Juan 6:27 - Sinia' Jlamtis 1994

²⁷ Ke injwesiejayiji'n ka akimajyi'n ape'e siunie asak ti je t'o'n, jlam ijiate jla'am siunie je netia'n ka paja, siu'neje ti iwi'nase'm jana a'wasankiye ti laj jlaja. Nak siunie inak ti I'nio' Jlas janwe'nase'm, lapakawo ti Sinia' jlam ti ijniejiet'e.

Juan 6:27 Iomraidhean Croise

Mateo 17:5

Jet'i ilitiejepe ti tamti'ni ja Pedro, jlam nesi'liet'iyijpe siojopa poli ti wuj ti 'es, japak ip'ionayi siupi yiyits'i. Sek toma'a pak ina'lap ti iyo'ate: —'Nak yas ti wuj ti emi'n, wuj ti ts'ajka'a. K'iuyeyi.

Mateo 25:46

Jesús iyo'ate ti yinayi'iji ape'e ti tamti: —Napoka siunapo i'nio' jajnoyi naka inlaye ti laj jlaja, jlampet siunapo isis jajnoyi pet nak in'wasankiye ti kia'iyo laj jlaja.

Mateo 3:17

Sekyi'i ti pesiejat'iyipi pak ina'lap ti tom poliyi ti iyo'ate: —'Nak siu'nie yas ti yiminik, wuj ti ts'ajka'a.

Mateo 6:19

“Ká ajwos puwa askijmatisa 'ne ajnat'e, jiwos jantojw sekyi'i jano'we, siu'neje ti kajlajnatas ja'noyi ti jankajlane'ni.

Mateo 8:20

Jesús isiujlie ti iyo'ate: —Siuniwa yosis po' niwa jijwa'al, siuniwa ajwejnas jlopis po' jla'am, jlampet ni I'nio' Jlas laj ji'weta' ka ine'yi ka ininop'it ka ima'a.

Marcos 1:11

Pesieje'ni pi ina'lap ti tom poliyi ti iyo'ate: —A'm ti yajts'a'm, wuj ti ts'ama'a, 'yina wuj ti ts'ajka'm.

Marcos 9:7

Jlampa iyoye 'ate japak poli ti na'm isia'm 'yina siupa jipe'el paka ti ip'io'n ape'e. Sekyi'i pesiejayi pa ina'lap tojma'm ti iyo'ate: —'Nak yas ti ijiat ti ts'amaja. K'iuyeyi.

Lucas 3:22

siojopa Sinia' jikimet ti 'es ti inikajanitie ti na'm isia'm ti tal poliyi, 'yiniye pa ojwo', ti yi' ape'e pa Jesús. Sekyi'i ti pesiejayi pa ina'lap ti tom poliyi ti iyo'ate: —A'am ti yasts'a'm, ti wuj ti ts'ama'a, wuj ti ts'ajka'a'm.

Lucas 9:35

Japaka'ne siojopa tojma'm siupa jla'lap siupa tamti, ti iyo'ate: —'Nak siu'nie yas, ti ya'am ti aki'me. K'iuyeyi.

Juan 10:28

Siojona ji'wasankiye ti laj jlaja ajwankitamk'i, ja ke paja ka netia'n. Ja ke talak'i ka paja.

Juan 11:42

Sitiant'ieje ti je jikam'ni itipe'e siunie awoyi. 'Yina awotajank'iye siu'napo yi'ne i'nio' ka impe'yayis, jla'yi ka 'esieyi, ja 'nakayeyijna'a ka je inkakiuyis ti a'am ti sijliu'.

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Juan 15:24

Lajtak'iyi pa ka jitis iwo, ka lajak'iyi pet pa ka ilisane jikiowe'e ti jlamis, ki iyo siunie a'wenki'n, ti lajk'i pa ka kia'iwo, ni awoyi. 'Yina i'winisieta niwaka, yamjliyi ki iyo ti ne'wajask'i'm, jla'yi ti ne'wajasi ni Inia'.

Juan 17:2

Lapakawo ti a'm ti pajk'i ti jijweye jiwejna'm, ape'e wikie'eyi napo i'nio', ja'nakayeyi siunapo ti jlekiajle pet janwejna'm siojona ji'wasankiye ti laj jlaja.

Juan 3:15

Jant'eminayijna'ape siunie i'nio' ti ja ke inkakiu intajana'a siojona in'wasankiye ti laj jlaja.”

Juan 3:33

Siunie i'nio' je 'yakakiu, nak 'yakajanit siuniwa Sinia' jlamtis ti ijiatk'i siunie iyoyi.

Juan 6:40

Siunie iyo ni Inia', i'niope na jan'yejne'n ni Sinia' Jlas, nak in'wenape jana ji'wasankiye ti laj jlaja, siunapo je 'yakakiu. Sek jane'yi ka yamape pet ka iniujwank'i kisie'e ti jantajli niwa a'no'ol siojona jloma yi' jlaja.

Juan 6:47

Jlam je awo ti awo'ate, siunie i'nio' ti jitienkiujnieye po', nak itiej jana ji'wasankiye ti laj jlaja.

Juan 6:51

Ya'am janaka siojona woye ti iyo i'wasankiyeja' ti tal poliyi. I'nio' ni jantojw janak woye, nak ja ke paja ka inetia'n, jajnok'i'ni puwa jlomas. Siojona woye ti jawijna'm ni i'nio', je 'wena pa ka ijwi'il, naka 'yajwes, ja'nakayeyijna'a ti ja ji'wasankiye japoye napo i'nio' yi' ape'e 'ni ajnat.”

Juan 6:53

Jesús iyone'ne 'ate papoka: —Ijiate, ijiatk'i siunie jayo, siuti ja ke atowa ni t'ajwes jla'yi ti ja ke a'yayejyi ni ji'woyis ni I'nio' Jlas, ja laja ji'wasankiyeja' siojona laj jlaja.

Juan 6:54

I'nio' ni itiujw ni 'yajwes, jla'yi ni i'yaje ni i'yoyis, nak jla'm ijiate ti jantaj jana ji'wasankiye ti laj jlaja. Sekjane'yi ka iniujwatana'a kisie'e ti jatiajlaja'm niwa a'no'ol, ts'ijiye siojona jloma ti yi' jlaja.

Juan 6:58

Siojona woye ti tal poliyi, janak ajwe'el, je iyo'ate siojopa maná itiujw t'ipi papo aska kijilas mases. Ijiate itiuwisieta lapakawo ti je puwaka ka i'maniti'n ka iwo ji'wasankiyeja'. I'nio' ni jantojw janak woye ti tal poliyi, nak ja ke paja ka netia'n.

Juan 6:62

¿Tepat'e jota awoyeyi ka a'wenats'i ni I'nio' Jlas ka napi 'niji siunie tajli jla'am poliyi?

Juan 6:68

Simón Pedro iyo'ate ti isiujlie: —'Yaka'niona, ¿ten jiat'eje siupa janajk'iji'ni? Jlajmiliet siuniwa amtis niwaka inamtis ti iyo 'wasankiyeja' pa, ti laj jlaja.

Juan 8:18

Kiak iyo'ni siunie ajwe'el, awo ti yam ya'am ti anijwe'el, siunie Inia' kiak iyojliyi sijwe'el ti Jla'am ti sijliu'.

Hechos 10:38

Ajwe'el ja Jesús Nazaret jlele, jla'am ti Sinia' jikimet ti 'es tipoyiji jla'yi pi jijweye. Ti t'iskiunieje'n ape'e 'ni ajnat, ti iyo ni 'es, ijwiejiete papo i'nio' siupa imosik iyone, wuj ti inilayiti siupa jiwet'ia iyo, lapakawo ti Sinia' jlam ti yijap, it'imina ti 'yakajli ti iyo niwaka.

Hechos 2:22

Pedro yinat'iyi ape'e ti iyo'ate: —'Yina k'iuyek'imna'a ti asa'am ti Israel jlele'ase'm, siunie jayo ti jayamti, ti jajwi'il siunie Jesús Nazaret jlele. 'Najanayi ti jlam ti lajk'ipa ka k'iejliyeyi paka Sinia' iwet'ianaja'm, 'yaka ji'wena' ni iyo ti ilisane niwak siuniwa isis tajle pa Sinia', ti kaskelit ti a'wena, siu'neje niwa a'wena ti a'tisk'iji'n.

Romanos 4:11

Jak je iyoyiji paj ti kiak tiwonajayi ti t'isie'n jiwa tejwak'i, sekyi'i ti 'yakajayi ti Sinia' ilisajne'n siuti kiak tiwonaja, 'yina ti pak it'imina ti je 'yakakiu. Jak je iyoyiji'ni pet wikie'eyi siunapo ti je 'yakakiuyis, napokaye pet Abraham jilis siunapo ti tomik'i pijia'm, 'wanjliyi ka kiak je tiwonaja ka t'isie'n tejwak'i, 'yina lapakawo ti Sinia' ijniejiet'ik'i.

Romanos 6:23

Jlampet siunie ji'yaka'n ti jiwoyeyi ni aske', janaka pet jana 'najlati. Jlampet siunie Sinia' iyo si'wajieta', janaka pet jana si'wasankiye ti laj jlaja, ti ani'nopijietaja pi Sijwajieti Jesús ti Saka'niona.

1 Corintios 6:13

Siunie jikiecha iyo'ate, “Siunie sak ijiojwa'm pet jla'a sits'i', jlampet jana sits'i' tejeye pet siunie sak.” Nak je takakiunieje ti kia'iyo, 'yina jane'yi jana jloma ti Sinia' janetiajnat niwaka. 'Yina 'wenayiji pet siunie, ti siunie i'nio' ni iyo ti je ilisaniji ti tijwa'yi; kajeyepa ti je naka ka Sinia' kia'iwone ka intaye siunie ts'isie'n, 'yina tejeye pet siunie Sinia' iyo ka tiwoki ti 'es.

1 Corintios 9:2

Ent'a po' papo iyo'ate, “Pablo je injlojwanik”. 'Yina nak je sakakiuyeyi, kajeyepa ti yampe ti ato'niase ni 'es, it'iminape ti jiwoye asosikis ink'iejyisa'. 'Yina nak ijiate ti 'yakajanit itipe'e ti jlam je aniwone wek siu'nie awoyi, ti injlojwanikk'i'm.

2 Corintios 4:18

'Yina ti je a'yena siuniwa wask'i'nelaja 'yaka, a'yena siuniwa je 'yaka. Kajeyepa siuniwa wask'i'nelaja 'yaka ji'niayi je itio'yi, jlampet siuniwa je 'yaka niwak ijiate pet ti t'o'n.

Gálatas 5:6

Jak je iyoyi siunie ti ini'nopijieteje ni Sijwajieti, 'yina 'wanjliyi ka kia'iwo pa ka kiak tiwonaja ka t'isie'n jiwa tejwak'i, ni'ne ka lajak'ipa ka neyi naka. Jla'm ijiate jla'am siunie sitienkiujnieye ti 'es ti po' ti laja po', 'yina naka'ne siunie ti janwo asemijnayeja', ti ja ena'yi napo as'lejwas.

Filipenses 2:13

'Yina Sinia' jla'am ti tajle siunie jiwoyeyi, siunie ti wuj ti 'es astankiujnieye, kajeyepa ti iyo ka emina' jla'yi ka woyeyi siunie ijliu'wase'm.

Colosenses 1:29

Tempi it'imina siuti ya'am wuj ti akijme'n, 'yina je lajk'i ni siunie Sijwajieti jijweye ti iwink'i'm, it'iminayi pet ti ijwiye po'.

Colosenses 2:22

Niwak siuniwa inamtis ti ji'niayi je itio'yi paka injwe'el, jlaj po' kajeyepa ti i'nio' jika'neyasajnaye jiwek.

Colosenses 3:2

Askiojwa'l jojwatayi niwak wask'i'nelaja ti yi' poliyi, 'yina askiojwa'l ká ajojwatayi niwa wask'i'nelaja ji'wet 'ni ajnat.

1 Tesalonicenses 1:3

Siuti ijiate ti jikimayi ni astankiujnieye ti 'es, je pini' siuniwa askijmayejes ti isis niwa jitiajlayija'm. 'Yina siuti jikimayi ni asemijnaye, wuj ti jinilankinieyi ni askijmaye. Siuti ijiate ti jikajanitie ni jinijijwiyejyink'iye pi Saka'niona Jesús ti Sijwajieti, ijiate nak it'imina ti jini'netieyi, ejlowek ti wuj ti jinilayitieyi pi k'iejli ti aswet'iayeta. Ti a jitieyi'i pa Sinia', je paj ka sikiwaliyi'i niwak siuniwa isis ti jiwoyeyi.

2 Timoteo 2:19

'Yina jlam'ne siunie Sinia' 'yite'e ape'e siunie ilisane je k'ajts'e; siuniwa inamtis yi' ape'e iyo'ate, “Saka'niona itiant'ieje siunapo jika kia'lis”, siu'neje ti, “Wikie'eyi siunapo yite'n ni Saka'niona, 'esiji ka inleyi ni siunie je 'es”.

Hebreos 12:16

Je 'es ka poye paka iwoyi siunie ti 'yu'ni ti je inilesanijiyi, siu'neje ka poye paka inlaki siunie t'otata, iyojinipi pa Esaú ti 'yuti pa ji'yini penik siupa tijna'yi ti jla'am ti isijli.

Hebreos 4:11

Jak je iyoyiji pet ti sa'am 'esiji ka ijialasaja janak ajnat, 'yina je 'esiji'ni pet ka poye pa ka inekk'i siunie ji'niayi iyot'iyipi papok i'niot'ipi ti 'yakakiuyis, it'imint'iyijpe ti jiwet'ia poyis.

Santiago 1:11

Ti kilie' poyeta, sekyi'i akat iliana ni jop, sekyi'i t'ekiye'e ni jlokie, 'yina netia'n na jloniye ti 'es. 'Yina kia'iyoyi naka i'nio' inkaja, niwak jikijmatis ti jant'emina ti ja ke inejia'm jana ji'wasankiye ti t'o'n.

1 Pedro 1:24

Iyo niwa inamtis t'ipi: “Siunie i'nio' iyo'ate ni jop, jlampet ki iyo ti jwajla'a i'wi'in naka pet ni jlokie ni jop. Siuti 'ya'al ni jop, iniuyeje'n pet ni jlokie,

2 Pedro 1:17

Kajeyepa ti sampe ti awakiap ti ijio ape'e jlajak tikijnaki ti toj pijia'm, jlaja Sinia' 'yotat. A'wenajaja ti Sinia' yikiajlayi ni iyo ni jijweye, ape'yak 'neje pi Sinia' jla'lap ti tojma'm ni poli, ti je kia'iyo paka tipe'yak ti wuj ti 'es, ti iyo'ate, “'Nak yas ti ts'amaja. Wuj ti ajonit.”