Juan 5:36 - Sinia' Jlamtis 1994

³⁶ 'Yina po' 'neje siunie jwamjla'a ti 'yaka'm ape'e ja Juan ti sijwe'el: 'naka siu'nie awo. Siunie awo ti Inia' ijliuyijk'i'm, naka'ne ti 'yakajanit ti sijliu' ni Inia'.

Juan 5:36 Iomraidhean Croise

Mateo 11:4

Jesús isiujlie japo ti iyo'ate: —Maye'ni. Apilieyi ja Juan. Jwelajia'm siunie iyo ni jipe'yayeyik'i'ni napo, siu'neje ni iyo ti ji'wena'.

Lucas 2:49

Jesús isiujlie ti iyo'ate: —¿Yot'iyi'ni ti siwoyejyin'ni? ¿Je 'najanayi ti je 'esiji ka je iyi kiajwe jla'a Inia' 'wuk?

Juan 10:25

Isiujlie japo ti iyo'ate: —Pajatak'i ti anijwe'lase'm, 'yina sakakiuye. Ka lajak'i niwa Inia' jlamtis, niwak 'yakajanit itipe'e ti ya'am, siuniwa wask'i'nelaja alesane.

Juan 11:37

Po' japo ijia iyo'ate: —'Naka 'ni ijwiejiet'ne ja talok, ¿jet'i 'yijeneje paka wone ka i'manit ki Lázaro?

Juan 15:24

Lajtak'iyi pa ka jitis iwo, ka lajak'iyi pet pa ka ilisane jikiowe'e ti jlamis, ki iyo siunie a'wenki'n, ti lajk'i pa ka kia'iwo, ni awoyi. 'Yina i'winisieta niwaka, yamjliyi ki iyo ti ne'wajask'i'm, jla'yi ti ne'wajasi ni Inia'.

Juan 17:4

“Pajk'i ti ateme ti awunit siuti a'yi 'ni ajnat, 'yina ateme siukia jijliuyijk'i'm ka iyoyi.

Juan 2:23

'Yina ti Jesús je taljlijiajme jlaja Jerusalén, ti ijyiwitajam'ni siojokia inlakijnieye jle' iyo'ate Pascua, je pini' japo je 'yakakiu ti i'winis siukia iyo ti i'winki'n ti kiak je iyo paka in'wenis.

Juan 3:17

Sinia' je ijliuye pa Jlas ka insa'a napo i'nio' yi' ape'e 'ni ajnat ti ijliuye t'ipi, 'wenajliyi ti ijliuye ka injwajiete'n.

Juan 3:2

Jakajimpe ti ijioyi ja Jesús ti ajnaj. Sekyi'i iyone'ne 'ate: —Inka'neyasajnawo, je kast'ayiji'n ti am ti inka'neyasajnawo'wa'm ti jitiajle pi Sinia'. Ijiate lajk'ipa ka inkajli ka inlesane iyo siuniwa ji'wenki'n siuti ja Sinia' ja ke inejiap.

Juan 4:34

'Yina Jesús isiujlie'ne japo t'eyasajnas ti iyo'ate: —Siunie yak, naka ti awo siunie ijliuyijk'i'm ka itime ni jikijmaye ni i'nio' sijliu'.

Juan 5:32

'Yina po' siunie sijwe'el, naka Inia', nak ijiate ti laja po' ni jlamtik.

Hechos 2:22

Pedro yinat'iyi ape'e ti iyo'ate: —'Yina k'iuyek'imna'a ti asa'am ti Israel jlele'ase'm, siunie jayo ti jayamti, ti jajwi'il siunie Jesús Nazaret jlele. 'Najanayi ti jlam ti lajk'ipa ka k'iejliyeyi paka Sinia' iwet'ianaja'm, 'yaka ji'wena' ni iyo ti ilisane niwak siuniwa isis tajle pa Sinia', ti kaskelit ti a'wena, siu'neje niwa a'wena ti a'tisk'iji'n.

1 Jn 5:9

Ijiate je akakiuniejataja siunie ijwi'il napo i'nio'. Lapakawo ti siunie Sinia' ijwi'il 'yaka'm ape'e 'naka. Wuj ti laja po'o, kajeyepa ti ijwi'il siupi iyo pi jlas.