Juan 5:46 - Sinia' Jlamtis 1994

⁴⁶ Siuka ka je akakiuye siupi Moisés iyot'iyipi, kiak iyotaja'ni pet siuniwa ajwe'el ka je sakakiuyeyeta, kajeyepa siupa Moisés t'ipi ya'am ti sijwe'el.

Juan 5:46 Iomraidhean Croise

Lucas 24:27

Sekyi'i ti yamtiyek'iji'n k'iye siupa iyo niwa Sinia' jlamtis, ti ijwi'il jla'am pa Jesús. Iniajnat pa Moisés iyo kiwa ilisant'iyijpe, paj ti yiyeyi papo injwejlanawos t'ipi iyo pet puwa ilisane.

Juan 1:45

Felipe yam'ne ti ijioyi ja Natanael, yiyi ti iyonayi 'ate: —A'wena siojo ijwilt'ipi ta'a siupa Moisés siu'neje papo injwejlanawos siupuwa 'yit'iyijpe. Je 'wena pa i'nio' ka jikiechaye naka Jesús, José jlas, Nazaret jlele.

Juan 5:47

Siuti jikakiunieyi pi ijwilt'ipi, ¿tepa jawo ka k'iuyeyi siunie ajwe'el?”

Hechos 26:22

Ka lajak'i jlam pa Sinia' ti yamjliyi'iji ti i'yenk'i'm, siu'nie jloma ti a 'ne, ti ayetaja napo i'nio' ti anechiyasas, siu'neje napo i'nio' lajk'iyi pet paka iwo, ti amtiyi k'iye niwa Sinia' jlamtis. 'Yina je aka'm ape'e ki iyo siuniwa injwejlanawos t'ipi siu'neje pa Moisés iyot'iyipi ti ijwil siupuwa ja 'nakaj ts'iji.

Romanos 10:4

Siunie Moisés jika'neyasajnaye, Sijwajieti pak jlam ti iyo jlaja, kajeyepa ti naka ti 'yijene pi iyone siunie ijialasink'iye ni siunie je 'yakakiu, 'yina janakaye'eje pet ti Sinia' janlesajne'n.

Gálatas 2:19

Siuti ya'am masak'i'm jitieyi'i nak inka'neyasajnaye, tepa jawo ka kiak je iwo ti jilianikk'i'm, sekyi'i nak tajleje pit ti si'wasana'aja, sekyi'i Ika'niona pa Sinia'. Kajeyepa ti 'yiniye ka iliaye inoyi wita'm pi Sijwajieti ti tik'iejwata'a japa cruz,

Gálatas 3:10

'Yina wikie'eyi siunapo jitiej iyoma siuniwa yiji ni Moisés jika'neyasajnaye, ti ijwil ka 'esie, lajk'ipa ka tiwonaja ti jiwet'ia yi' ape'e. Siuti iyo'ate niwaka inamtis t'ipi, “Je jlase' ni jiwet'ia jawoyi siunie i'nio' ja ke ijiatayi ka woyi siuniwa iyo ka tiwoki ni inka'neyasajnaye.”

Gálatas 3:13

'Yina Sijwajieti ijiut ts'iji siunie siliaye ti atajlajaja ni inka'neyasajnaye t'ipi, kajeyepa ti iniwojwa'n jilianikie' ni siunie siwet'ia iyo, ti iyo ka kasjwajiet. Siuti iyo'neje 'ate niwa Sinia' jlamtis, “Sinia' jiwet'ia jane'ne siupi i'nio' ti ja tena'a pijia'm japa a'la'.”

Gálatas 3:24

Siunie inka'neyasajnaye i'yents'e'm paj ti yiyeyi siojokia jloma ti 'nes pi Sijwajieti, jak je iyoyi ti Sinia' kaslesajne'n 'yina ti je akakiuk pi Jesús.