Juan 4:48 - Sinia' Jlamtis 1994

⁴⁸ Jesús isiujlie ti iyo'ate: —Siuti je 'wena niwa wask'i'nelaja ka ti'wenkina'ase'm, siu'neje niwa ti inesi'lieta, jikakiunieyi.

Juan 4:48 Iomraidhean Croise

Mateo 16:1

Siojopo Fariséojos siu'neje japo Saducéojos ijioyeyisi ja Jesús ti iyo ka ijnejlitis. Iyonayisi 'ate: —Awoktajank'iye ka 'wenkints'e'm paka k'iejliyeyi, 'nakayi ti ja'wina ti ja ijiatayi ka pak atajleje pa Sinia' pi ajweye.

Mateo 24:24

Sekyi'i ja 'naka'aja siunapo i'nio' ti janjwel ka nakaye injwejlanik jiwo, ti ja ke piniye siuniwa jan'wenki'n, ti jankelitk'i napo i'nio', siu'neje napo i'nio' Sinia' pajk'i ti i'winakit ti isi'mik'i, jawo pa jawo ka inkajli ka ink'emijiet, ni'ne ka jeyena'a.

Mateo 27:42

—¡Jlam'ne 'yijene pi iyone ti ijwiejiete'n papo ijia, ka kiak iwoyi pit ka inijwajiet! Ti ijwil jla'am ti Israel jlele jika anechiyas. ¡Yot'iyi'ni ti je tisiojmajyi'n, 'nakayeyijna'a ti ja'wina pet sekjane'yi ka je 'yakakiukiena'a!

Marcos 13:22

Kajeyepa ti jana'am siunapo ti janijwe'el ti janapokaye Injwajieti ti Sinia' jijliujwanik, siu'neje napo ti janijwelis ti janapokaye Sinia' jijwejlanawosa', 'yina jan'wenki'n siuniwa ti janesi'lietk'i napo i'nio', ti janwo ka ink'emijiet napo siunapo Sinia' pajk'i ti isi'mik'i, janwo pa jawo ni'ne ka je inkajlits'i.

Lucas 10:18

Jesús isiujlie papo ti iyo'ate: —Jlam je woyeyi, a'wenk'i ja sitiejiejwa imosik ti iniujwe'n ti tal poliyi, 'yiniye na tak'ajyi.

Lucas 16:31

Abraham jla'm iyojlit'ipi 'ate, “Siuti je iyo kank'iuyisie pa Moisés, ka pokaye 'neje wek papo injwejlanawos t'ipi, 'wanjliyi ka poye pa i'nioye ka inapi pijia'm ka intal a'noyi, ja ke ink'iuyisie”.”

Juan 12:37

'Yakajlitieje ja Jesús ti i'winkinataja siukiwa iyo pi jijweye ti yisi'liete japo i'nio', 'yina lapawo ti 'yakakiuyis.

Juan 15:24

Lajtak'iyi pa ka jitis iwo, ka lajak'iyi pet pa ka ilisane jikiowe'e ti jlamis, ki iyo siunie a'wenki'n, ti lajk'i pa ka kia'iwo, ni awoyi. 'Yina i'winisieta niwaka, yamjliyi ki iyo ti ne'wajask'i'm, jla'yi ti ne'wajasi ni Inia'.

Juan 2:18

Siojopo Judíojos ti i'wina siukia iyo ja Jesús, iyoyis'ne 'ate ti i'yasisi'n: —¿Ten siupi ja'wenkints'e'm ti jawoyi, 'nakayeyijna'a ti ja kasts'ajane siunie jitiajle'e ni ajweye?

Juan 20:29

Jesús iyo'ne 'ate: —Je kakiunieyi'ne, kajeyepa ti si'we'en. ¡Jlajma ijiatayi ti Sinia' jamp'elisijne'n siunapo ti je i'winata, lapajawo ti naka jla'am ti je takakiunisi!

Juan 4:49

'Yina iyo'ne pet 'ate ja anechiyas 'yasa'n jitieyi'i: —'Yaka'niona, naj, na'm ijyik'i. Kets'ijyi'n, alenjlipa ja yas ti je 'yaljli'ijyi.

Hechos 14:3

It'imint'iyijpe ti sek pa'a japo injlojwajnas, wuj ti ini'neti'n ti iyoyis jlamtikie', ti ijwilis pa Sinia' ti takap'ijliuski. Sinia' 'yakajanit siupa iyone ti ijwijla'm pakayi ti jijweye iwijna'm ka inkajli ka inlesane puwa k'iejliyi, siupuwa ti yisi'lietk'i'ni papo i'nio' ti i'winatajas, siu'neje puwa inia'an k'iye siupuwa ja'nakaj.

Hechos 15:12

Itime ti tamti japoka, ti takasitie t'ipi pet ja Pablo jla'yi ja Bernabé. Ijwil pet pa Sinia' iyone, ti 'yakajli ti ilisane siupuwa a'tisk'iji'n wask'i'nelaja, siu'neje puwa iniank'iye siupuwa ja'nakaj ts'ijiye, jitieyi'i papo i'nio' je Judíojos. Ti yiyeyi puwaka yaka jla'm iwo japo i'nio' 'yakamaja ti its'iuyisie.

Hechos 2:19

Ja'winkina siuniwa ja'nakaj poliyi ti jankelitk'i napo i'nio', jla'yi siuniwa ja'nakaj pet 'ne ajnat'e ti a'tisk'iji'n, 'woyis siu'neje ni jwat, ja ke jlasiye ni tosieja.

Hechos 2:22

Pedro yinat'iyi ape'e ti iyo'ate: —'Yina k'iuyek'imna'a ti asa'am ti Israel jlele'ase'm, siunie jayo ti jayamti, ti jajwi'il siunie Jesús Nazaret jlele. 'Najanayi ti jlam ti lajk'ipa ka k'iejliyeyi paka Sinia' iwet'ianaja'm, 'yaka ji'wena' ni iyo ti ilisane niwak siuniwa isis tajle pa Sinia', ti kaskelit ti a'wena, siu'neje niwa a'wena ti a'tisk'iji'n.

Hechos 2:43

Wikie'eyi papo i'nio' jnots'ijnits'i siupa iyo japo injlojwajnas, ti je yi'i japa ka jlomaye ka ti'wena siupuwa iyo ti a'tisk'iji'n, siu'neje puwa ti inia'an k'iye siupuwa ja'nakaj.

Hechos 4:30

Kajanit ni ajweye iyo ka ajwajiete'n napo i'nio' je isis, jla'yi niwa iniank'iye siuniwa ja 'nakaj pet ajnat'e, siu'neje niwa ti yisi'lietk'i napo i'nio', 'esi ni jle' iyo ni akawo ti 'es Jesús.”

Hechos 5:12

Je pini' siupuwa injlojwajnas iyo, i'winki'n siupuwa iniank'iye puwa ja'nakaj, siu'neje ti yisi'lietk'i'ni papo i'nio'. Ininenisi'ni yi'i ja Salomón jika 'wuk kiwet, ti initotisk'i'ni wita'm.

Hechos 6:8

Esteban jla'am wuj ti Sinia' iniuyeje, jla'yi ti iyo jweyeja', it'imina ti 'yakajli siupa iyo ti i'winki'n siupuwa k'iejliyi ti yisi'lietk'i papo i'nio', siu'neje puwa inia'an k'iye siupuwa ja'nakaj ts'ijiye.

Hechos 7:36

Jla'am pa Moisés ti yame papo sitiselt'ipi ti tajlajna'm japa Egipto, jla'yi ti iyoyi siupuwa wask'i'nelaja ti yisi'lietk'i papo i'nio', siu'neje puwa iniank'iye puwa ja'nakaj ts'ijiye yi'i japa Egipto, siu'neje ti yiyet'ipi 'niji siupa I'niat Lajlik'i Isiati, siu'neje ti yi' ajnat laj i'nioye'yi cuarenta puwa najkapis.

Romanos 15:19

siu'neje niwa ti 'yakelitk'i'ni napo i'nio' ti i'winatajas, siu'neje niwa 'yaka ti i'wi'n ilia'm puwa k'iejliyi, ti janaka jla'am siojona Sinia' jikimet ti 'es ti jijweye po'. Ti atajlap 'niji yi'i jlaja Jerusalén, ti atejwits'i niwa ji'wetis napo i'nio', paj ti ayeyi siujlieja ajnat Iliria. 'Yina atejwits'i siuniwa ajnatis ti ajoyits'i ti awo yamtikie' ti amtiyi ni Sinia' jika'niye ti ijwi'il pa Sijwajieti.

1 Corintios 1:22

Siunapo Judíojos iyojonk'iye ka ti'wenkinaja puwa ka k'iejliyeyi siuniwa je yits'e japa ka jlomaye ka ti'wena, jlampet siunapo Griégojos itiliajasi pet ka 'najajne'n,

2 Corintios 12:12

Kajeyepa siukia isijmaye ti ijiate ti anilayiti ti awoyi, siukiwa ti tenajapi pi k'iejliyi, siu'neje niwa ti inesi'lietak'i ti ji'wenayeta, niwak sakajanit ti ya'am ti ijiate wek ti injlojwanikk'i'm.

2 Tesalonicenses 2:9

Siunie jawoyi pit naka i'nio' laj t'otaliye ka 'nesta, ja ke jlasiye ni jijweyeja' pet ni sitiejiejwa ni imosik ti janamik'i, siu'neje niwa jawo ti jankelitk'i napo i'nio' ti jan'wenki'n. 'Yina jlam'ne jlajma jawoyi siunie jawo.