Juan 20:15 - Sinia' Jlamtis 1994

¹⁵ Jesús i'yasen'ne jlaja María ti iyo'ate: —Jla i'nioki, ¿yot'iyi'ni ti jlap'ni? ¿Ten siupi jiwojyin'ni? María ijwilta ka pakaye siupi i'yena ja inwasok. I'yasen'ne ti iyo'ate: —Sip'elisin wata'a, ka ama'a ka ajlasat, jwelk'i'm siupi jle'ne, jayikinie'e.

Juan 20:15 Iomraidhean Croise

Mateo 12:34

¡Injlajasts'ase'm! ¿Tepa jawo ka ajwela paka 'esie, ti je insisie pet? Kajeyepa siuniwa tipoyiji ni i'nio' jlosik, niwakaye'eje siuniwa tal jikiwitk'i ti takamtijnienata.

Mateo 28:5

'Yina injlojwanik poli jlele ijliuye'ni japo asejnia ti iyo'ate: —Jweyitiejyits'i. Ts'ajane pi awone ti jak jiwoyetajyin'ni Jesús, ja tik'iejwata'a jlaja cruz.

Marcos 16:6

Siupa jwemik iyone'ne 'ate japoka asejnia: —Ke ijnots'ijnak'i'm. Jak jiwoyetajyin'ni ja Jesús Nazaret jlele siojo ti tena'a pijia'm 'neyek'i jlaja cruz. Lajk'ipa ka ine 'neye, iniu kisie'e tajli 'ni a'no'. 'Yenayi ni siunie tena'a 'neye.

Lucas 2:44

Itijnistiejesi ka inejyi papo i'nio' ti yama'ni, jlampa itijwat'iyik'ipe pa jloma ijwienjli ti t'iskiunk'iji'n. 'Yina ti je i'winis ka nejyi papo i'nio', sekyi'i ti ijioyetajats'i papo ijia, siu'neje papo itiant'iejesi, ti iyoyisijyi'ni.

Lucas 24:5

Jnots'ijnits'iyi, sek t'opiyeyisi'iji'n wek, 'yina papok i'nio' iyoyis'ne 'ate: —¿Yot'iyi'ni ti jlekiajlajyi'ni 'niwa t'o'l kiapo i'nio mases, ti jiwoyetajyin'ni siojo ti 'wasa'n?

Juan 1:38

'Yina i'yen'ne ji'wechaja ja Jesús, i'wi'in japo ti yamk'i, sekyi'i iyo'ne 'ate ti i'yase'n: —¿Tempi jiniamayi? Isiujlie'ne ti iyo'ate: —Inka'neyasajnawo, ¿tepa jle'yi?

Juan 18:4

'Yina Jesús pajk'i ta'a ti 'yijene pi iyone siukia ja tiwonaja, it'imina'ne ti iniuye kisie'e, iyo'ne 'ate: —¿Tempi jiwoyejyin'ni?

Juan 18:7

Sekyi'i ti Jesús yikiajlayi'iji ti i'yase'n japo i'nio' ti iyo'ate: —¿Tempi jiwoyejyin'ni? Kiak iyoye'ijyi pet ti isiujlisie: —Awoktajayin'ni siojo Jesús Nazaret jlele.

Juan 20:13

Siupapo injlojwajnas poli jlele i'yasen'ne jlaja María ti iyo'ate: —Jla i'nioki, ¿yot'iyi'ni ti jlap'ni? Isiujlie ti iyo'ate: —Tikiniet'iyi ki t'ajwes masa ki 'Yaka'niona. Je ts'ajane pa tokiji.