Juan 3:13 - Sinia' Jlamtis 1994

¹³ “Lajk'ipa ka i'nioye ajnat'e ka ijnojwa'm ni poli, ijwienjli jla'am siunie tajla'm ta'a ti 'nelanjie'e nama ajnat'e, naka I'nio' Jlas.

Juan 3:13 Iomraidhean Croise

Mateo 28:20

'Eyasanayi pet siunie ajloye'ase'm ka woyeyi, ja 'nakayeyijna'a ti jani'neyasanisi. 'Yina ti ya'am ajwel pet ti ja ke pajna'a ka itiaj'lase'm, paj ka ineyeyinie'e ti ajnat jano'we.

Mateo 8:20

Jesús isiujlie ti iyo'ate: —Siuniwa yosis po' niwa jijwa'al, siuniwa ajwejnas jlopis po' jla'am, jlampet ni I'nio' Jlas laj ji'weta' ka ine'yi ka ininop'it ka ima'a.

Juan 1:18

Lajk'ipa ka in'we'en pi Sinia'. Ijwienjli jla'am ti i'wi'in siunie Jlas ijwienjli, ti jla'am ti Sinia', ti ijwienjli yiyi'i pi Sinia'. Jla'am ti i'winkints'e'm, it'imina ti kastant'ieje.

Juan 17:5

'Nakayi, 'ni Inia', ti jayapi'lia, wenk'i'm siunie ijwiye, ijwiye iyopi ti je ataj'lajap, ti 'nelanjie'e je wakaljli'ijyi 'ni ajnat.

Juan 3:12

Jijwel ka sakakiuye'ejyi ti atiejeje siuniwa ti 'yakaj yi' ajnat'e. ¿Tepa jawo ka ak'iuyek'i'm siuti atiejeje siuniwa yi' poliyi?

Juan 3:31

Siunie tal 'niji pijia'm t'a'n ape'e wikie'eyi napo i'nio'. Jlam pet siunie tal 'ne ajnat'e ijwi'il siuniwa wask'i'nelaja yi' ajnat'e, kajeyepa ti ajnat jlele. Jlam pet siunie tal poliyi nak siunie ti t'a'n ape'e wikie'eyi napo i'nio'.

Juan 6:33

Siojona woye ti Sinia' je yi'n janaka siunie I'nio' ti tal poliyi, ti iwijnamk'i jana in'wasankiye napo i'nio' yi'i ape'e 'ni ajnat.

Juan 6:38

kajeyepa ti siuti anama ti atal poliyi, je ana'am ka iyoyi siupi ka intalk'i, 'wenajliyi jla'am siunie iyo ni i'nio' ti sijliu'.

Juan 6:42

ti iyoyists'i 'ate: —¿Mi je 'nak Jesús, José jlas? Kasye'etant'ieje japo jiniewot. ¿Nit'i iyo ti ijwi'il ti tal poliyi?

Juan 6:46

“Ka net'i'yi pa kan'we'en pi Inia'. Ijwienjli jla'am siunie ti tajle pi Sinia', najata jla'am ti i'wi'in.

Juan 6:51

Ya'am janaka siojona woye ti iyo i'wasankiyeja' ti tal poliyi. I'nio' ni jantojw janak woye, nak ja ke paja ka inetia'n, jajnok'i'ni puwa jlomas. Siojona woye ti jawijna'm ni i'nio', je 'wena pa ka ijwi'il, naka 'yajwes, ja'nakayeyijna'a ti ja ji'wasankiye japoye napo i'nio' yi' ape'e 'ni ajnat.”

Juan 6:62

¿Tepat'e jota awoyeyi ka a'wenats'i ni I'nio' Jlas ka napi 'niji siunie tajli jla'am poliyi?

Juan 8:42

Jesús iyo'ne pet 'ate: —Ka ijiatayiji ti jijwela' asna' pi Sinia', ka seminayeta ti atajle pi Sinia', ya'am ti a'neye. Ti ana'am, je 'ne ka yama ka itiajlatk'i siunie awo, 'wenajliyi ni Sinia'.

Hechos 2:34

David je jla'am ka nek ka napi poliyi, jla'am ti ijwi'il ti iyo'ate: “Saka'niona iyone'ate pi 'Yaka'niona: Wejen'ne ijwiyeje,

Hechos 20:28

Ká anikiwaliye, ni'notatayiji, 'yenayi napo 'eyasajnas Sinia' jilis. Sinia' jikimet ti 'es pajk'i ti inwojwana sontas jiwosa', ka 'yenayi siunapo Sinia' iyo jika kia'lisa', ti takat'ini ape'e pa jlas ji'woyis ti yamayi.

Romanos 10:6

Jlampet ti ijwil siunie i'nio' ti je takakiu'n siunie ka 'esieyi iyo'ate, “Ajosik ká awone 'ate, ¿Tempa jankajli ka ijno poliyi? ni'ne ka wone'ate pa ajosik, ¿Tempa jankajli ka ijno ajnat kiajwe?” (Kajeyepa ti siuti kia'iyo 'yiniye ka iyo pa Sijwajieti ka ina'm ajnat'e, siu'neje ti 'yiniye 'neje ka iyo ka inekiajle'e pa Sijwajieti ka ino kisie'e ka intajli pa a'no'.)

1 Corintios 15:47

Siupi i'nio' ti 'nelanjie'ajat'ipi 'yina tajle ni ajnat, 'yina je 'wena taj'le 'neje ti tiwokieyi i'nioye. Jlampet siupa i'nio' ti tomayi pijia'm, tal poliyi pet.

Efesios 1:23

jla'yi ti napoka ti 'yiniye ka nakaye Sijwajieti t'ajwes pet napoka Sinia' jilis. 'Yina ti Sinia' jilis ijwienjliyik'i ni Sijwajieti, sekyi'i 'yiniye ni i'nio' ti wakal, iyoye'ate ni t'ajwes ni i'nio' ti po' jana jletik. Sekyi'i Sijwajieti yin wita'm ti ijniujlieta'm wikie'eyi niwa wask'i'nelaja.