Juan 3:25 - Sinia' Jlamtis 1994

²⁵ Siojopo Juan t'eyasajnas iniewitayisijpe siojo Judío ape'e siunie iniwonisi ti inileje'n iyo niwa jikeyis ti jlomas ti iyo ka inilesanisiji.

Juan 3:25 Iomraidhean Croise

Mateo 3:11

Ya'am ti anajiena anajienajyi ni i'niat, in'yenajiap jiwek ti jiwo ajosik ink'iejyisa'. 'Yina po 'neje siunie 'wanjli isia'm ti jana'ajme, nak ja inajienajyi pet ki iyo jana Sinia' jikimet ti 'es siu'neje ni jwat. Jla'm ijiate jla'am ti jijweye poyi ti 'yaka'm itipe'e, ijiate ti je akajli ka yikiji niwa jisieti.

Marcos 7:8

Jiliyeyi siunie Sinia' takajluntieje kawo napo i'nio', 'yaka jiwoyeyi siunie iyo pit napo i'nio', ti je isiwaliyi'i siupa t'oniye iyot'iyipi kiapo saka kijilas mases.

Juan 2:6

Ijwienjli sikio' itij'we ijwienjli tom'niji jawa inatiwa sisaj sekyi'i, siunapo Judíojos i'niat isiayisiamk'i'ni ti inilejes iyo siunie jike'. Cincuenta lítrojos pi ijniujli ti i'niat tisiayek'iji'n, iyot'iyi jawa setenta pi ijniujli.

Hebreos 6:2

siu'neje ni inka'neyasajnaye ape'e pet siunie inajiejnaye, siu'neje na ti inkio' tena ape'e napo Sinia' jilis, siu'neje napo 'yajle'n ti janok'i kisie'e, siu'neje ni ti jitis jajnotk'i'ni ni i'nio' ka kia'iwotajanie'e ka Sinia' i'yenta.

Hebreos 9:10

'Yina niwakata jla'am siuniwa wask'i'nelaja titiuwa, siu'neje niwa ti ti'yakits'i, siu'neje niwa jikeyis napo i'nio' ti ijwil ka ini'notatisiji ti inileje'n. Niwaka ni siuniwa iniwonisi ti ti'wena ti yi' kisie'e ti 'yaka ti laja japoye paj ka neyeyinie'e siojona jloma ti Sinia' janwojwa'n ink'iejyisa' niwa wask'i'nelaja.

Hebreos 9:23

Siuniwa ajwel'ni niwaka siuniwa ti jipelis jiwek siuniwa wask'i'nelaja yi' poliyi, 'yina niwaka'ne siuniwa ti tikienaja nak 'woyis siuniwa tilianajan'ni ti tinitiajnata. 'Yina niwak siuniwa ti jipelis niwak yi' ajnat'e siuniwa jlameje ti yi' poliyi isitia'n pet siunie ti ja tiliana, siunie ti ja tikienaja ka inka'm ape'e niwaka ka laja poye.

1 Pedro 3:21

Paka i'niat t'ipi, pak ti'yenajap pet ni i'nio' ti tiniejiena, naka'ne ti it'imina ti jijwaye 'nakayi. Siunie ti tiniejienapa je ka inlej niwa 'najwes, 'najata ti t'ajlajaje pi Sinia' siunie ijnosik ti ink'ie' ti 'najleje'n. Siu'neje ti kasjwajiet pa Sinia' ti kasts'isisi pi Saka'niona Jesús ti iniu kisie'e ti tajli pi a'no',