Juan 4:41 - Sinia' Jlamtis 1994

⁴¹ Sekyi'i ti ijiatayiji ti 'loj japo je 'yakakiu siukia iyo, ti jla'am ti tamti.

Juan 4:41 Iomraidhean Croise

Lucas 4:32

Kawojliyi papo i'nio' t'ipi ti ipi'yayeyis siupa iyo ti taka'neyasa'n, kajeyepa ti jijweye po' ti tamti.

Juan 4:40

Ti yiyeyisi, iyonisi'ne 'ate ti je iwinis: —'Wanjli kiu wat sajap. Ijiatjliyi times kiwa jlomas ti 'wanjleje'n.

Juan 4:42

Sekyi'i'ne ti tiwonaja'ne 'ate jlajak i'nioki: —'Nakayi je pi amkataja siuniwa iyo niwa amtis ti jikajwejlants'e ti je akakiuk, 'yina ti kia'iyo ti sa'am ti ape'yak. Jla'yi ti ijiate ti kasts'ajane ti jla'am ni siunie Jijwajieti napo i'nio' yi' ape'e 'ni ajnat.

Juan 6:63

'Yejne'n, siojona Sinia' jikimet ti 'es, janak iyo 'wasankiyeja' napo i'nio', je'ne ka nakaye t'isie'n ka 'esieyi. Siuniwa yamtis ti ajwe'lase'm, niwak itio'nase jana Sinia' jikimet ti iyoye as'wasankiyeja'.

Juan 7:46

Iyo'ne 'ate japo tokis ti isiujlie: —¡Lajk'ipa ka kia'iwo puwa ka jlamtisie', siunie iyo ti tamti!

Hechos 1:8

Siuti jane'yase jana Inia' jikimet ti 'es ka tekiajla'asenie'e ni asjweye, ka sek atajlaye'ena'a ka kinieye'inna'a ti jawoye asamtikie' ti ja sijwela'. Ka joyenie'e Jerusalenne, ja tejwayena'a siuniwa ajnatis yiji jana Judea, siu'neje jana Samaria, wikie'eyi siuniwa isi'il tose ti yi' ape'e 'ni ajnat.

Hechos 15:3

Sinia' jilis siojopo yiji jlaja Antioquía japok ijliu' japo Pablo. Iniuyeyits'i jawa ajnatis Fenicia, siu'neje jlaja Samaria, ti ijwilk'i papo siupa iyo papo je Judíojos, ti iyo jlosikis ink'iejyisa'. Wuj ti inkase'n japo i'nio' Sinia' jilis ti 'yijenayi pi iyone.

Hechos 8:12

Je 'esiji ti poye pet siupa iyo ti je takakiunisi siojo Felipe iyoyi jika'niyeja' pa Sinia' jika anechijiayas iyo siu'neje pa Sijwajieti Jsús, 'yina tiniejienajan'ne, asejnia kia'iyojliyi wikie'eyi.

Hechos 8:25

Jlampa iliyet'iyijpe japo injlojwajnas ti takamtijniene pak aye'wu, jla'yi ti iyo jika'niyejayi papo i'nio' puwa Sinia' jlamtis, itijwits'i siupuwa isi'il ijia yiji jlaja Samaria ti ijioyits'i, ti iyoyis jlamtikie', sekyi'i ti yapiliet'iyispe 'niji yi'i jlaja Jerusalén.

Hebreos 4:13

Lajk'ipa ka ne'yi siuniwa jilisajna' jla'am pi Sinia' ka 'najane paka iwone ka injwe'el ka inijwekia'm ti jla'am pi Sinia'. 'Yina ja ke injla'an wikie'eyi niwa wask'i'nelaja ti jitiete i'wi'in, jla'am ti ja kas'ye'en siupi awoki, ka netiejenie'e siojona jloma ti yi' jlaja.