Juan 3:10 - Sinia' Jlamtis 1994

¹⁰ Iyo'ne 'ate ja Jesús ti isiujlie: —¿Tepi t'i iyo ti jijwe'el je 'najane paka wone niwaka, ti a'am Israel jika kia'lis jika 'neyasajnawo'wa'm?

Juan 3:10 Iomraidhean Croise

Mateo 11:25

Jakayi ti Jesús iyo'ate ti iyo jlamtikie': —Awunit, Inia' ti a'am ti jika'niona'a'm ni poli jla'yi 'ni ajnat, kajeyepa jijwek k'iye siunapo i'nio' 'yijejne'n niwak siuniwa ti ijiatk'iji'n, siu'neje napo i'nio' je t'on ti t'eyasanajataja'n. Ji'wenkijna'm pet siunapo lajk'iyi pa ka iwo ti je 'yijejne'n.

Mateo 15:14

Ká ak'iuyeyi: napok talojo ti ijwil ka inton'ni pet napo ijia ti kia'iyo talojo pet. Siunie talok ti itio'on ni jikiecha ti talok 'neje, yiyi jana wase', jiliaye iniuyeyi wita'm ti iniuk isia'm.

Mateo 22:29

Jesús isiujlie ti iyo'ate: —Wuj ti jikamats'iji'n, tepa jawo ka kiak je iwo 'yaka je intant'iejayi niwak Sinia' jlamtis yi'i ni ji'wet, siu'neje na jijweye iyo ni Sinia'.

Lucas 2:46

Jika jlomas najape ti iyoyisijyin'ni ti jiwekie'aja t'ipi ti i'winis, ti yits'e 'najla'wet japa yi'i, yijin'ni seka'a jikiowe'e siupapo i'nio' iniwojwa'n jiwosa' pa Moisés jika'neyasajnaye. Jlam its'iuye'ni papo siupa iyo pa ijwilis, jlam taka'yasanjli'ni.

Lucas 5:17

Siojopa jloma ti Jesús taka'neyasa'n, sekyiyet'i'yijpe pet siupapo ijia Fariséojos, siu'neje papo taka'neyasane pa Moisés jika'neyasajnaye, yik'iji'n paka'a, itijw puwa isi'il tajlits'i yiji jlaja Galilea, siu'neje puwa ajnatis Judea, jla'yi jlaja Jerusalén. 'Yina 'yakaj pa Sinia' jijweye ti yijap pa Jesús ti ijwiejiete'n papo i'nio' je isis.

Juan 3:9

Nicodemo yikiajlayi'iji ti i'yase'n ti iyo'ate: —¿Tepi t'i iyo ti kia'iyo?

Hechos 5:34

'Yina po' pa i'nio' Fariseo, jle' iyo'ate Gamaliel, yiji papok anechiyasas, pak tajlampet siupapo taka'neyasajne'n siupa Moisés jika'neyasajnaye, i'nio' ti 'est'ijyimpe, it'imina papo i'nio' ti its'iuye. Paka'ne siupa takasit ti iyo'ate: —Mayeyi kiu kisie'e.

Romanos 2:28

Siunie ti Judío je nakata ni siunie ti tom pijia'm ka 'nakajanit, jlampet ni siunie ti kiakt'e tiwonajapi ti t'isie'n jiwa tejwak'i, je 'es ka najataja wek t'ajwes ka neyi.

Filipenses 3:3

'Yina siunapo ijiate jla'am ti ijiatk'i ti kiak tiwonaja ti t'isie'n jiwa tejwak'i napoka ti sa'am, kajeyepa ti yijits'i niwa sikiojwa'l. Sa'am ti awunitie pa Sinia', ka lajak'i ki iyo 'neje japa jikimet ti 'es, jla'yi ti wuj ti kasts'ajka'a, ti je 'wena paka itiajlaja paka pi Sijwajieti Jesús. Ti je nak ka 'yena siunie 'yaka ti ijnonitieyi tena'a pi k'iejliyi ti po'.

Colosenses 2:11

Siu'neje ti jini'nopijieteje ni Sijwajieti, Sinia' ijiut ts'iji siuniwa ti asa'am ti taj'lase ti inteliajayi, siu'neje niwa askeyis ti je isisi. 'Yina kiaka siukia iyoyi, 'yaka'm ape'e siunie i'nio' jilisanik iyont'iyipi papo Judíojos jilis ti ayijnies, 'yina 'yaka ti t'isie'n jiwa ja siupa tejwak'i, sekyi'i titietajayi, jak je iyoyiji pet ti jiliyeyi kiwa askeyis, 'yina naka'ne pet ti 'esi niwa asosikis.