Juan 5:5 - Sinia' Jlamtis 1994

⁵ 'Yina po' siojo i'nio' ti pajk'i ti je 'es yiji japok je isis, treinta y ocho puwa jika najkapis yiji ti yi' jlo'wit'e.

Juan 5:5 Iomraidhean Croise

Marcos 9:21

Jesús i'yasen'ne siupa jinia' pa jwemik ti iyone 'ate: —¿Mi pajk'i ki iyo 'ni jiwet'ia? Isiujlie ti iyo'ate: —Jlam kia'iyo ta'a ti samjlie'e.

Lucas 13:16

¿Tepi iyo pet siujlie'e i'nioki? Napok tajla'm pet siunapo Abraham jilis t'ipi, dieciocho niwa najkapis ti imosik iliaki ti ilie'nit, iyone ni jiliaye. ¿Jet'imi 'esiji pet ka tilienaja iyo ni jiwet'ia ti imosik iliaki, ka tenajaja janak jloma ti i'nio 'wanjlijyi'n?

Lucas 8:43

Sekyi'i japak siojopa asejnia yiji papo i'nio', je 'es. Siupa jiliaye iyot'iyipi ti ji'woyis je netiank'i, 'esta wekie'e sekyi'i yikiajle'e'ni, paj ti itijwa'm niwa sikioye times tom'niji t'ipi puwa jika najkapis yiji ti je tijwajyi. Paj ti itijwat'i'yijpe puwa jikijmatis ti takat'inta'ni jitipe'e, ti ijioyits'i papo inkakiewos, 'yina ka pakayeyi ka 'esie.

Juan 5:14

Paj ti i'wina jla'am ja Jesús yi'i jlaja 'najla'wet jak i'nio', iyone'ne 'ate ti ijliuye: —Ke ekiajle'ena'a ka awo ni akeye, 'lojwinie'e ka ijiatayiji paka awo.

Juan 5:6

Jesús ti i'winayi ti sek iniuyi'iji'n, ta'a ti 'yijene pi iyone ti k'iejliye je iyo siupi jiliaye. Iyone'ne 'ate: —¿Jiwotajank'iye ka i'nes?

Juan 9:1

Ajnat siojo iniu'we ja Jesús, sek i'wi'ne siojo i'nio' talok ta'a ti k'iejli yiji'n.

Juan 9:21

'Yina siuti 'es jla'yi ni iyo ti i'wijne'n, nak janjwe'el ti jla'am. 'Yasa'ni, isijlijie'e, ja 'nakaj jla'am siupa janwo ti janijwe'el.

Hechos 14:8

Pojompe pa i'nio' je t'on'ni yi'i japak ajnat Listra. Lajk'ipa ka ne'yi japaka jlomaye ka 'esieyiji ka t'iskiujni'n, kajeyepa ti jlam je t'on'ni ti 'nelanjie'e yiyeje'n. Sek yi'ijin'ni pak i'nio',

Hechos 3:2

Sekyi'ijin'ni siupi i'nio' jlam kia'iyo ta'a ti k'iejli yiji'n ti je t'on'ni, jlomas je initiajnat ti sek toki'i'ni yi'i jlaja Sinia' ji'wuk, jikiwit'e jla'am siojo jle' iyo'ate 'Es, ti t'alk'i'ni papo siupapo 'yu'ni 'wuk kiajwe, ka tiwok ji'wajieta.

Hechos 4:22

jla'yi ti i'winis ti jika najkapis 'loj pa i'nio', 'yaka'm ape'e puwa cuarenta.

Hechos 9:33

Sek i'wi'ne'ne siupa i'nio' jle' iyo'ate Eneas, inlaye siupa je it'iunitk'i pa ti yi'i. Pak yi'i paka i'nio' jika najkapis ijwienjli sikio' itij'we najape tom'niji puwa yiji ti yi' jlo'wit'e.