Juan 3:36 - Sinia' Jlamtis 1994

³⁶ Siunie i'nio' ja ke inkakiu naka Sinia' Jlas nak siojona in'wasankiye ti laj jlaja japoye pet. Jlam pet ni i'nio' ti 'yakakiu ja ke in'we'en janak in'wasankiye 'wenajliyijna'a pet siunie ja tiwonaja ti Sinia' jiwak jane'ne.

Juan 3:36 Iomraidhean Croise

Mateo 25:46

Jesús iyo'ate ti yinayi'iji ape'e ti tamti: —Napoka siunapo i'nio' jajnoyi naka inlaye ti laj jlaja, jlampet siunapo isis jajnoyi pet nak in'wasankiye ti kia'iyo laj jlaja.

Marcos 16:16

Siupa ja ke inkakiu'n paka ja tiniejienajape, pak janjwayepe, jlam pet siupa ti jankakiu'n, jitis japoye pet.

Lucas 2:30

'Esiji, a'we'en 'ni Injwajieti ti k'iejli yiji'n,

Lucas 3:6

Ja wikie'eyeyi napo i'nio' yi' ape'e 'na ajnat, ti jan'we'en naka Injwajieti ti Sinia' janjlo'.”

Juan 1:12

Siunapo isi'm ilia'm, siu'neje napo je 'yakakiu, napok iyo ji'niayija' kanwo Sinia' jilisa'.

Juan 10:28

Siojona ji'wasankiye ti laj jlaja ajwankitamk'i, ja ke paja ka netia'n. Ja ke talak'i ka paja.

Juan 3:3

Jesús iyo'ate ti isiujlie: —Ijiate, ijiatk'i siunie jayo, lajk'ipa kan'we'en pi k'iejliyi pi Sinia' jika anechijiayas ijiatjliyi jla'am ni i'nio' ti yikiajle'e ti k'iejli yiji'n, nak jantant'ieje.

Juan 4:36

I'nio' ni ilie'ne ni inwomik tiwok jikajaye, siuniwa ilie'ne ti ijiut wita'm ijioyi jana in'wasankiye ti laj jlaja. Ja 'nakayeyijna'a pet siunie ilie'ne ni inwomik jla'yi ni siunie takawijna'n kiak janwo ja inkasaja'n.

Juan 5:24

“Ijiate, ijiatk'i siunie jayo ti jajwi'lase'm, ti siunie i'nio' ti its'iuye siunie ajwe'el, jla'yi ti je 'yakakiu siunie sijliu', itiej jana ji'wasankiye ti laj jlaja. Nak ja ke tisiejek'i lapakawo ti tijwajyi ni jota jiliayeja', yiyeja'm pet jana in'wasankiye.

Juan 6:58

Siojona woye ti tal poliyi, janak ajwe'el, je iyo'ate siojopa maná itiujw t'ipi papo aska kijilas mases. Ijiate itiuwisieta lapakawo ti je puwaka ka i'maniti'n ka iwo ji'wasankiyeja'. I'nio' ni jantojw janak woye ti tal poliyi, nak ja ke paja ka netia'n.

Juan 8:51

'Yina awo'ate, jla'am je awo siunie ti awo'ate, i'nio' ni janwo niwa yamtis ja ke inetia'n.

Hechos 14:2

Jlam'ne papo Judíojos siupapo je iyoyisink'iye, papoka'ne ti 'yijijie'ne papo je Judíojos ka inta'yi ilia'm, ti ijwil ka impe'ya'ni ja Pablo ka poye paka wo.

Romanos 4:15

'Yina paka jla'am siupa Moisés jika'neyasajnaye ti itiojne'n ni Sinia' jiwak; siupa ajnat inka'neyasajnaye je yi'i, 'yina lajk'ipa ka inta'yi ilia'm, sek jane'yi ka inlaki kajeyepa lajk'ipa.

Romanos 5:9

'Nakayi siuti kiak iyoyi ti Sinia' kaslesajne'n, ijiate ti jajwieyeje pet siunie Sinia' jiwak ts'ijiye ka netie jlaja niwa jlomas.

Romanos 8:1

Siunapo i'nio' napo ini'nopijieteje ni Sijwajieti Jesús, napok 'yaka pet ti laj jitisa'.

Gálatas 3:10

'Yina wikie'eyi siunapo jitiej iyoma siuniwa yiji ni Moisés jika'neyasajnaye, ti ijwil ka 'esie, lajk'ipa ka tiwonaja ti jiwet'ia yi' ape'e. Siuti iyo'ate niwaka inamtis t'ipi, “Je jlase' ni jiwet'ia jawoyi siunie i'nio' ja ke ijiatayi ka woyi siuniwa iyo ka tiwoki ni inka'neyasajnaye.”

Efesios 5:6

Ká ak'iuye siunapo ti iyotaja ka ink'emijieta siunapo jlamtis inkasi, tejnisieyi ti je ijiatk'i siunie ijwil ka woyi. Niwaka siuniwa ajwel'ni, niwak itione ni Sinia' jiwak siunapo i'nio' ti je its'iuye niwa Sinia' jlamtis.

1 Tesalonicenses 1:10

Kia'iyo injwela ti jinijijwijyink'iye pi jlas pi Sinia', ti janapimet ti jantal poliyi. Paka Saka'niona Jesús ti Sinia' jlam ti iniujwat kisie'e ti tajli pa a'no'. Jesús paka ti kas'manit, kajeyepa ti ajwayeje siunie Sinia' jiwak siunie jana'am.

1 Tesalonicenses 5:9

Lapakawo ti je naka ti Sinia' isimats'e'm ka jiwak inents'e'm, 'wenajliyi ti iyotajank'iye pet ka itiejek jana sijwajiete ka itiajlajaje pi iyo pi Saka'niona Jesús ti Sijwajieti.

Hebreos 10:29

'Yina ¿jijwelat'e ka Sinia' intasa'nena'a siunie ti iyo jiliakikie ni jlas, ijiate ti je iyo lajaye siunie ji'woyis, siu'neje ti iliaki siojona Sinia' jikimet ti 'es ti yiminta wek jla'am? ¡Je'e, ja ke intasa'ne! Ka je iwo pa ti siunie 'woyis naka ti 'yakajanitk'iyi siunie Sinia' ji'lij ti iliyi siunie janwoyi ti janwats'ilati siukia iyopi 'yina ink'ie' siunie janwoyi, 'yina naka ti i'mienit ni i'nio' ti Sinia' 'yotat.

Hebreos 2:3

'yina, ¿tepit'e awokt'iyi pit sa'am ti po' siojona sijwajieti ti je jlase', ti Saka'niona iniane ti ijwile pijia'm? 'Yina siunapo ipi'yayis ti kia'iyo, i'winis ti ijiatk'i, sekyi'i ti ijliasatats'ejyi pet. Siuti Sinia' ikajanitieyi pet, siunie iyoyi ji'niayija', ti po' siuniwa i'winkina napo i'nio', siu'neje niwa kassesi'lietk'i'ni, siu'neje ti i'winkints'e'm siunie ti je jlase' ni jijweye iyo. Siu'neje niwa in'wajietis ti tajle jana Sinia' jikimet ti 'es, siojona Sinia' iwijna'm siupa iyo jla'am ka wejna'm. 'Yina awo'ate, ¿siuti kia'iyo tepa awokt'iyi pit? ¿Tepa jawo ka ijwieyeje siunie siwet'ia, 'yina ti je alesanajaje siujlie'e sijwajieti ti je jlase'?

Hebreos 3:18

¿Ten 'neje siupapo ti Sinia' pansak'i siupi iyone, ti ijwijla'm ti je 'yajlinitk'iye ka i'noyi siupa yi'i ti ininop'it? Siupapo ti je its'iuye puwa jlamtis.

Hebreos 3:19

Ijiatjliyi a'wena'ne papok i'nio' ti je i'yakanisi ka 'noyisi paka ajnat yi'i pa Sinia', lapakawo ti 'yakakiuyis puwa jlamtis.

Apocalipsis 21:8

Jlampet siunapo ti t'otale je t'ojni'n, siu'neje napo kakiujnietas, siunapo ti ijiat ti 'yakama ape'e niwa jikeyis ti je isis; siunapo i'nio' kalankijietas siu'neje napo ijia jwa'yis jiwos, siu'neje napo ti iniwojwa'n aye'wulisie', siu'neje napo ti jitiej iyoma niwa k'iejliyi ti iyoyi jika diosisa'; siunapo ti sintijyis, 'yina wikie'eyi napoka ti jajnoyi siunie jwat ti isa ape'e ti iyo'ate ni tewuk iliyi ti yat'e azufre. Naka jana 'najlati ti tomik'i siojona inia'an.