Juan 3:33 - Sinia' Jlamtis 1994

³³ Siunie i'nio' je 'yakakiu, nak 'yakajanit siuniwa Sinia' jlamtis ti ijiatk'i siunie iyoyi.

Juan 3:33 Iomraidhean Croise

Juan 6:27

Ke injwesiejayiji'n ka akimajyi'n ape'e siunie asak ti je t'o'n, jlam ijiate jla'am siunie je netia'n ka paja, siu'neje ti iwi'nase'm jana a'wasankiye ti laj jlaja. Nak siunie inak ti I'nio' Jlas janwe'nase'm, lapakawo ti Sinia' jlam ti ijniejiet'e.

Juan 8:26

Po' siuniwa jayo'nase, jla'yi ti ja'ye'en siunie jiwoyeyi. Ijiatk'i siuniwa jlamtis ni i'nio' sijliu', jla'yi ti lajk'ipa jikiechaye ka ijwi'il, najata jla'am siunie iyo ka ijwi'il, ka ijwijla'm napo i'nio'.

Romanos 15:28

'Yina siuti jatimeje siu'nie awoyi, ajwe'el ka yikialtajanie'e siujlie'e ji'wajietiyis, sek jane'yi ka yikiena'a ti jajio 'nijiye Espáñaja. Sek jane'yi ka ijiutieyijna'a astepe'e ni jiwaye'yi pet.

Romanos 4:11

Jak je iyoyiji paj ti kiak tiwonajayi ti t'isie'n jiwa tejwak'i, sekyi'i ti 'yakajayi ti Sinia' ilisajne'n siuti kiak tiwonaja, 'yina ti pak it'imina ti je 'yakakiu. Jak je iyoyiji'ni pet wikie'eyi siunapo ti je 'yakakiuyis, napokaye pet Abraham jilis siunapo ti tomik'i pijia'm, 'wanjliyi ka kiak je tiwonaja ka t'isie'n tejwak'i, 'yina lapakawo ti Sinia' ijniejiet'ik'i.

1 Corintios 9:2

Ent'a po' papo iyo'ate, “Pablo je injlojwanik”. 'Yina nak je sakakiuyeyi, kajeyepa ti yampe ti ato'niase ni 'es, it'iminape ti jiwoye asosikis ink'iejyisa'. 'Yina nak ijiate ti 'yakajanit itipe'e ti jlam je aniwone wek siu'nie awoyi, ti injlojwanikk'i'm.

2 Corintios 1:18

'Yejne'n, Sinia' 'yijene naka, ti ijiatk'i siunie awoyi, ti je ka iyo'ate, “Kiak jayonie'e”, sek jane'yi ka 'wena iyoyeyi, ka iyo'ate, “Aleyiji siukia awo ka iyoyi.”

2 Corintios 1:22

sekyi'i iyo sijwukisa', kajeyepa ti 'yaka ti jla'am ti Saka'niona. Jla'yi ti yijni niwa sikiojwa'l jana jikimet ti 'es ti tajle siojopa janwents'e'm, ka netiejenie'e siojopa jika jlomaye pet, ti iniajnat ta'a.

Efesios 1:13

'Yina kiak jiwoyeyi pit, ti 'nelanjie'e jipe'yaye niwak inamtis ti ijiatk'i, ti ijwi'lase'm naka asjwajieti, sekyi'i ijiate jik'iuyeyi, kajeyepa ti je kakiunieyi ni Sijwajieti, 'yina sekyi'i jini'nopijietayiji'ne wita'm ti jla'am. Sekyi'i Sinia' yina aswa'm jana jikimet ti 'es siojona ti pajk'i ta'a ti ijwil'ni, ti iyojonk'iye ka 'nakaj ti ijiate ti jla'am ti aska'niona.

Efesios 4:30

Siuti kiak iyo, je jikanitie'ni jana Sinia' jikimet ti 'es, 'yina janak ti inkajanitie ti ijiate ni nak aska'niona ni Sinia'. Janaka 'neje ti ja insisieyi ka netiejenie'e janak jloma ti asjwajieti yiji.

2 Timoteo 2:19

'Yina jlam'ne siunie Sinia' 'yite'e ape'e siunie ilisane je k'ajts'e; siuniwa inamtis yi' ape'e iyo'ate, “Saka'niona itiant'ieje siunapo jika kia'lis”, siu'neje ti, “Wikie'eyi siunapo yite'n ni Saka'niona, 'esiji ka inleyi ni siunie je 'es”.

Hebreos 6:17

Naka ti a'wena ti siunapo ja jikimita janak siojona Sinia' ijwijla'm, lapakawo ti iyo ka 'nakajanitiame ti ijiatk'i siunie iyoyi, 'yina je pajna'a ka iwats'ilati siunie iyo ka woyi ti ijwi'il. Tempi it'imina ti jlam jla'am ti yapi'li ti kiak iniwone ti isime ni jle' ti ji'lij iliyi.

1 Jn 1:10

Siuti jajwila ka lajk'ipa ka sakeye' ka iyoki, awokieyi sintiye' pi Sinia', siuniwa jlamtis ajotieja ts'ijiye.