Juan 3:29 - Sinia' Jlamtis 1994

²⁹ 'Yejne'n, ataj enayi 'ate ti po' ni janjwa'yi, siunie ti asejnia jana janeyi ti yijap, je int'ayeyiji'n pet ti naka siunie tijwa'yi. 'Yina po 'neje siunie t'ajajnajwa ti yijap, its'iuye'ni, je jlase' pi iyo ti inkaj'ni ti ipi'ya siupi iyo ti tamti. 'Yina kia'awo'ni pet, siu'nie inikanitiejeye lajayi'ni ji'wetayi.

Juan 3:29 Iomraidhean Croise

Mateo 22:2

—Siunie Sinia' jika anechijiayas iyoye'ate siupi i'nio' ti iyo jiliakijnieye ape'e pi jlas ti tijwa'yi.

Mateo 25:1

Jesús iyoye'eje 'ate: —Siunie Inia' jika anechijiayas kiak jawo'ate siu'nie: Po' siupapo jlosie times sikio' itij'we, ti yamisk'iye siupi i'nio' ti janjwa'yi, itiunis puwa jika katese'l.

Mateo 9:15

Jesús isiujlie ti iyo'ate: —¿Tepi iyo siunapo i'nio' nojweje siunie k'iejli tijwa'yi? ¿Ti'wenat'e ka ink'ijliaja'n siuti je taljliyi'iji pak k'iejli tijwa'yi? ¡Jeyi kat'aja! Ijiatjliyijna'a ti jatalajasi, jiwekie'ejana'a ka ininel'lianiti'n.

Lucas 15:6

'Nes jiwekie'e ji'wete tanak'i'ni papo ijia, siu'neje papo ji'wetijwas jla'am, ti iyone 'ate, “¡Wuj ti ts'ajkaj'ni, a'we'en siujlie'e iliajwa netian'ne! ¡Jonie'ni jayok siliakijnieyeja' ape'e!”

Juan 15:11

“Kiak awo'nase ti awotajank'iye pet ka sinikanitieyi injwanjli, jla'yi ka impo'ase pet ni asnikanitieyi.

Juan 16:24

Awakie yi 'nijiye ti je setina ka k'iejliyeyi paka 'ajlayi. ¿Yot'iyi'ni ti je t'iejlayi? Janwe'nase'm 'nakayi ti ja ke jlasiye siunie asnikanitieyi ti ja'wena'.”

Juan 17:13

“'Nakayi jayapi'lia. Ajwelta'a niwaka ti je ataljli'ijyi ajnat'e, ti awotajank'iye pet ka impoyijk'i ni jinikanitieyi, kawo'ate iyo siunie yik'i.

Juan 3:30

Jlajma injlasa'nina'a pijia'm ni janwo ti ja tiwunitie, jlam pet ti ya'am jajliasa'nina'a pet isia'm.

2 Corintios 11:2

Ijiate ti akajien'ni astepe'e jayoyi, 'yina siunie ti ikajiejnaye po', tal Siniayi. 'Yina pajk'i ti ateme ti 'otata ta'a k'iye pet pa Sijwajieti ajalas ka neyi ts'ijiye, awoye 'ate iyo jana jlosie ti je itiant'iejliyi'ijyi pi ayinie, ti laj jikeye, jak je iyoyi janjwanjli siunie ja ayeyi, naka Sijwajieti jayo.

Filipenses 2:2

'esiji ka injwanjli siunie astankiujnieye jiwonayi, asemijnaye kiak iyojliyi, askiojwa'l kiak iyojliyi, siu'neje ni astankiujnieye ti 'es, 'nakayijna'a ti jajnol wita'm siunie inikanitieye siuti jawomayiji.

1 Jn 1:4

Ajlok'iase niwaka, ti awoktajank'iye pet siunie sinikanitiejeye ka impots'e.

2 Juan 1:12

Je piniyeta siu'niwa wask'i'nelaja ti awotaja ka ijwi'lase'm 'nakayi, lapakawo ti je awo ka yi'ne siunie ip'isinik. Ajwelta ka yama'aseyi ka ijio'wase, sek jane'yi ka ijiatayijijna'a ti jampots'e siunie sinikanitiejeye siuti kiak janwo.

Apocalipsis 21:9

'Yina siojopo ijwienjli sikio' itij'we times tom'niji injlojwajnas poli jlele, siojopo ti itiu'un siojowa ijwienjli sikio' itij'we times tom'niji inwet'ia yijits'i jawa jijwa'al ti tipoyijk'i siojowa tomik'i pijia'm, jaka'ne siojo ijwienjli ti ijiok'i ti iyo'ate: —Jomet, ja'winki'na'm siojona initeminijin'ni, ti janeyi ni 'wolepo' ji'woma.