena jlot'i, ti jitiajlaja'm siunapo ajnat jlele pet, pajk'i ti 'yijene pi iyo'naja, kajeyepa ti ajwejla'm. A'm ti tijna'ya'm napoka, 'yina jlekialk'i, siukia jiwone its'iuye.

Juan 17:9

'Ajlajnap'a napoka, 'yina je napoka siunapo ajnat jlele pet ka 'yejlajnap'a. Napokata jla'am siu'napo ti tijna'ya'm pet, ti jlekialk'i.

Juan 18:9

Sekyi'i ti yiye kisie'e siukia ti Jesús iyo'ate, “Siunapo jiwenk'i'm, lajk'ipa ka injwanjli kanetiane.”

Juan 5:28

“Ke k'iejliyeyijna'a paka awoyeyi ka ijnots'inajyits'i siunie ti jajwi'lase'm. Ti japoye jana jlomaye siunapo ti pajk'i ti 'yajle'n ti ja wikie'eyeyi ti jampe'yayisi siunie jla'lap jawo ni Sinia' Jlas,

Juan 6:37

Wikie'eyi siunapo Inia' yikialk'i, napok ijiok'i. Napoka ti ijiok'i ja ke 'yakawona,

Juan 6:40

Siunie iyo ni Inia', i'niope na jan'yejne'n ni Sinia' Jlas, nak in'wenape jana ji'wasankiye ti laj jlaja, siunapo je 'yakakiu. Sek jane'yi ka yamape pet ka iniujwank'i kisie'e ti jantajli niwa a'no'ol siojona jloma yi' jlaja.

Juan 6:44

Lajk'ipa i'nioye ka 'najane paka inwone ka ijnok'i, siuti ja ke jlama ni Inia' ka inamijk'i ka ne'yi pa. Sekjane'yi ka yamana'a pet ka iniujwank'i kisie'e siojona jloma yi' jlaja, ti jantajli niwa a'no'ol.

Juan 6:54

I'nio' ni itiujw ni 'yajwes, jla'yi ni i'yaje ni i'yoyis, nak jla'm ijiate ti jantaj jana ji'wasankiye ti laj jlaja. Sekjane'yi ka iniujwatana'a kisie'e ti jatiajlaja'm niwa a'no'ol, ts'ijiye siojona jloma ti yi' jlaja.

Romanos 8:11

Siuti siojona Sinia' jikimet siojona ti iniujwa'n kisie'e pa Jesús jane aswa'm, janaka'ne jana ti janekial pijia'm niwak 'assienis ti je t'o'n, kajeyepa ti janakaye jla'am siojona Sinia' jikimet ti yi' aswa'm.

1 Corintios 6:14

Siupa iyont'iyijipi pa Saka'niona Jesús ti iniujwa'n kisie'e ti tajla'm pa a'no', 'yina kiak janwonts'eje pit ti sa'am, ti ja kasnojwank'i kisie'e ti jatiajlaja pa a'no', ti jankients'e pi jijweye iyo.

2 Timoteo 2:19

'Yina jlam'ne siunie Sinia' 'yite'e ape'e siunie ilisane je k'ajts'e; siuniwa inamtis yi' ape'e iyo'ate, “Saka'niona itiant'ieje siunapo jika kia'lis”, siu'neje ti, “Wikie'eyi siunapo yite'n ni Saka'niona, 'esiji ka inleyi ni siunie je 'es”.

Santiago 5:15

Siuti jitienkiujnieye po' napo t'aj'l ape'e ni jikiecha, ijiate ja 'esie ni i'nio'. Sinia' janejien pijia'm. Siuti iyo jikeye, Sinia' jlam ti janetiajnat k'iye.

1 Pedro 1:5

'Yina ti je jikakiuye ni Sinia', nak insisieyi, it'imina ti ji'yakana ni asjwajieti, kajeyepa ti iyoye asp'ota 'neje ni jijweye. Janak asjwajieti ti pajk'i ti iwiakajlanit ask'ioye siunie ti je ijiat ka je inkajanit ts'iji siuniwa jlomas tom jlaja.

Judas 1:1

Asampey i'lijwas, ya'am Judask'i'm Sijwajieti Jesús jikawok'i'm 'neje, siu'neje ti ya'am ti Santiago ji'yinik'i'm. Asa'am ti ajlo'wase 'ni ip'isinik, ti asa'am ti jlemijna'ase'm pi Sinia', siu'neje ti jla'am ti ta'nase. 'Yina asa'am 'neje ti Sijwajieti Jesús ijiat ti i'ye'nase'm.