Juan 2:19 - Sinia' Jlamtis 1994

¹⁹ Iyo'ne 'ate ti isiujlie japo: —Siuti janetiajnatajyi'n siujlie'e 'najla'wet, jlomas ja najapeja ka yikiajlana'aja pijia'm.

Juan 2:19 Iomraidhean Croise

Mateo 12:40

Jawo'ate pa Jonás ti yiji japa askiuniet'io t'ipi ti jika jlomas 'najape, 'najape 'neje puwa ajnajas yamk'i. I'nio' Jlas kiak jawoyi, jlomas janajapeja ti jane ajnati, jika ajnajas janajapeja'aja pet.

Mateo 16:21

Sektaj'le ti Jesús inijwelaja'm japo t'eyasajnas ti iyo'ate: —'Yejne'n, je 'esiji ka je ijio Jerusalenne kajeyepa ti sek ja senaja'a siunie ja tiwonak'i ti ja wujwa ti janilayiti, ni janwonk'i napo kijilas, siu'neje napo pa'yijis jika anechiyasas, siu'neje napo jiwos pet ni Moisés jika'neyasajnaye. Napok ja silia'an, 'yina jlomas janajapeja janiu kisie'e ti jatiajla'm ni a'no'.

Mateo 27:40

ti iyonisi 'ate: —A'am ti jijwelpe ti janetiajnate'n jlaja 'najla'wet, 'yina jlomas janajapeja ti jateme ti ja ekial pijia'm, ¡jejlikiame kiu' paka wo kanijwajiet! ¡Sojmajyi'n ti jataj'le jana cruz!

Mateo 27:63

ti iyonisi 'ate: —'Ni 'yaka anechiyas, sitiej je alanajak'i'ni siojo iyopi kiaka siukia ti 'wanjle'e kiu', ti iyo'ate, “Jlomas janajapeja ka iniuyena'a kisie'e ti jatiajla'm ni a'no'.”

Marcos 14:58

—Sa'am ti ape'yakpe ti iyo'ate, “Ja initiajnate'n siojona 'najla'wet ti i'nio' jilisanki, 'yina jlomas ja najapeja niwa janejyi ka ijyijlitayijna'aja ka ilisane siojona jikiechaye, 'yina janak i'nio' ja ke jilisankiye'ne.”

Marcos 15:29

Jlam'ne pet siojopo jikalakijnieye yi'ne, ti iniuyisi'ni siojo yi'i jletik pa i'wiatayisi'i'ni ti iyonisi 'ate: —¡Tek'iayi jijweljie'epe a'am ti janetiajnate'n jlajak 'najla'wet wuj, 'yina jlomas ja najapeja kiwa jlejni ka ekiajlata'aja pijia'm,

Marcos 8:31

Sekyi'i Jesús iyo jika'niyeja' ti ijwijla'm japo t'eyasajnas ti iyone 'ate: —'Yejne'n, siunie I'nio' Jlas je jwela ka je inilayiti. Siunie janwone siunapo i'nio' anechiyasas, siu'neje napo pa'yijis jika anechiyasas, napoka 'neje napo taka'neyasane ni Moisés jika'neyasajnaye, jane'wajasia'm sekjane'yi ka inlanayisna'a. Jlam'ne pet ti jla'm, janejyi puwa jlomas janajapeja sekjane'yi janapiliena'a pijia'm ti jantajli ni a'no'.

Juan 11:25

Jesús sekyi'i iyone'ne 'ate ti ipi'yaye ti kia'iyo: —Ya'am siunie ti yapilietak'i pijia'm napok 'yajle'n, siu'neje ti ya'am in'wasankiyek'i'm. Siunie je sakakiu, 'wanjliyi ka 'na'al, 'yina ja'wasana.

Juan 5:19

Jesús iyone'ne 'ate japoka: —Ijiate, ijiatk'i siunie jayo ti jajwi'lase'm, ti Sinia' Jlas je 'yakajli paka k'iejliyeyi pa kanlesane ka jlama. Ijiatjliyi jla'am siupi i'winaja ti iyo pi Jinia', pakayeyi wekie'e ti iyo. Wikie'eyi siuniwa Jinia' iyo, kia'iyojliyi pet ti ilisane.

Hechos 2:24

'Yina Sinia' iniujwa'n kisie'e ti tajle ni a'no', ijwiejiete ki iyo ni t'a'ti ti tajle ni jiliaye, kajeyepa ti siunie inlaye je ijlie'ne'ni pet.

Hechos 2:32

“Je int'ayeyiji'n jla'am ja Jesús ti Sinia' iniujwa'n kisie'e 'neyek'i, 'yina sampe ti a'wena, jlam je iyo ti ijiatk'i.

Hechos 3:15

Jiwoyeyi'iji ka alana siunie in'wasankiye i'nio' iwijna'm. 'Yina Sinia' iniujwa'n kisie'e ti tajla'm pi a'no', sam ti a'wena ti ijiatk'i kiaka.

Hechos 3:26

“'Yina asa'am ti inajnata ti imp'elisina' ti ijliuye ni jlas ti jikawo, ti ijliu'wase ti initiajnat ni siunie iyo niwa askeyis ti wuj ti je isis.”

Hechos 6:14

Ape'yakpe ti ijwi'il pa Jesús Nazaret jlele je ijiat ka je inetiajnate'n siujlie'e ji'wuk pa Sinia', jla'yi ti janetiajnat siunie iyo pet ni Moisés jika'neyasajnaye, ti ja ink'ieye siupa janwone.

Romanos 4:24

Kia'iyo sam'neje ti tijnats'e'm, kajeyepa ti Sinia' kaslesajne'n 'yina lajk'ipa ka int'emina ti kia'iyo ti je akakiuk ti jla'am ti iniujwa'n kisie'e pa Saka'niona Jesús ti tajli pa a'no'.

Romanos 6:4

Ke iwo pa ti siuti aninajienajape iyot'e 'ate ti kasts'ajle'n sekyi'i titijikie sik'ioye, 'nakayi pet ti janiukk'i kisie'e ti jatiajlaja ni a'no', sekyi'i janiukk'i siunie si'niayi ti ink'ie'. Jawoyena'a 'ate iyo pi Sijwajieti ti kia'iyo ti iniu kisie'e ti tajla'm pi a'no', ka lajak'i siunie Sinia' jiwunitieye ti je jlase' ni jijweye.

Romanos 8:11

Siuti siojona Sinia' jikimet siojona ti iniujwa'n kisie'e pa Jesús jane aswa'm, janaka'ne jana ti janekial pijia'm niwak 'assienis ti je t'o'n, kajeyepa ti janakaye jla'am siojona Sinia' jikimet ti yi' aswa'm.

1 Corintios 15:12

Jlam'ne siunie saka'niye, ti ajwela pi Sijwajieti ti iniu kisie'e ti tajli pi a'no', 'yina ¿yot'iyi'ni ti po' siunapo ti asa'am ti jijwela' siunapo 'yajle'n je iniuk'i kisie'e ka intajli ni a'no'?

Colosenses 2:12

Jak je iyoyiji siuti inajienajajyi'n, 'yiniye ka imp'onaja'yi ti aslaye iniuj wita'm ni Sijwajieti. Kiak iyojliyi siuti jiniuyets'i kisie'e ti jitiajlayi ni a'no', 'yina as'nayi ijwienjliyi ti yapi pijia'm. Lapakawo ti je kakiuye siunie Sinia' jijweye ti naka ti iniujwa'n kisie'e ti jla'am.

1 Pedro 3:18

'Yina Sijwajieti jla'am ti inilayiti ape'e niwa jikeyis napo i'nio' ijwienjliyik'i wek pakatajaje. Jla'am ijiate jla'am ti 'es, 'yina je iyojliyi ti iniwe'n ape'e napoka i'nio' ti je isis ti iyoyi ni jike', kajeyepa ti iyojonk'iye ka intonayi ni Sinia'. 'Yina ti i'nio', ti tilianaja, 'ya'al; jlampet ti Sinia' i'wiesankit pet pi jisiak'al, 'yina ti yiji pi jisiak'al.