Juan 5:37 - Sinia' Jlamtis 1994

³⁷ “Siunie i'nio' ti sijliu' kiak iyojliyi pet sijwe'el. 'Yina ka kia'iwo ka ape'yaye pi jla'lap, ni'ne ka 'wena,

Juan 5:37 Iomraidhean Croise

Mateo 17:5

Jet'i ilitiejepe ti tamti'ni ja Pedro, jlam nesi'liet'iyijpe siojopa poli ti wuj ti 'es, japak ip'ionayi siupi yiyits'i. Sek toma'a pak ina'lap ti iyo'ate: —'Nak yas ti wuj ti emi'n, wuj ti ts'ajka'a. K'iuyeyi.

Mateo 3:17

Sekyi'i ti pesiejat'iyipi pak ina'lap ti tom poliyi ti iyo'ate: —'Nak siu'nie yas ti yiminik, wuj ti ts'ajka'a.

Marcos 1:11

Pesieje'ni pi ina'lap ti tom poliyi ti iyo'ate: —A'm ti yajts'a'm, wuj ti ts'ama'a, 'yina wuj ti ts'ajka'm.

Lucas 24:27

Sekyi'i ti yamtiyek'iji'n k'iye siupa iyo niwa Sinia' jlamtis, ti ijwi'il jla'am pa Jesús. Iniajnat pa Moisés iyo kiwa ilisant'iyijpe, paj ti yiyeyi papo injwejlanawos t'ipi iyo pet puwa ilisane.

Lucas 3:22

siojopa Sinia' jikimet ti 'es ti inikajanitie ti na'm isia'm ti tal poliyi, 'yiniye pa ojwo', ti yi' ape'e pa Jesús. Sekyi'i ti pesiejayi pa ina'lap ti tom poliyi ti iyo'ate: —A'am ti yasts'a'm, ti wuj ti ts'ama'a, wuj ti ts'ajka'a'm.

Juan 1:18

Lajk'ipa ka in'we'en pi Sinia'. Ijwienjli jla'am ti i'wi'in siunie Jlas ijwienjli, ti jla'am ti Sinia', ti ijwienjli yiyi'i pi Sinia'. Jla'am ti i'winkints'e'm, it'imina ti kastant'ieje.

Juan 14:9

Jesús isiujlie ti iyo'ate: —Felipe, awo ka pajliyek'i ti aye'asap, ¿je p'an intant'iejk'i? I'nio' ni si'we'en, i'win pet ni Inia'. ¿Yot'iyi'ni ti jiwo ka'winki'na'n pi Sinia'?

Juan 15:24

Lajtak'iyi pa ka jitis iwo, ka lajak'iyi pet pa ka ilisane jikiowe'e ti jlamis, ki iyo siunie a'wenki'n, ti lajk'i pa ka kia'iwo, ni awoyi. 'Yina i'winisieta niwaka, yamjliyi ki iyo ti ne'wajask'i'm, jla'yi ti ne'wajasi ni Inia'.

Juan 5:32

'Yina po' siunie sijwe'el, naka Inia', nak ijiate ti laja po' ni jlamtik.

Juan 6:27

Ke injwesiejayiji'n ka akimajyi'n ape'e siunie asak ti je t'o'n, jlam ijiate jla'am siunie je netia'n ka paja, siu'neje ti iwi'nase'm jana a'wasankiye ti laj jlaja. Nak siunie inak ti I'nio' Jlas janwe'nase'm, lapakawo ti Sinia' jlam ti ijniejiet'e.

Juan 8:18

Kiak iyo'ni siunie ajwe'el, awo ti yam ya'am ti anijwe'el, siunie Inia' kiak iyojliyi sijwe'el ti Jla'am ti sijliu'.

1 Timoteo 1:17

¡'Esiji ka iyunitie ni iyo ti jlam ti anechiyas, jla'yi ti ja ke iyok jlaja ti jayunitie, ti ijwienjli jla'am ti Sinia', jla'am ti je ti'wena ka paja, anechiyas ti je pajna'a ka netia'n, je ti'wena ka'na'al! Amén.

1 Timoteo 6:16

Ijwienjli jla'am ti je paj ka'na'al, ji'wet pet janak kates siojona ti je ti'wena paka ijnoyi. Lajk'ipa kan'we'en kajeyepa ti lajk'ipa ka'najane paka wone kan'we'en. ¡Ja ke paja ka int'ekiye siunie iyo ti tonitie, siu'neje ni jijweye jajnok'i'ni! Amén.

1 Jn 4:12

Sinia' je ti'wenajata ka paja. Lapajawo siuti janinemina, Sinia' yi siwa'm, 'yakaj siunie jlemijnaye ti yi siwa'm.

1 Jn 4:20

I'nio' ni iyo'ate, “Emi'n pi Sinia'”, jlam'ne ki iyo ti ne'waja'm ni jikiecha, wuj ti iyo sintiye. Siuti je yimi'n ni jikiecha ti i'winata, ¿tepa jawo kanjwe'el ka nemi'n pi Sinia' ti je ti'wena?

1 Jn 5:9

Ijiate je akakiuniejataja siunie ijwi'il napo i'nio'. Lapakawo ti siunie Sinia' ijwi'il 'yaka'm ape'e 'naka. Wuj ti laja po'o, kajeyepa ti ijwi'il siupi iyo pi jlas.