Juan 20:1 - Sinia' Jlamtis 1994

¹ Siojokia tajlaja'm ti k'iejli mot, ti ajnaj 'wanjle ajnat'e, María Magdala jleliki ijio a'noyi. Ti yiyeyi, siujlieja sisaj tip'onajaja'm jet'i k'iejets'i'nijpe ti totie ts'ijiye.

Juan 20:1 Iomraidhean Croise

Mateo 27:56

Japoka japo María Magdala jleliki, siu'neje jlaja Zebedeo k'iemjla, siu'neje jlaja María 'neje, siujlieja Santiago siu'neje José jletis.

Mateo 27:60

Sekyi'i José yamayi ti jamp'o'ne yi'i pa jika ajnat jla'am, ti pajk'i ta'a ti wakal ti titijikia'm yiji jlaja tikijnaki, sek yina'a. Itime ti ip'ionayija'm jla'a sisaj ti wuj, sekyi'i ti yama.

Mateo 27:64

Jakajliete, 'esiji ka ajlo' papo aka tokis ka ijiatayi ka 'yenaja pa t'o', paj ka ineyeyinie'e janak jloma ti yitine. Kajeyepa 'lojwinie'e ka t'eyasajnas nami'ni siu'nie ajnaj ka iname ni t'ajwes ka nekisi, kanwonayijna'a 'ate napo i'nio', ti janjwel ka inapi pijia'm, “Iniu kisie'e.” Ka nak ijiatayijna'a ka inka'm ape'e siunie iyo ti 'nelanjie'e, niwa inka sintijieyis.

Mateo 27:66

Sekyi'i yam'ni'ne, yiyisi ti ilisanayisi ti 'yitisiame siujlieja sisaj ti ip'ionisiaja'm, jla'yi ti jikajwukis yinayits'i. Sekyi'i ti sek iliyeyisi'i japo tokis ijia ti i'yenkinisie.

Mateo 28:1

Yam'nijiye jakiak jloma i'nio 'wanjlijyi'n, jloma 'yakaja'n jiwek siojokia jloma inia'ne jla'a inkijmaye, María Magdala jleliki siu'neje jlaja María 'neje, yama'nijpe ti i'yenisi ki a'no'.

Mateo 28:2

Kawojliyisi pa jakayi ti ajnat ti'wesiye ti pansak'iyi, jakap'anijpe ti nama isia'm ni injlojwanik, Sinia' jijliujwanik ti tal poliyi, ti ijiots'e yi'i ki a'no'. Yiyi ja a'no' ti 'yumaja t'ipi jakia sisaj ti tip'onatajaja'm, sekyi'i ti yiyejen'ni ape'e.

Marcos 15:46

Jak je iyoyi siuti José yama, itiu'un kia lotakinie siukia ti yame ti jla'am itiejietap. 'Yina kiak ijiuti'ne wita'm ti yinaja'n ti taj'l ape'e jlaja jika cruz. Ijioyiji siojo a'no' pajk'i ta'a ti wakal yi'i jlaja tikijnaki ti titijikia'm, sekyi'i ti ip'ionayija'm jla'a sisaj.

Marcos 16:9

[Jlampa pajak'i ti yi' kisie'e ti tajli pi a'no', siojopa jloma ti inia'ne jla'a inkijmaye ti ajnaj 'wanjle ajnat'e, María Magdala jleliki japak iniane ti Jesús ini'wenkijna'm, siujlieja ti ijwiejietjimpe ti imose'l yiji ti iniujwank'i kisie'e.

Juan 11:38

Jesús yikiajlayi'iji siukia iyo ti jiyel iyo'om ti yiyeyi ja a'no', ijliasayi'ni jlaja kiawe. Tiwoki p'ota jlaja sisaj ti wuj.

Juan 11:41

Ijiutieyis ts'iji siujlieja sisaj tip'onajaja'm ja t'o' yi'i. Sekyi'i Jesús i'yena poliyi, iyo'ne 'ate: —Inia', ka ijiatayijia'm ti jik'iuk'i.

Juan 19:25

Siujlieja Jesús jlet sekyi'i, yi'i jlaja cruz, siu'neje jlaja jikitia jla'am jlaja jlet, siu'neje jlaja María Cleofas jik'iemjla, siu'neje jlaja María Magdala jleliki.

Juan 20:26

Tijwajyi jakia inkijmaye ijwienjli, yikiajlayi'iji ti initaj kiajwe jlaja 'wuk. Jakayi'ne ti Tomás sekyiye'e. Siojowa 'wuk kiwitawa wikie'eyi ti tip'onajamk'i. Jesús inikajanit 'ne ti takasiti'n jikiowe'e japo. Iyo'ne 'ate ti itijwilayi: —¡Kamaja!

Hechos 20:7

Siojokia jloma inkijmaye, anitotiek'i'ne wita'm ti anikijwana ti a'yaki jakia Saka'niona Jlak ti 'Es. Pablo iyo jlamtikie' k'iye japo i'nio', paj ti je k'iejeyeyi'i, paj ti ajnaj kioweja ti je iliyi. 'Yina ti 'yakatate ti iyo jlamtikie', kajeyepa ti iyo ka nek jakayi siukia ti k'iejli mot.

1 Corintios 16:2

Ti jawayeyi siojona i'nio 'wanjlijyi'n, siojona jikajlajyi ti jikimats'iji'n ja'wenakitieyipi pet pa Sinia' ti ja ekiajlayi. Apejlati'n astepe'e ti asa'am, ja'nakayeyi ti ja wakajla ta'a siuka yiktiejna'a ti nak jajiojwi.

Apocalipsis 1:10

Siojokia jloma ti Saka'niona jika jloma, 'yina siojopa Sinia' jikimet ti 'es ti yi' itipe'e, sekyi'i ti ape'yayeyi siojo jla'lap siupa i'yask'i ti to'm i'niajk'i, 'yina ijiok'i'ni siojo jla'lap iyo, iyo'ate siujlie'e wakiak'iu' ti tipajwukk'i,