Juan 4:34 - Sinia' Jlamtis 1994

³⁴ 'Yina Jesús isiujlie'ne japo t'eyasajnas ti iyo'ate: —Siunie yak, naka ti awo siunie ijliuyijk'i'm ka itime ni jikijmaye ni i'nio' sijliu'.

Juan 4:34 Iomraidhean Croise

Mateo 26:39

Yama wat ts'iji t'akosayi wek seka'a, jitiokiots'i 'yitayi ajnat'e ti inip'elisini pa Sinia', ti iyo'ate: —Inia', ka poye pi jikiecha paka iniwone, sijwajiete siu'nie yat ti pajyi, 'naka 'nak iliaye jawo ti jats'a'al. 'Yina 'esiji ka ama'a'm ti jantaj'la, je 'esiji ka yama ka intalk'i.

Mateo 3:15

Jesús isiujlie ti iyo'ate: —Sejni wek'iate. Awo'ate, 'esiji ka iyoki wikie'eyi siunie Sinia' iyo ka iyoki. Sekyi'i Juan ijiate iyoyi,

Mateo 9:19

Jesús takasitie ti yamk'i, jla'yis japo t'eyasajnas.

Lucas 15:10

Jesús kiak t'ipa iyoyeyi'ijyi: —Jajwi'lase'm ti kia'iyoyeyi pet napo Sinia' jijliujwajnas poli jlele ti potie pa i'nio' k'iejli iyo jlosik ink'ieye.

Lucas 19:10

Siunie I'nio' Jlas napok name, siunapo netiajne'n, ti iyo ka injwajiete'n.

Lucas 2:49

Jesús isiujlie ti iyo'ate: —¿Yot'iyi'ni ti siwoyejyin'ni? ¿Je 'najanayi ti je 'esiji ka je iyi kiajwe jla'a Inia' 'wuk?

Juan 17:4

“Pajk'i ti ateme ti awunit siuti a'yi 'ni ajnat, 'yina ateme siukia jijliuyijk'i'm ka iyoyi.

Juan 19:28

Yam'ne 'niji kiwaka, Jesús 'yijene pi iyone ti itime wikie'eyi siukia iyo. Iyo'ne 'ate: —Siki'im. Siuti kia'iyo, ti iyojonk'iye ka ijiatak'iyi siuniwa Sinia' jlamtis.

Juan 19:30

Jesús its'iujwam'ne, sekyi'i iyo'ne 'ate: —'Esiji, atejwi. Sekyi'i jletik iniajmana isia'm, ti 'yala.

Juan 4:32

'Yina isiujlie japo ti iyo'ate: —Po'o siunie yak ti je intant'iejayi.

Juan 5:30

Jesús iyoye'eje 'ate: —Ya'am je akajli ka yama ka itiajlatk'i ka iyo pi k'iejliyeyi. Siunie ti akajanit'i ape'e napo i'nio' ti Inia' yikialk'i, ijiate awo. 'Yina 'es ti awo, 'yaka je ya'am ka intalk'i ka yama, najata jla'am ti awo siunie iyo ka iyo ni sijliu'.

Juan 5:36

'Yina po' 'neje siunie jwamjla'a ti 'yaka'm ape'e ja Juan ti sijwe'el: 'naka siu'nie awo. Siunie awo ti Inia' ijliuyijk'i'm, naka'ne ti 'yakajanit ti sijliu' ni Inia'.

Juan 6:33

Siojona woye ti Sinia' je yi'n janaka siunie I'nio' ti tal poliyi, ti iwijnamk'i jana in'wasankiye napo i'nio' yi'i ape'e 'ni ajnat.

Juan 6:38

kajeyepa ti siuti anama ti atal poliyi, je ana'am ka iyoyi siupi ka intalk'i, 'wenajliyi jla'am siunie iyo ni i'nio' ti sijliu'.

Juan 8:29

Siunie I'nio' sijliu' yi' ijiap. Je sijwankite'n pi a'yi, kajeyepa ti awo siunie iyo ka iyo.

Hechos 20:35

K'iejliyi'iji pa akima, sekyi'i ti ajwanayija'ajme pet ti 'eyasanajyi'n ti awo ka kiak aniwonayi, ka anoyeyeje siunapo p'ijliusis siupa isitia'n. Astaj enayijpe 'ate siusiwa Saka'niona jlamtis ti 'yakaj, ti iyo'ate, “Siunie iyo 'wajietiye, ni Sinia' iyone ti ip'ilisi'n 'yaka'm ape'e siunie ti tiwok ji'wajieta'.””

Hebreos 12:2

'Esiji ka sitiej 'yitie'e ni Jesús, 'yina ti jla'am ti atajlajaja siunie ti je akakiunie, 'yina ti jla'am 'neje ti ijniujliet wita'm janaka. Jesús wuj ti inilayiti siupa jiwet'ia ti tena'a japa cruz, je nesi'lieyi ka inojwat jiwa'm siupa jikalakijnieye papo i'nio', lapakawo ti je int'ayiji'n siunie jawo ti janek'iyi ni jiwet'ia iyo jank'iuyeja'ana'a pet siunie jinikanitieyeja'. 'Nakayi yiji'n 'niji jijweye pa Sinia' siupa ji'wet ti anechiyas.