Juan 3:17 - Sinia' Jlamtis 1994

¹⁷ Sinia' je ijliuye pa Jlas ka insa'a napo i'nio' yi' ape'e 'ni ajnat ti ijliuye t'ipi, 'wenajliyi ti ijliuye ka injwajiete'n.

Juan 3:17 Iomraidhean Croise

Mateo 1:23

“Siojona jlosie ti ayijnies t'ale' je yi'i, jankiu'ujnie'n, jlas japoye. Siunie kia'le jle' jawo'ate Emanuel.” (Ti awonaja 'ate, Sinia' yisajap.)

Mateo 18:10

“Ke ine'wajayi ka ne'yi pa siunapo je 'esijiyi kia'lis ti 'yiyasajnas. Ajwela'yase'm ti siunapo jijliujwajnas poli jlele pet je paj ka int'ekiyisiap ni Inia' ti yi' poliyi ti i'ye'n ape'e.

Lucas 19:10

Siunie I'nio' Jlas napok name, siunapo netiajne'n, ti iyo ka injwajiete'n.

Lucas 9:56

Sekyi'i ti yamat'iyis'nijpe ti ijioyis 'niji yi'i puwa ji'wetis t'ipi papo i'nio'.

Juan 1:29

Siukia ti jlomaye'eje, jakayi'ne ja Juan ti i'wi'n ilia'm ja Jesús ti ijioyi. Iyo'ne 'ate ja Juan: —¡'Yena'yi ilia'm siunie naka Sinia' jiliajwa 'wolepo 'woma, ti initiajnat ni jloski'la napo i'nio', ti Sinia' ijliu' ajnat'e!

Juan 10:36

'Yina kia'awo'ni pet, Sinia' sot ta'a 'niji ti silisa'n, ti sijliuye ajnat'e. ¿Yot'iyi'ni ti jijwela' ka iliaki pi Sinia', ti anijwe'el ti awo'ate “Sinia' Jlask'i'm”?

Juan 11:42

Sitiant'ieje ti je jikam'ni itipe'e siunie awoyi. 'Yina awotajank'iye siu'napo yi'ne i'nio' ka impe'yayis, jla'yi ka 'esieyi, ja 'nakayeyijna'a ka je inkakiuyis ti a'am ti sijliu'.

Juan 17:18

Ya'am ajloyi napok i'nio' yi'i 'ni ajnat, janwo'ate awoyi, ti a'm sijliu' ajnat'e jikiowe'e napoka.

Juan 17:21

'Ajlajap'a Inia' ka ijiatayiji ka iniwo'om, sekjane'yi ti ja kasjwanjli ti janiwomaja pet, janwoyena'a 'ate pet ti a'am jle' ijiap, jlam pet ti ya'am a'yajap. Siupi jitienkiujnieye jla'yi siupi janwoyisi janjwanjli, ja'nakayeyijna'a siunapo i'nio' yi' ape'e 'ni ajnat ja ke sakakiu ti ijiate, ti am ti sijliu'.

Juan 17:23

'nakayeyijna'a pet ti ya'am jayiji ti jlamis, jlampet ti a'am jle' ijiap, sekjane'yi ka ijiatayijijna'a siunie iniwonisi ti iniwo'om. Siuti kiak jawo, ka intant'iejayijna'a napo i'nio' ti ya'am ti sijliu', jla'yi ki iyo ti wuj ti i'namaja siunapo jiwenk'i'm, iyo'ate pet ti semi'n.

Juan 17:25

“Ji'yu, 'ni Inia' ti i'nes, siunapo yi' ape'e 'ni ajnat je itiant'ie'a, jlam pet ti ya'am sitiant'ie'a. Kia'iyojliyi pet siunapo jlekialk'i 'yijene pi iyone ti a'am ti sijliu'.

Juan 17:3

Ijiatjliyi, siojona in'wasankiye ti laj jlaja, naka siunie kantiant'ie'a, ti a'm ti injwanjli ti ijiateje ti Sinia'a'm, siu'neje kantant'iejesi ni siunie jijliu' naka Injwajieti Jesús.

Juan 17:8

kajeyepa ti ateme ti ajwele siunie inka'niye ti taj'la, 'yina je 'yumajas ilia'm, kajeyepa ti 'yijene pi iyone ti a'm ti ataj'la, jla'yi ti je takakiunisi siunie ti a'm ti sijliu'.

Juan 20:21

Jesús yikiajlayi'iji ti iyo'ate: —Kamaja'. Iyo'ate siunie ti Inia' sijliu', 'yina kiak ja iyo'nase pet ti jajliuye.

Juan 3:34

Siunie ti Sinia' ijliu', yamtik'iji'n siunie iyo niwa Sinia' jlamtis, kajeyepa ti Sinia' ipijlatijnia'm siojona jikimet.

Juan 5:36

'Yina po' 'neje siunie jwamjla'a ti 'yaka'm ape'e ja Juan ti sijwe'el: 'naka siu'nie awo. Siunie awo ti Inia' ijliuyijk'i'm, naka'ne ti 'yakajanit ti sijliu' ni Inia'.

Juan 5:38

lapakawo ti nak it'imina ti jikakiunieyi siuniwa yamtis, ti ya'am ti sijliu' ni Inia'.

Juan 5:45

“Ká atejnisieyijna'a jitieyi'i ni Inia' ka yama ka itiajlat'ase'm. Siunie jla'm ijiatayi Moisés, ti jinijijwiyejyin k'iye siupi iyont'iyisipi, janakaye jla'am.

Juan 6:29

Jesús iyo'ate ti isiujlie: —Siunie iyotaja ka awoyeyi, ka je akakiuye siunie jla'am ti ijliu'.

Juan 6:38

kajeyepa ti siuti anama ti atal poliyi, je ana'am ka iyoyi siupi ka intalk'i, 'wenajliyi jla'am siunie iyo ni i'nio' ti sijliu'.

Juan 6:40

Siunie iyo ni Inia', i'niope na jan'yejne'n ni Sinia' Jlas, nak in'wenape jana ji'wasankiye ti laj jlaja, siunapo je 'yakakiu. Sek jane'yi ka yamape pet ka iniujwank'i kisie'e ti jantajli niwa a'no'ol siojona jloma yi' jlaja.

Juan 6:57

Siunie Inia' ti sijliu' ji'wasankiye po', it'imina pet ti i'wiesankiye po'. Tempi it'imina siunie i'nio' ti sitiujw, nak ji'wasankiye poye'eje.

Juan 7:29

Sitiant'ieje ya'am kajeyepa ti atajle, jla'yi ti jla'am ti sijliu'.

Juan 8:11

Iyo'ne 'ate jlajak i'nioki ti isiujlie: —Lajk'ipa, 'ni Ika'niona. 'Yina Jesús iyone'ne 'ate: —Kia'awo je asa'am. 'Yejne'n, maj, ke ekiajle'ena'a ka awo ni ake'.]

Juan 8:42

Jesús iyo'ne pet 'ate: —Ka ijiatayiji ti jijwela' asna' pi Sinia', ka seminayeta ti atajle pi Sinia', ya'am ti a'neye. Ti ana'am, je 'ne ka yama ka itiajlatk'i siunie awo, 'wenajliyi ni Sinia'.

1 Jn 2:2

Jla'am ti iniwe'n sitipe'e, ti 'ya'al, 'nakayi ti Sinia' janetiajnat niwa sakeyis, sekyi'i jiwak nojwi'ni. Je samkata, wikie'eyi 'neje napo yi' ape'e 'ni ajnat.

1 Jn 4:14

Sampe ti a'wena ti Sinia' ijliuye ni jlas ti iyoyeyi ka injwajiete'n napo i'nio'. 'Naka'ne ti awoki samtikie'ase.