Juan 5:2 - Sinia' Jlamtis 1994

² 'Yina sekyi'i siujlieja i'niat ti inajie'wet jle' iyo'ate Betzata, ti Hebréojos ji'lij, 'yakama'a ja 'wuk kiwet jlaja isi' jle' iyo'ate 'Wolepo' Ka 'Wuk Kiwet. Ijwienjli 'ni sikio' itij'we siojowa jlopalikis jlajak i'niat.

Juan 5:2 Iomraidhean Croise

Juan 19:13

Siuti Pilato ipi'yayeyi, takajlunieyi ja Jesús ka titiona kisie'e. Sekyi'i ti tanayi ti ti'yena siupa jitis iyo, yi'i siojo tenaja'a'ni napo ti kia'iyo, Hebréojos ji'lij iyo'ate Gabata, ti iyo'ate Sisajas ti T'otata Ape'e.

Juan 19:17

Jesús titilkinaja'ne jlaja jika cruz, ti tikiniejayi. Paj ti yiyeyi siojo ajnat jle' iyo'ate Ijnetik Jleli 'Wet, siunapo Hebréojos iyonisi 'ate Gólgota.

Juan 19:20

Siojowa inamtis tilisanaja tajla'm napo Hebréojos, Roma jlele, Griego ji'lij. Jak je iyoyiji japo Judíojos i'yen'ni 'ne; siojo tena'a ja Jesús ti tik'iejwata'a jlaja cruz je tojwape'n jlaja isi'.

Juan 20:16

Jesús tamti ti iyone'ate jlaja María: —¡María! María i'yejnen'ne ti ipi'yaye, iyo'ne 'ate: —¡Rabuni! (Hebréojos ji'lij ti iyo'ate, 'Yaka'neyasajnawo.)

Juan 5:3

'Loj japo je isis tijwajiape'n. Po' japo talojo', siu'neje japo je t'ojni'n, siu'neje japo t'ajwes 'yajlits'iji'n, sek iniuyi'ik'iji'n ajnat'e yi'i siojowa ji'wetis ni jla'am.

Juan 7:21

Jesús iyo'ne 'ate: —Ijwienjliyiji jiwekie'e siukia awoyi ti eniji siojona jloma ti i'nio 'wanjlijyi'n ti kawoyejliyit'ipi pa ti ji'wena'.

Hechos 21:40

Ijiatjliyi tokis jika anechiyas 'yajlinit'ne k'iye ka intamti ape'e japo i'nio'. Sekyi'i Pablo takasit'ne, ijio'ne ape'e siojo tiniukk'i'ni, jikio' ijie'ne ape'e japo i'nio' ti iyo ka tik'iukie, ti jantamti. Its'iuyisie 'ate, tamti'ne ti iyo Hebréojos ji'lija', ti iyo'ate:

Apocalipsis 16:16

Siojo ajnat yi'i ti ijiut wita'm napo anechiyasas siojowa imose'l jle' iyo'ate Armagedón, Hebreo ji'lij.

Apocalipsis 9:11

Siunie jika anechiyas naka injlojwanik poli jlele ni siunie ji'wet pet siunie kiawe ti je ti'wena isia'm pi jik'ioyi, ti 'najlati 'wet, jle' iyo'ate ti Hebreo ji'lij Abadón. Jlampet ti griégojos ji'lij iyo'ate Apolión, ti awonaja pet 'ate Kalankijieta.