Juan 4:6 - Sinia' Jlamtis 1994

⁶ Sekyi'i siujlieja jika i'niatjimpe pa Jacob. Jeús lapakawo ti yiwa siojo tajli, it'imina ti sek yiye'eje'n yi'i jlaja i'niat. Jlampa majleyet'iyijpe pa ka 'najlikisie.

Juan 4:6 Iomraidhean Croise

Mateo 27:45

Siukia ti 'najlikis paj ti najapeja jakia inetitinki yiyi jla'a kilie' kie', ti ajnatiok itij'wape 'ni ajnat.

Mateo 4:2

Cuarenta puwa jlomas, cuarenta 'neje puwa ajnajas ti lajk'iyi paka intojw. Sekyi'i ti iliatayi pi jika nel'lia iyo.

Mateo 8:24

Pa yit'iyipe jikiowe'e pa i'niat jlajlik'i ti yiyet'iyipi siupa jlajwutiok, ti pejla ijlinik'i. Siuti i'niat itiyejaja'm sekyi'i ijliena'ne ka 'no isia'm japa kasejkana. 'Yina Jesús imia'a pakayi.

Lucas 2:7

'Yina ti laj ji'weta' ts'e yi'i siojopa askiujnietas jlajapa 'wet. Sekyi'i tokiet'iyijipi japa a'lentas ji'wuk, sek yi'ijin'ne pak jlas ti iniajnat. 'Yakapajlatat'iyijk'ipe pa lotakiniewa, sekyi'i ti ijiajnijyi'n japa a'lentas jlak jiwe.

Lucas 9:58

Jesús isiujlie ti iyo'ate: —Siuniwa yosis jijwa'l po' wek jla'am, ajwejnas kia'iyojliyi jlopis po' wek. Siunie I'nio' Jlas je kia'iyo, laj ji'wukie ka ine'yi ka ima'a, ka ininop'it.

Juan 11:9

Isiujlie japo t'eyasajnas ti iyo'ate: —'Yejne'n, jet'imi 'etsaka niwa inetitinki yiji jana jloma ijwienjli. Siuti kia'iyo, i'nio' t'iskiujnijyi'n ni jloma, ijiate tepa jawo kant'opi'ni isia'm, 'yaka janaka jla'am siojona kates ti 'yakajanit ape'e 'ni ajnat.

Juan 4:12

¿Ent'a ti jika'm ape'e siupi sitis t'ipi Jacob?, ti jlam ti yikialts'e siujlie'e jika i'niat ti i'yayisji'ni'nijpe, siu'neje papo jilis jla'yi ti jla'am, jiliajwas kia'iyojliyi ti i'yayinisi'ni.

Juan 4:5

Yiyeyi siujlieja isi' jle' iyo'ate Sicar, je tojwape'n siujlieja ajnat Jacob yikialjinipi pa jlas José ka jikimita'.

Juan 4:7

Jlampa yama'ni japo t'eyasajnas ti iyoyisijyi'n jlaka isija'm, 'nesa siujlieja i'nioki Samaria jleliki ti it'iejliu. Jesús iyone'ne 'ate jlajaka i'nioki: —Joni pet pi jwamjla'aja ni i'niat.

2 Corintios 8:9

Jlam'ne 'najanayi pi jiwonayi pa Saka'niona Jesús ti Sijwajieti siunie kiak iniwone, ti iniwojwa'n 'ate siunie p'ijliusie, jlam'ne ki iyoyetaja ti jwajla'a je isitia'n. Lapakawo ti ijiateje ti kasp'elisijne'n, 'nakayi ti ja'nesieyi siuti kiak iniwone astepe'e ti iniwojwa'n p'ijliusieja', jawoye pet 'ate siunapo ti ijiate ti jwajla'a je isitia'n.

Hebreos 2:17

Siuti k'iejliyi pa jijliak'ali napo ji'niayi ijwienjli, sekyi'i kiak iniwonayi pit iyo jlamis. Sekyi'i ti 'esieyiji ti kiak iniwone 'ate iyo ni pa'yijis jika anechiyas wuj, siunie ti je tiwonaja jla'am, siu'neje ti takap'ijliuski ti iniuyeje napo i'nio' siunie Sinia' itiliaja ka woyi. Jla'yi ti initiajnat niwa jloski'la ti iyoyi jikieye ki jiliaye iyo ti 'ya'al.

Hebreos 4:15

Jlajmiliet, siunie saka pa'yijis jika anechiyas wuj, je naka ni siunie ti je 'yijene paka iwone ka kasp'elisijne'n ni iyo siuniwa sijliak'ali. 'Yina siuniwa inkajejlasayejes yits'e kia'iyo niwak yiyi, ijwienjliyi jla'am siunie ti 'wena t'asap'e naka ti je iyoyi ni jike'.