Juan 21:17 - Sinia' Jlamtis 1994

¹⁷ Jesús yikiajle'e'ne ti i'yase'n, sekyi'i ti najapajayiji ti iyo'ate: —Simón, Juan jlas, ¿mi semi'n? Pedro sekyi'i ti je inkajayi ka inkiujlie'ni, 'yina kajeyepa ti najapajayiji ti i'yas'ni ka ijiatayiji ka inemi'n. Isiujlie'ne ti iyo'ate: —'Yaka'niona, am ti 'najane wikie'eyi niwa wask'i'nelaja. 'Najane 'neje ti emi'n. Jesús iyone'ne 'ate: —Mayijinie'e pi jlak yi'i niwa iliajwas 'wolepo'.

Juan 21:17 Iomraidhean Croise

Mateo 25:40

Jawoyena'a 'ate ni anechiyas ti jankiujlie, “Ijiatk'i siu'nie jayo'nase, ti jayo'ate: jane'yi pa siunapo i'niayi ijwienjli ti lajk'iyi paka iwoyi, pi ja k'iejliyeyi pa jawonayi ka 'esiek'i, ijiate jijwelt'e ka 'wenaye siunie jiwonayi, ya'am.”

Marcos 14:72

Yiyik'i jiwek ti kia'iyo, sekyi'i ti pesiejayipi ja ajwenta ti yap, jakayi ti timesieyiji. Pedro jitiej wujwak'i ja iyopi ja Jesús ti iyo'ate, “Ka majletiejejna'a ka nekiajle'e ka inap ni ajwenta, janajapejayiji ti jajwel ka je intant'iek'i.” Sekyi'i Pedro yap ti yap, lapakawo ti jitiej yini'ni 'ate kiaka.

Juan 12:8

Siunapo p'ijliusis jlam kiak janwo ja ke intal aska kiowe'e, jlampet ti ya'am ja ke yikiajle'e ka yi' aska kiowe'e.

Juan 13:38

Jesús isiujlie ti iyo'ate: —¿Mi ijiate siunie jijwe'el, ti inwakal ka alaye ine'yi itipe'e? Ijiate siunie jayo ti jajwi'il, ka majletiejejna'a ka nap ni ajwenta, ja najapajayiji ti janikakiu'ni, ti jajwe'el ja ke intant'iejk'i.

Juan 14:15

“Siuti jijwe'el semina', ka woyeyina'a niwa yamtis ti ajlo'wase'm.

Juan 15:10

Siuti jawoyeyi siuniwa yamtis, ja ke ineyi ts'iji ka leyeyi siunie yimijnaye ka woyeyi, ka awoyena 'ate awo ti ak'iuye niwa jlamtis ni Inia' jla'yi ti ja ke ineyi ts'ijiye ka iliyi ni jlemijnaye.

Juan 16:30

A'wena 'nakayi ti 'najane wikie'eyi niwa wask'i'nelaja, 'wanjliyi ka lajak'ipa ka in'yas'ni, ka in'yase'ni paka k'iejliyeyi. Nak it'imina ti je akakiukie ti ijiatp'ane ti jitial Siniayi.

Juan 18:27

Pedro yikiajlayi'iji ti inikakiu, 'yina yiyik'i wekie'e yapa ja ajwenta.

Juan 18:4

'Yina Jesús pajk'i ta'a ti 'yijene pi iyone siukia ja tiwonaja, it'imina'ne ti iniuye kisie'e, iyo'ne 'ate: —¿Tempi jiwoyejyin'ni?

Juan 21:18

Ijiatk'i siunie jajwi'la'm, am ti jwemik'ia'm ti jiwo ka ak paka ajojwi, jiwoye a'wuye. 'Yina siuti ja kijila'm ja 'akajnie k'iye ni akio', 'yina ja 'wenayeyi siupi ja'nojienk'ipi ja a'wuye, jajnokijipi ja ijnokiji, siupi je am ka awo ka ajojwi.

Juan 4:16

Jesús iyo'ne 'ate: —Maj, apili pi ak'iemjla.

Hechos 1:24

T'ajlat'ijyimpe, iyonat'iyisijpe 'ate pa t'ajlaye: —Saka'niona, a'am ti intant'ieje ni jlosik ni i'nio'. Awoktajank'iye ka apayiyi sik'ioye siupa a'am pajk'i ti jiki'me siu'napo times,

Hechos 11:10

“Najapeji ti kia'iyo'ni, sekyi'i ti yapilie poliyi siojowa a'we'en.

Hechos 15:8

'Yina Sinia', ti itiant'ieje 'niwa inkiojwa'l, i'winki'n ti inka'a ti jlamis, kajeyepa ti iwijna'm jana Sinia' jikimet ti 'es, iyoye'ate iyo ti iwints'e'm.

2 Corintios 1:12

Po' ni siunie iyo sinikanitieyeja'. Jlajmiliet siuti awak aska kiowe'e, lajk'ipa ka sikioweja ka je 'esie ka ininekiajlaja, siu'neje ti lajk'ipa ka ijiatayiji ka into'm isiame. 'Yina siuti kia'iyo, je tajle siunie iyo ti kasts'ajajne'n, 'wenajliyi jla'am pa Sinia' ti jikap'ijliuskiye po' ti iniuyits'e'm, paka ti tajle, it'imina ti kasts'isis ti awak'i ape'e 'ni ajnat.

Efesios 4:30

Siuti kiak iyo, je jikanitie'ni jana Sinia' jikimet ti 'es, 'yina janak ti inkajanitie ti ijiate ni nak aska'niona ni Sinia'. Janaka 'neje ti ja insisieyi ka netiejenie'e janak jloma ti asjwajieti yiji.

1 Pedro 1:6

Nak it'imina ti 'esiji ka anikanitiets'i wita'm, 'wanjliyi ti janilayitieyi kiu' siuniwa wask'i'nelaja ti inkajejlasaye ti ijwienjli je k'iejliyi, ti iyo asjlak'aliye.

2 Pedro 3:1

I'lijwas ti yimijna', 'nak timesieyiji ti ip'isinik atajiet'ase'ni. Siu'nie ip'isinik, siu'neje ki anajnat ti ajlo'ase, je k'iejliyi pi jikiechaye ka iyo'nase naka ti awokta pet asosikie' ka ijiatayi ti jajnajyi ni astankiujnieye.

Apocalipsis 3:19

“Awo jlosikisie' siu'neje ti isio' e'ne wikie'eyi siunapo ti ts'amaja. 'Yina siuti kia'iyo jwajla'aja pakawo, wo ajosik ink'ieye.