Juan 21:7 - Sinia' Jlamtis 1994

⁷ Sekyi'i'ne siojo Jesús t'eyasanik ti jleminik iyone'ne 'ate ja Pedro: —¡Saka'niona p'an! Simón Pedro ipi'ya wekie'e ti iyo'ate, “Saka'niona p'an”, jla'm iyoye'ni 'ate ti yikiajlits'i jawa ji'wuye, kajeyepa ti 'najleje'n, yama ti yikiwaja'm ja i'niat.

Juan 21:7 Iomraidhean Croise

Marcos 11:3

Siuti ja poye pa jawo'ate ti jan'yasajyi'n, “¿Yot'iyi'ni ti jilienajyi?”, sek jane'yi ka kiak awonayeyijinie'e, “Saka'niona isitia'n kane kiu' ape'e, iyo ka inekialmet ka pajata.”

Lucas 12:35

“Niwakajlanitie, et'iajap ni a'wu', ke ena'yate jana aska kates ka 'no'me.

Lucas 2:11

Siu'nie jloma yijints'e yi'i jana isi', David jika isi', ni Asjwajietiye, ti Saka'niona.

Lucas 7:47

Je int'ayijin'ne, siuti jayo'naja 'ate, siuniwa 'loj niwa tip'elisinaja ape'e jikeyis, nak ijiate ti jlemijnaye po', jlam pet ni i'nio' ti je 'loj siuniwa tenaja ape'e ti tip'elisina, kiak iyo pet je wuj ni jlemijnaye ti yiyi.

Juan 13:23

Ijwienjli'ne siojo Jesús wuj ti 'namaja, ti je itionit ti ti'yekiujni'n,

Juan 19:26

Siuti Jesús i'winayi jlaja jlet ti yijap siojo t'eyasanik ti wuj ti yimi'n, i'yase'ni jlaja jlet ti iyo'ate: —¡Asejnia, wone asa' naka!

Juan 20:2

Ta'a ti t'osi ti ijioyi ja Simón Pedro, siu'neje ja Jesús t'eyasanik ti jleminik, ijwijlam'ne japoka ti iyo'ate: —Titionat'ijyi kisie'e ki Saka'niona masa. Je kasts'ajane pi tena'a.

Juan 20:20

Sekyi'i i'winkijnam'ne japo jawa jikioye, siu'neje ja ji'wet jlaja k'ok t'etajaja'm ts'e jlawe'e. Je jlase' ki iyo ti inkase'n ti i'winayis ja Jika'niona.

Juan 20:28

Tomás iyo'ne 'ate: —¡'Ni Inia', 'Yaka'niona!

Juan 21:20

Pedro i'yena 'wechaja, i'win'ne ilia'm siojo Jesús t'eyasanik siojo ti wuj ti yimi'n. Jaka siojo ti te'wayiji ti ti'yekiujni'n, siojo ti i'yase'n ti iyo'ate, “'Yaka'niona, ¿ten siupi janekial?”

Juan 21:24

'Naka'ne 'ni ijwi'il niwa wask'i'nelaja, jla'yi ti ip'isi'n. Kasts'ajane ti ijiatk'i siunie ijwi'il.

Juan 21:8

Siojopo ijia Jesús t'eyasajnas je tajlisi jlaja kasejkana ti yapilieyis kisie'e ti itionayis jikiusi, je tojwat jikiuts'i.

Hechos 10:36

“Sinia' pajk'i ti ijwijla'm napo Israel jika kia'lis siunie inka'niye ti tajle ni inkamankiye, ijwijla'm ti naka Sijwajieti Jesús Jika'niona wikie'eyi napo i'nio'.

Hechos 2:36

“It'imina ti asa'am Israel jlele'ase'm, 'esiji ka 'najanayi, siunie Jesús ti jik'iejwata'yijpe jana cruz, Sinia' iyojwa'n anechiyasa', jla'yi ti jijliujwanik ti Injwajieti.”

1 Corintios 15:47

Siupi i'nio' ti 'nelanjie'ajat'ipi 'yina tajle ni ajnat, 'yina je 'wena taj'le 'neje ti tiwokieyi i'nioye. Jlampet siupa i'nio' ti tomayi pijia'm, tal poliyi pet.

2 Corintios 5:14

'Yina Sijwajieti jlemijnaye naka ti awoki saka anechiyasa', jakayi ti kasts'ajanayi pa awonaja ti po' siunie ijwienjli i'nio' ti iniwe'n ape'e wikie'eyi napo i'nio' ti no'we ti iyo masesa'.

Santiago 2:1

I'lijwas, asam ti jitienkiunieyi pa Saka'niona Jesús ti Sijwajieti ti jiwunitieyi po', 'esiji ká a'yenijits'i siunapo ti ja emina', ja wikie'eyeyi napo i'nio' ti ja emina'.