Juan 5:29 - Sinia' Jlamtis 1994

²⁹ jla'yi ti janok'i kisie'e ti jantajli niwa a'no'ol. Siupapo iyot'iyipi siunie 'es napok janapits'i pijia'm ti ji'wasankiye ti laj jlaja japoye. Jlam pet siupapo iyo ni je 'es, kiak janwo'ojyi ja'nesk'i pijia'm ti jantayi ka tisiejekik'i.”

Juan 5:29 Iomraidhean Croise

Lucas 14:14

'Nakayeyijna'a ka Sinia' inwe'nase'm siunie 'es jikap'ijliuskiye, kajeyepa ti ja ke inkajlisi ka kiak inwo'nase pet ka inejni siunie jiwone, sekjane'yi ti ja'we'en janak akaja siupa jloma ka inotiek'i kisie'e siunapo isis jla'am ti ja intajli ni a'no' ti janapits'i pijia'm.

Hechos 24:15

'Wena je ajo'we pet, siukia yamt'iyisipe pet, ti je 'yakakiuyis pa Sinia', ti janojwank'i kisie'e ka pajata siupapo 'yajle'n, siu'neje papo i'nio' isis t'ipi siu'neje papo ijiatt'iyijpe ti je isis.

1 Timoteo 6:18

Siuti jajloye, wone'ate, “Woyeyi ninta 'es. Siunie jiwoyeyi ti jwajla'a je sitiana, nak 'yenajiap siuniwa askijmayejes ti isis ti jawoyeyi. Ke enieja'm siuniwa askijmatis, pi jane'yi pet pa jawenajia'm.”

Hebreos 10:27

'Yina ja najatajana'a jlam ti jats'iukink'iye ni insajkinaye ti ja wujwa ti ja a'tiejak'i ni siunie jawoyi, naka 'neje ni siunie jwat ti tak'ayi'ni, ti jantejwk'i'ni siunapo ti teje'yi ilia'm ni Sinia'.

Hebreos 13:16

Astaj wunitieyijpe siunie ti janoyeyeje napo as'lejwas, nikat'inieyi siunie ji'wena. 'Yina ti naka ti Sinia' inka'a ti i'winata ti kiak iyoyi, siu'neje ti jla'am ti jlekiajlayi ti 'yaka'm ape'e siunie iyo pit siuniwa tilianajan'ni.

1 Pedro 3:11

'Esiji kanleyi ni siunie je 'es, sek jane'yi jawoyeyinie'e jla'am ni 'es. Jawojyi'n ni jikamankiye, sek jane'yi janekk'i naka.