Juan 5:19 - Sinia' Jlamtis 1994

¹⁹ Jesús iyone'ne 'ate japoka: —Ijiate, ijiatk'i siunie jayo ti jajwi'lase'm, ti Sinia' Jlas je 'yakajli paka k'iejliyeyi pa kanlesane ka jlama. Ijiatjliyi jla'am siupi i'winaja ti iyo pi Jinia', pakayeyi wekie'e ti iyo. Wikie'eyi siuniwa Jinia' iyo, kia'iyojliyi pet ti ilisane.

Juan 5:19 Iomraidhean Croise

Mateo 26:39

Yama wat ts'iji t'akosayi wek seka'a, jitiokiots'i 'yitayi ajnat'e ti inip'elisini pa Sinia', ti iyo'ate: —Inia', ka poye pi jikiecha paka iniwone, sijwajiete siu'nie yat ti pajyi, 'naka 'nak iliaye jawo ti jats'a'al. 'Yina 'esiji ka ama'a'm ti jantaj'la, je 'esiji ka yama ka intalk'i.

Lucas 21:15

'yina ja yama ya'am ti jawi'nase'm ni siunie as'lej jawonayi, siu'neje na 'najankijnieye, 'nakayeyijna'a siunapo astajiejwas ja ke into'ma aselia'm, 'wenajliyijna'a ti ja injwel ka inkiuj'liase'm, 'yina ja ke injlana'ni.

Juan 10:18

Ijiate, ja ke pakaye siupi jasitiajnat ti ja silia'an, lapakawo ti yam ya'am ti talk'i. Siunie awo ti kia'awo. Lapakawo ti nak tijniejietak'i'm pet, siunie ti je e'n jana i'wiesankiye jla'yi siunie ti janapik'i ka netieje siojona jloma, 'yina nak iyotaja ka iyo ni Inia'.”

Juan 12:49

Lapawo ti je yam ka intalk'i siu'nie awo, 'wenajliyi jla'am ni Inia' siunie sijliu', nak ijliuyijk'i'm siunie awo ka ijwi'il, jla'yi ni siunie aka'neyasane.

Juan 12:50

'Yina siunie jika'neyasajnaye ni Inia', ts'ajane pi awone ti tejeyi jana in'wasankiye ti laj jlaja. Ijiatjliyi siuniwa amtiyi, je int'ayiji'n ti jla'am ti ijliuyijk'i'm.”

Juan 14:10

¿Ijiatp'ane ti sakakiu ti ajwe'el ti ajyi pi Inia', jla'yi pet ti Jla'am yi' iwia'm? Siuniwa ajwe'el, je ya'am ka intalk'i. 'Wenajliyi ni Inia', ti Jlam ti yi' iwia'm, naka'ne ni isijme'n Jla'am.

Juan 2:19

Iyo'ne 'ate ti isiujlie japo: —Siuti janetiajnatajyi'n siujlie'e 'najla'wet, jlomas ja najapeja ka yikiajlana'aja pijia'm.

Juan 3:3

Jesús iyo'ate ti isiujlie: —Ijiate, ijiatk'i siunie jayo, lajk'ipa kan'we'en pi k'iejliyi pi Sinia' jika anechijiayas ijiatjliyi jla'am ni i'nio' ti yikiajle'e ti k'iejli yiji'n, nak jantant'ieje.

Juan 5:21

Iyoye'ate ni Jinia' ti i'nisatk'i pijia'm napo 'yajle'n, 'yina kiak iyo'ni pet ni Jlas, iwijna'm napo iyo kanwejna'm jana ji'wasankiye.

Juan 6:38

kajeyepa ti siuti anama ti atal poliyi, je ana'am ka iyoyi siupi ka intalk'i, 'wenajliyi jla'am siunie iyo ni i'nio' ti sijliu'.

Juan 8:28

It'imina'ne ti iyo'ate: —Ijiatjliyijna'a ka tenata pijia'm ni I'nio' Jlas, jiwekie'ejana'a ka intant'iejayi ti jla'am siunie ti iyo'ate “ya'am”, jla'yi ti ja intant'iejayi ti je awo ka iyo ka itiajlatk'i siunie awo. Je'e, 'wenajliyi siunie Inia' ts'eyasane ti ajwel pet.

Juan 9:4

Alenjlipa ti jlomajli'ijyi, 'esijyi ka isimaja ni jikijmaye ni I'nio' sijliu'. Je pa tojwa'a siunie ti ja ajnaja, ti ja lajak'ipa ka inkajli ka inkijme'n.

Hechos 2:24

'Yina Sinia' iniujwa'n kisie'e ti tajle ni a'no', ijwiejiete ki iyo ni t'a'ti ti tajle ni jiliaye, kajeyepa ti siunie inlaye je ijlie'ne'ni pet.

Romanos 6:4

Ke iwo pa ti siuti aninajienajape iyot'e 'ate ti kasts'ajle'n sekyi'i titijikie sik'ioye, 'nakayi pet ti janiukk'i kisie'e ti jatiajlaja ni a'no', sekyi'i janiukk'i siunie si'niayi ti ink'ie'. Jawoyena'a 'ate iyo pi Sijwajieti ti kia'iyo ti iniu kisie'e ti tajla'm pi a'no', ka lajak'i siunie Sinia' jiwunitieye ti je jlase' ni jijweye.

Romanos 8:11

Siuti siojona Sinia' jikimet siojona ti iniujwa'n kisie'e pa Jesús jane aswa'm, janaka'ne jana ti janekial pijia'm niwak 'assienis ti je t'o'n, kajeyepa ti janakaye jla'am siojona Sinia' jikimet ti yi' aswa'm.

1 Corintios 15:12

Jlam'ne siunie saka'niye, ti ajwela pi Sijwajieti ti iniu kisie'e ti tajli pi a'no', 'yina ¿yot'iyi'ni ti po' siunapo ti asa'am ti jijwela' siunapo 'yajle'n je iniuk'i kisie'e ka intajli ni a'no'?

2 Corintios 4:14

Kajeyepa ti kasts'ajane pa awonaja ti paka Sinia' ti iniujwa'n kisie'e pi Jesús ti itiajlajni pi a'no', sek jane'yi ti si'niayi injwanjliyena'a ti ja kassokiji pa Sijwajieti.

2 Corintios 5:10

Kajeyepa ti ja lajak'i pa ka injwel ka in'yilta'n k'iye pa Saka'niona, ka inetiejenie'e siojopa jloma ka 'yenta wikie'eyi napo i'nio' siupi jitis iyo. Japakayeyi ti ja kasjwanjlajamk'i'ni siupa ja tiwonats'e pi iyo siupa titiajlatats'e'm, ti ja tenaja siupa awokt'iyipi ti awak'i 'ni ajnat, ka 'esiet'ipi ni'ne ka jeye.

Efesios 2:5

siuti mawat je atajlaja ni sake', ijiate kasts'ajle'n kajeyepa ti awaki naka. Jlam ti kasjwajiet it'imina ti kas'wasajne'n 'neje, iyoye'ate siupi iyone pi Sijwajieti ti yikial pijia'm ti tajli pi a'no'.

Efesios 3:16

A'yasane siunie asjweyeja' ka intajleje siuniwa i'wi'in ti je jlase', ka ne'n aswa'm, lapakawo siojona Sinia' jikimet ti 'es janoye'ase'm.

Filipenses 3:21

Ti jawo ink'iejyisa' niwa ts'isienis, ti ji'niayi je itio'yi ape'e 'ni ajnat, ka iwoyena'a 'ate iyo ti jla'am ni t'ajwes ti ijiate jla'am ti 'es. Je lajk'i ni jijweye iyo ti jla'am ti i'yena wikie'eyi niwa wask'i'nelaja yi' ape'e 'ni ajnat.

Filipenses 4:13

Atojmi wek ilia'm, 'yina ti ijwiye powek, kajeyepa ti paka Sijwajieti ti iyo ijwiyeja'.

Colosenses 1:11

'Ajlajanayi'ni pi Sinia' ka impejlanit'i aswa'm pet ni jijweye ti je jlase', ja 'nakayeyi ti ja asjweye japoye pet. 'Yina ja ke injlak'alajyi'n, 'wenajliyi ti ja akamaja.

Colosenses 1:16

Jla'am ti it'imina ti Sinia' ilisane wikie'eyi niwak wask'i'nelaja, siuniwa yi' poliyi siu'neje niwa yi' ape'e 'ni ajnat, siu'neje niwa wask'i'nelaja 'yaka siu'neje niwa ti je 'yaka. 'Wanjliyi ka niwakaye siuniwa injweyejes siuniwa yi' poliyi, siuniwa inwunitieyejes, siuniwa anechijiayajas, jla'am ti it'imina ti po' niwaka. Ilisane kajeyepa ti ja jikimita jla'am.

1 Tesalonicenses 4:14

Iyo'ate ti je akakiunieje pa Jesús ti ijiate ti 'ya'al jla'yi ti iniu kisie'e ti tajli pi a'no', Sinia' janeki napoka ti pajk'i ti 'yajle'n ti je 'yakakiu ni Jesús jla'yi ti janojwa'n kisie'e ni jantajli ni a'no'.

1 Pedro 3:18

'Yina Sijwajieti jla'am ti inilayiti ape'e niwa jikeyis napo i'nio' ijwienjliyik'i wek pakatajaje. Jla'am ijiate jla'am ti 'es, 'yina je iyojliyi ti iniwe'n ape'e napoka i'nio' ti je isis ti iyoyi ni jike', kajeyepa ti iyojonk'iye ka intonayi ni Sinia'. 'Yina ti i'nio', ti tilianaja, 'ya'al; jlampet ti Sinia' i'wiesankit pet pi jisiak'al, 'yina ti yiji pi jisiak'al.