Juan 4:3 - Sinia' Jlamtis 1994

³ Jesús t'ijiek'i'ne pet kiaka, sekyi'i yam'ne ti tajla'm jlaja Judea yapilie 'niji yi'i jlaja Galilea;

Juan 4:3 Iomraidhean Croise

Mateo 10:23

Jane'yipe japa isi' siunapo yiji ti ja ke inena'yi 'ate, ka akinieye'nijpe ti ja'yiltanayi japa isi' kiecha. Jlam je awo ijiatk'i siunie jayoyi ti, siuti ja ke atejwa'yi ka ajoyeyits'i niwak isi'il siunapo Israel jlele yijits'i japakayeyi ti ja'nes ni I'nio' Jlas.

Marcos 3:7

'Loj papo i'nio' Galilea jlele ti nojwisjink'i'nipe ja Jesús jikiusk'i pi i'niat lajlik'i, jla'yis japo t'eyasajnas.

Lucas 17:11

Jesús yama'aja ti ijio 'niji yi'i jlaja Jerusalén, jijwalk'i jawak ajnatis Samaria siu'neje jlaja Galilea.

Juan 1:43

Siukia ti jlomaye'eje Jesús iyoye'ijyi ka inta 'niji yi'i jlaja ajnat jle' iyo'ate Galilea. Sek ini'wene'e'ne siojo i'nio' jle' iyo'ate Felipe, Betsaida jlele, siujlieja isi' taj'le siojopo Andrés jla'yi ja Pedro. Iyonayi 'ate ti tanayi: —Na'm ijyik'i.

Juan 10:40

Jesús yapili siojo Juan yine'epe siojopo i'nio' ti iniejiejne'n. Iwiets'ila i'niat ji'wechaja, yi'i siojo tewuk Jordán; 'yina sek 'wanjle'e'ne.

Juan 11:54

It'imina'ne ja Jesús ti jeye kat'aja ka ini'wenkijnam'ni japo Judíojos. Tajla'm jlaja Judea, sekyi'i ti tejeye 'niji yi'i jlaja isi' jle' iyo'ate Efraín, 'yakama'a ja ajnat mami'yi. Sek yiyeyits'i, ti jla'yis japo t'eyasajnas.

Juan 2:11

Jakayi ti Jesús yi 'ne Canaja, ti yiji jlaja Galilea. Naka ti 'nelanjie'e iyoyeyi ka in'wenki'n siunie iyo ni jijweye. 'Yina ti i'wina siojopo t'eyasajnas, je 'yakakiuyis.

Juan 3:22

Jlampa yama'niji siukia iyo, Jesús jla'yis japo t'eyasajnas ti ijioyis 'niji yi'i jlaja ajnat Judea. 'Wanjlejen'ne pa nojt'ijia'm kiwa jlomas, ti iniejiejne'n japo i'nio'.

Juan 3:32

Ijwi'il siuniwa i'wi'in, siu'neje niwa ipi'ya, 'yina ka kiak iwo ka jwanjliyi paka ink'iuye siunie ijwilta.

Juan 4:47

Ti t'ijieyeyi ti yi' Galiléaja ti tal Judéaja, yam'ne ti ijioyi ti inip'elisini ti iyo'ate: —'Yaka'niona, kawo wata'a ka na'm ijyik'i i'wite, ka ajwajiet ja yas ti je pa 'esieyiji. Majleyeyi ka 'na'al.

Juan 7:1

Jesús ti paja'ni wat ape'e yamaja, iniuyits'i siojowa isi'il yiji jlaja Galilea. 'Yina je iyo'ni ka ijno 'niji yi'i jlaja Judea, lapakawo siojopo Judíojos iyotaja ka inlanis.