Juan 5:10 - Sinia' Jlamtis 1994

¹⁰ Siojopo Judíojos ti i'winayis ti its'iewijin'ni jawa jlotikiwa, sekyi'i ti iyonisi'ni 'ate: —'Yejne'n, siujlie'e jloma awaki jla'ak jloma ti je 'esiji ka atejliajan'ni ni ajotik.

Juan 5:10 Iomraidhean Croise

Mateo 12:10

Sekyi'i siojo i'nio' ti jikio' t'isie'n yi'liaja'. 'Yina japo i'nio' ti je iliyi ti iyoyisijyin'ni paka k'iejliyeyi ka intajlatisie, it'imina'ne ti kiak iyonisi ti i'yasisi'n: —¿Ma 'est'iyiji ka tenajaja siujlie'e jloma ti i'nio 'wanjlijyi'n, ka tijwajieta pa i'nio' ka je 'esie?

Marcos 2:24

'Yina ti je 'esiji ti Fariséojos i'winayi, sekyi'i ti iyonajanisipe 'ate ja Jesús: —'Yene siapo 'eyasajnas. ¿Yot'iyi'ni ti iyoyisi siunie ti je 'esiji ka tiwoki siujlie'e jloma ti i'nio 'wanjlijyi'n?

Marcos 3:4

Sekyi'i ti i'yasa ape'e papo ti iyo'ate: —¿Ten siupa 'esiji jla'am ka tenajaja ka tiwoki siojona jloma ti i'nio 'wanjlijyi'n? ¿Ent'a naka ni siunie ti tiniukieje pa, ni'ne ka nakaye ni siunie ti jiwet'ia tiwenaja'm pa? ¿Ma jajwiejiet, ni'ne ka i'miate ka initiajnat? 'Yina lajk'ipa ka inkiujlie.

Lucas 13:14

Jlam'ne pet siupa tijna'yi japa 'najla'wet ti i'yena jwesie'ne, kajeyepa ti itiajlata pa Jesús ti yiniji japak jloma ti i'nio 'wanjlijyi'n ti ijwiejiet japa i'nioki. Sekyi'i iyone'ne 'ate papo i'nio': —Siunapo iyojonk'iye kanjwajyi'n, ja ke inam'nipe ti yiyi siojona jloma ti i'nio 'wanjlijyi'n. Ijwienjli sikio' itij'we ijwienjli tom'niji jiwekie'e siuniwa jlomas 'esiji ka isimajajyi'n, niwak 'esiji ka nama'ni siunapo ti iyojyi'n ni jijwajieti.

Lucas 23:56

Ti tajlat'iyisijpe, yapilie 'wetits'ik'i, ilisanayisi siupuwa jini inkask'iji'n, ti iyo ka 'nelinisik'i. Japak siojopa jloma i'nio 'wanjlijyi'n, ti i'nio' yajapk'iji'n, iyo jla'am puwa Sinia' jlamtis ti iyo ka tiwoki.

Lucas 6:2

'Yina Fariséojos po' papo sekyi'i, papoka'ne ti i'yase'n pa Jesús, ti iyo'ate: —¿Yot'iyi'ni ti jiwoyeyi siunie je 'esiji ka tiwoki ti yiyetaja siojona jloma ti i'nio 'wanjlijyi'n?

Juan 1:19

Siunapo anechiyasas Judíojos yiji jana Jerusalén ijliuyet'ipi napo pa'yijis siu'neje napo jla'yis Levítajas ti ijioyisi ja Juan ti i'yasisi'n ti iyo'ate: —¿Te'na'm?

Juan 5:11

'Yina iyo'ne 'ate jak i'nio' ti isiujlie: —Siojo i'nio' ti sijwajiet iyonk'i 'ate, “Kima ni ajotik, maj.”

Juan 5:15

Yama ja i'nio' ti ijwile japo Judíojos ti iyo'ate: —Jakap'ampe ja Jesús ti sijwajiet.

Juan 5:16

Kiak it'imina'ne ja Jesús ti Judíojos iyo jitiejiejwaye, ti yiniji'ni pi k'iejliyi ti i'winki'n siojona jloma ti i'nio 'wanjlijyi'n.

Juan 7:23

Jlam'ne pet ti asa'am, ti je woyeyi ka akama'yi ape'e, naka iyo ni Moisés jika'neyasajnaye, sekyi'i ti je woyeyi ka akamaye'yi ilia'm napo kia'lis ti kiak jiwonayi ti t'isienis jijwa'al jlewaja'yi ti ijniujliejam'ni janak jloma ti i'nio 'wanjlijyi'n. 'Yina jak je iyoyiji ka je iyoyi 'ate: ¿yot'iyi'ni jiat'eje ti jitiajlatak'i'm ti ajwajiet jaka i'nio' wikie'eyi jawa t'ajwes iyo, jakiak jloma ti i'nio 'wanjlijyi'n?

Juan 9:16

Siojopo ijia Fariséojos iyoyis'ne 'ate: —Yaka jet'i intal Siniaye siupi i'nio' 'yina siuti je ilisa'n siujlie'e jloma ti 'es, i'nio 'wanjlijyi'n. Jla'am iyojli 'ate japo ijia: —¿Yot'iyi'ni ka kia'iwo puwa kan'wenki'n ka kassesi'liet, siuka inke' jilianikie? Sekyi'i'ne ti inik'isaja japoka.